غدرني فاأحببت غيره ❤️

الحلقه الاوله (غدرني فاأحببت غيره)

غدرني فاأحببت غيره ❤️
الحلقه الاوله 🥰
قبل اربعه سنين كانت وتين تحب واحد هلبا وهو على الأساس كان يحبها بس كان يكدب علها بعد فتره كشفت انه كداب وبنوتي ويكلم في بنت اسمها اسيل يلي هيا مرته حاليا المهم بو وتين وامها وخوتها قررو بيسافرو لتركيا بيعيشو غادي وتين رفضت الفكره من أصلها لأنها تبي تقعد في ليبيا 🇱🇾 المهم فا خدو برايها ومبوش يضغطو علها خلوه ومشو المهم عاشت الاربعه سنين هذوكا بروحها وفي هذوكو الاربعه سنين نشهرت هلبا في التيك توك
******************×***************×***********
وتين : الو فاديا نطلعو ليوم لسلفيوم نبي نصور فيديو غادي شني تطلعي
فاديا : تمام اتصلي بسيرين وأكدي علها
وتين : تمام هي وتي روحك تو نختم عليك
فاديا : تمام
****************×**************×************'
وتين : ايوه سيرين شني بتمشي اليوم وله
سيرين : اكيده مالا شني انا اصلا وتيت روحي من بكرى
وتين : ههههههه تمام هيا تعالى انا نلبس في حوايجي
سيرين : الباب اللوطي مفتوح ولا لا
وتين : مفتوح ياهمي المفرخ يلي فوق طالعين نازلين
سيرين : باهي تمام
خشت سيرين
سيرين : اهو جيت 😂 😂 مصرع وله
وتين : هههههه هلبا مصرع
سيرين : شن رايك في لبستي مرات ندير فيديو معاك
وتين : حلو طالعه زي صاحبتك 😂😂😂
سيرين : انتي غير البسي
وتين اهو بنلبس
لبست وتين سروال مريكاني وعليه جكيت مركانيه والسوريه بيضه وسبيدرو ابيض كان الجو صقع لفه علها شال حلو والوشاح حاطته بالاسم بس 😂 😂
سيرين : هي على الجو تجنني بجديات صاحبتي ضوقها حلو في اللبس سعدوده مصعب بيك
وتين :😂😂مالا شني
سيرين : عبد الواتق يتكلم 😂😂😂
وتين : خزي هيا ننزلو مبين مسخنت السياره
سيرين : هيا
نزلو التنين فتحت وتين السياره قعدو لداخل بعدها طلعو فتحت عمتك وتين هذوك الاغاني الانجليزيه وسرعتها قريب طيرر
سيرين : تقصي سرعتك يبنت 😂
وتين : اخطيني خليني نسوق على حسب الاغنيه 😂😂😂
سيرين : واقلبي بينا السياره 🤦‍♀️😂
وصلو جيهت فاديا طلعتلهم فاديا ركبت في السياره
*****************×***************×***********
فاديا : مدخلنيش قوليلها تنزل من القدام انا من قدام
سيرين : مصح وجهك باهي 😂
وتين : خيركم زي العيلات آخر مره مني ركب من القدام
فاديا : سيرين هيا آخر وحده ركبت
وتين : معناها تفظلي اركبي لتالي
سيرين : تفو عليكم الاتنين اصلا نقعد من لتالي ناخد راحتي 😂😂
فاديا : احسن ركبت من قدام 😛😂
سيرين : يبيبي 😂😂😂
طلعو ماشين وتين سرعتها قريب بطير والأغاني تقول ولاد في السياره ومضلمتها السياره المهم وصلو جيهت السيمافرو وقفو
وتين :تلفت لقت السياره يلي جنبها بصدفه موراد طبعا هو معرفهاش لأنها متغيره هلبا وحلوت اكتر من قبل المهم هو شافلها
وتين بعد فتحو السيمافرو كفر فيه صطربت بسياره قريب ضربت سيارة موراد تنرفز
موراد : ياحيوانه يامسخه متشبحيش
وتين تنرفزت وسطربت قدامه ونزلتله
وتين : من هيا الحيوانه ياحيوان تكلم افتح فمك 😡
موراد مصدوم من ردت فعل البنت كيف سطربت قدامه بسياره
وتين : تعرف مازال تقول حيوان لأي بنت انا بنربيك من جديد درق وجهك قاعد زي ما أنت متغيرتش
موراد : شن قصدك منين تعرفيني
وتين : مش لازم هي سلام كيف جايه بتركب لسيارته نزلت مرت موراد
اسيل : فوتها واضح علها وحده مش متربيه
