السلام عليكم طبعاً هالقصه قصه جن وفيها اسم جني حقيقي اذ انت تخاف لاتقراء الاسم بصوت طويل
والان بتركم مع القصه ولا تنسون تسمون فالجن على اسمهم يحضرون
هلا والله انا حسام من السعوديه اوكي راح اقولكم قصتي اللي متاكد ان اغلبكم بيكذبها عاد لكم حريه التصديق انا بسوي اللي علي واقولكم قصتي وانتم استمعو لي
بالبدايه بعرفكم بعايلتي امي وابوي ، اخوي محمد واختي ندى تؤام وانا وثم بعدي نادين والحين بقولكم عن شخصياتهم شوي وعمل امي وابوي
ابو يشتغل في شركه واما امي ربية منزل اخوي الكبير هو اخ ماحد يتمناه ولا واحد منكم ابداً ابداً ليش ؟ انا اقولكم عشانه انسان يشرب ويدخن كان شخص سئ ووقح جداً وكان عالحاله هذي من ٤ سنوات ونصف على عكس اخته التؤام ندى كانت كانه ملاك لطيفه وحنونه كانوا كانهم ملاك وشيطان
اما نادين اخر العنقود كانت اغرب اخت شفتها بحياتي غريبه اطوار بشكل ماتتصورونه ماتحتك مع احد كتومه ووحيده واذ تكلمت تتكلم بختصارات او مع امي وابوي وبعد حنى مانشوفها الا مرتين اذ اجتمعنا على الاكل او رايحين المدرسه
اغلب وقتها برا او داخل غرفتها هي ماتطيق شوفتنا ولا تحبنا وتكرهنا كره شديد ليش ماحد يدري حولنا نتقرب منها بس هي تنبذنا زياده
والحين بقولكم كيف بدائت قصتنا بدات ببدايه الاشئيا الغريبه من يوم ان ابوي تراكمت عليه الديون وخسر صفقه مربحه مره كانت حالتنا يرثى لها وقتها كانت تصير نزاعات بين ابوي وامي واخوي محمد لان مصروفه مايكفيه
ويوم من الايام كنا متجمعين بس اختي نادين كالعاده موموجوده وفجاءه انفتح الباب دخلت بدون ماتقول شي بملامح بارده قال اخوي محمد عشان ينرفزها شفيها هالنفسيه ماتسلم ؟
قالت اختي ندى : محمد وقف عيب تقول كذا
وقفت نادين وقالت: نسيت كنت مشغوله كذا تاخرت وراحت بدون ماتلتفت لنا
وبعدها جاء ابوي فرحان قال : لقيت فلوس بتسد ديوننا اخيراً !
كلنا فرحنا على هالموضوع سألنا ابوي كيف جاتك هالفلوس ؟
قال جاني رجال ضخم وطويل وعطاني ذي الشنطه وقال هذي هديه لك من شخص ماقدر اقول اسمه هو مانعني
وقال ابوي انه ماركز بكلامه او شكله من شددت السعاده انها بتنسد ديونه
فرحنا كلنا بس جاتنا ضيقه شوي ان نادين مو معنا بس حنى متعودين عليها
ومره من المرات كانت امي تشوف صوره لنادين تضحك وقالت : اشتقت لها يومها كانت انسانه بمشاعر !
قلت : كيف ؟
قالت : هي اول قبل ٥ سنوات كانت بنت مرحه ولطيفه وحنونه بس مادري شصار لها ! يارب انك تساعدها ! وترشدها لطريق الصحيح
أنت تقرأ
Scary nights
Horrorفكره هذي الرواية غير شوي وهي انها تجمعة لقصص مرعبة من تأليفي الخاص يعني كل بارت له قصه خاصة فيه مختلفة عن اللي بعدها وبس والله اتمنى تعجبكم الفكره وتدعمونها 🖤 ليلة مرعبه لكم جميعكم 😆🖤