وتين :مشتلها وقتلها من هيا الحيوانه ياحيوانه 😡 وطلعت وتين سلاحها من جيبها وطلقت طلقه قريب جت في اسيل
اسيل :😲😲😲
وتين : نصدمتي المره هذي مش فيك الجايه ممكن تجي فيك
موراد : سامحيني غلطت فيك اركبي لسيارتك ياابله
وتين : مره تانيه احترامك قبل كل شي هي سلام
قبل لتركب وتين لسيارتها جتها بنت قتلها نبي نتصور معاك هيا ومجموعة بنات قتلها باهي تصورت معاها ومشت
***************×**************×***************
فاديا : تعالى لبهلولتك دارت العار في الشارع قلبت الدنيا على خاطر كلمت حيوانه 😂
مصعب : نشاء الله خليتها بروحها
فاديا : هبلت ننزل معاها هذيكا انا قريب تاكلني
مصعب : وين انتو باهي تو
فاديا :حاليا مدرسين في نص الشارع جيهت السيمافرو 😂😂
مصعب : الله واكبر انا قريبلكم
سيرين : فيسع البنت مطلعه السلاح مره وحده 😂
مصعب : حي عليا
****************×**************×***********
مصعب وصل غادي
مصعب : السلام عليكم اسف وخي على يلي دارته خطيبتي بس هيا مش عايشه هني ومترضاش اي كلمه في حقها
موراد : لا واللهي بعد يلي شفته هذي احسن مره
مصعب : شن تقصد انت
موراد : لا شي
وتين : هذا انت علاش جيت كملتها العركه 😂
مصعب : تحركي اركبي الناس قلها واقفه عندهم شغل
وتين : بشرط تتأسف هذيكا على يلي قالته
مصعب : بللهي عليك اعتذري منها
موراد : فيسع تأسفي من البنت
اسيل : 😲😲😲😲شن هيا
موراد بصوت عالي : تأسفي انا قلت 😡
اسيل : انا اسفه 😲
قبل لتركب وتين لسياره مشت قالت لموراد في ودنه نسيتني انا وتين ياخين شفت وين وصلت وانت وين 😂
نصدم هو هذي البنت يلي كنت بريئه ونحبها وين مشت
وتين : انت يلي خربتلها حياتها نعرفك خطيبي وحبيبي مصعب
**************×*****************×************
ركبت في السياره
فاديا : واااو الصراحه
سيرين : ورأس امك اعطيني حتي شويه من قوتك
وتين : بري حبي وخليه يخونك تو تقوى 😂😲
سيرين : اللطف منبهاش القوه يلي تجي هكي 😲😂
وتين : خلاص درقي وجهك
فاديا : درسي هني بشويه لتخبطي السياره حب هذا مصعب وله وتي روحك معاه اليوم
سيرين : ههههه وتي روحك الهزايب يلي بتاخدها
وتين : كأنه راجل يهزب ويشوف روحه 🙄
سيرين : ووووه منك 🙄😂
نزلو من السياره وتين مشت لمصعب كيف بيهزبها
وتين : تعرف تقولي حاجه نقتلك مدخلنيش فيه نرفزني فشيت غلى فيه يلي داره فيا رديتهوله أضعاف
مصعب : مش حنتكلم لأنك ضحكتيني يستاهل 😂😂
وتين : هههههه توقعتك تهزب
فاديا : غريبه مهزبتش ولا عطيت محاظره
مصعب : تو نوريك انتي هذا لصاحبتك خلتها دار العار
فاديا :😂😂😂
سيرين : تعرف اقوي حاجه لما قاللها ياحيوانه سطربت قدامه ونزلتله قتله ياحيوان ياولد الحيوانه 😂😂😂
مصعب : هههههههه شكلي انا بتقتلني
وتين : لا عيب انت حبيبي وبو صغاري متجيش
مصعب : سلمها حياتي ❤️
فاديا : مش كده عيب مش قدامنا عاد 😂😂😂
سيرين : معاش ميتحشمو 😂
وتين : باهي شوفو هذي باسته من خده 🥰
مصعب : انا دبت خلاص 🤤😂
سيرين : الله الله 😂
فاديا : هيا تحركو قبل ليتجمعو عليكم الناس نبدو حاصلين
سيرين : اه هيا 🥴
*****************×****************×***********
مصعب : تلاته نسكفي وتلاته بن كيك 🥧
وتين : وانت
مصعب : لا منبيش كيف واكل مع الولاد
وتين : اها 😊
قعدو يهدرزو شويه مع بعض مشي خش............
وهني العركه على اوصولها تتعرفو علها في الحلقه التانيه 🤗
نشاء الله تعجبكم ❤️