غدرني فاأحببت غيره ❤️
الحلقه التلاته 😘
بعد حددو وين يتلقو والساعه كم طلعت تين ومشو معاها فاديا وسيرين طبعا هذو ديما لاصقين فها 😅
وتين : نشاء الله غير البوبه الهم تفوتنا
فاديا : نشاء الله ممنوع البنات هني 😲
سيرين : انا كان قتلونا ادفنوني جنبهم 😅😂
وتين : سكرو فامكم شوفو كيف بندوخه 😂
***************×*****************×*************
وتين بصوت رقيق 😅: اهلين ممكن نخشو
الشرطي : واللهي المكان متاع ولد الجيه التانيه للبنات
وتين بنفس الصوت : محبتاش المكان هذكا بنكلم خوي لداخل ساعه ونطلع
الشرطي : بشرط
وتين :تفظل
الشرطي : قبل لتطلعي بتعطيني رقمك
وتين : خلاص تمام تو نعطيهولك
الشرطي : واه نبي صوره معاك
وتين : تمام حاظر ممكن نخش تو
الشرطي : تفظلي يكلمك واحد لداخل قوليلهم دخلني الرائد
وتين : تمام شكرا 🥰
الشرطي :ولو ❤️
***************×***************×**************
فاديا : اووووو مااااي قاااد 😂 مقوك الزح دوختيه الراجل 😅
وتين :😂😂😂😂😂😂😂
سيرين : نشاء الله بتعطيه الرقم
وتين : اه ونوصل للحوش نحظره 😅😂
سيرين : وااااو بجديات واااو 😅
خشو لداخل تلقو با موراد نزلتله وتين وقعد فاديا وسيرين في السياره قبل بتنزل تصلت با مصعب وفتحتله الميك وبدي يسمع
موراد : شن الجو وتين
وتين : تمام الحمد لله وانت كيف حالك وحال صغارك
موراد : تمام الحمد لله في نعمه
وتين : اهو لبيت طلبك وجيت تفظل قول يلي عندك
موراد : قبل كل شي نبي لما بنتكلم نبي نتكلم مع وتين القديمه مش هذي
وتين : لا للاسف هذيكا ماتت في وتين وحده تو يلي هيا قدامك
موراد : تمام المهم خلي نبدأ تو بنفهمك قبل شن صار انا الحق كنت نحبك بجديات مكدبتش عليك ومعمري فكرت نسيبك
وتين : دقيقه انت عمرك فكرت تسيبني على مني تكدب
موراد : واللهي منكدب بس يوم كدبتي عليا تضلمت الدنيا في عيوني وسيبتك هذا علاش
وتين : واراس امك متبررلي شن درت ويلي يحب يسامح لكن انت كداب تعرف معنا كداب هذا انت المهم ربي يهنيك مع مرتك ويحفظك لصغارك
موراد : غير اسمعيني شن بنقول وخليني نكمل يلي جيت بنقوله
وتين : تفظل وخي كمل
موراد : انا لما شفتك كدبتي قلت اكيده متحبنيش والكلام هذا وهو علاش الكدب انا كنت نكلم في اسيل ونكلم فيك
وتين : ماهو عارفتك كداب وخاين 😌
موراد : خليني نكمل كلامي النم 😡
وتين : من غير عياط خير مأقسم بلله نروح ودرق وجهك عليا
موراد : خلاص اسف نسيت انك تغيرتي ومعاش تتحمليتي
وتين : المهم فيسع
موراد : المهم كنت نكلم فها بعد كدبتي عليا فتك بس كنت نحبك ومازال قلبي يبيك المهم فاتت سنتين وخطبتها وتزوجتها بس كنت نعاقب في روحي المشكله وين زدت شفتك الايام هذي فتحتيلي جرح الماضي
وتين : باهي اسمع مني انا نكرهك نكرهك نكرهك باهي وانت قبل قبل كنت يعني منهاره ونكسرت بس كرهي ليك قوني للعلم انت خسرتني مكسرتنيش بفراقك وانا تو نحب واحد بس مصعب باهي ترا قولي خيره مصعب مسيبنيش وديما يسامح فيا كان غلطت وانا نفس الشي لأنه يحبني ويبيني بس انت واحد كداب وبنوتي وتم وربي يهنيك مع مرتك
موراد : لدرجه هذي تكرهيني وفعلا انا خسرتك وبجديات تحبيه ونسيتيني
وتين : ورأس الغالي مصعب نسيتك ونسيت حتى اسمك كيف ينكتب ومعاش فكرت فيك الأبعد شفتك في الطريق بس ومعدلتش عليك
موراد : انا بنقولك حاجه انا ومرتي بنطلقو مقدرتش نعيش معاها
وتين : وانا شن دخلني دير رايك طلقها تقتلها مدخلنيش اه وخط في رأسك اقسم بلله مازال دجيب سيرت مصعب على لسانك راني نقتلك سمعت
موراد : باهي انا نحبك
وتين : اسفه انا نكرهك واحد بس في قلبي
موارد : حرام عليك ديري فيا هكي
وتين ولعت وبدت تعيط : تي شني حرام عليا وانت مش حرام عليك يلي درته فيا مش حرام عليك بكيتني وجرحتني ورأس امك روح درق وجهك عليا
موراد : خلاص اسف اسف معاش تعيطي
وتين صقعت كان بيعطيها جيبوطيه مشي قتله لا منبيش ضبحت لسيرين
***********×*****************×*****************
وتين : سيرين ياسيرين ردي الهم
سيرين : نعم مسمعتكش الاغنيه عاليه
وتين : باهي اعطيني جيبوطي مصعب تلقيه جنبك
سيرين : هذا
وتين : اه هتيه
سيرين : هكي
ولبستها موراد تنرفز قصفته قصف صح هههههه المهم
موراد : يعني من غير منجرب معاش تبيني
وتين : ياولد الناس تعرف اني نكرهك نكرهك زي ما الإنسان يكره الشيطان هكي انا حاليا يبي اخطاني واطلع من حياتي زي مطلعت الاربعه سنين يلي فاتو
موراد : خلاص تمام على راحتك بس مش حتشوفي خير
وتين : أعلى مافي خيلك اركبه دير يلي بدير ولا معدله عليك
موراد : تمام
وتين : هي سلام يابيبي البنات 😌😅
موراد :😡😡😡😡
**************×***************×**************
كيف بيروحو خلاص ركبت لسياره سكرت الميك وحطت التلفون في ودنها
مصعب : وتين نحبك ونموت فيك ونعشقك
وتين : ياروحي انا وانا نموت في عشقك يامهبولي
مصعب : يابنت قلبي وياحبي يحلالي ومرتي وأم صغاري
وتين : ياروحي بتخليني ندير حادث من كلامك
مصعب : بعيد السو عليك نشاء الله في عدوانك
وتين : يوخيتي سلملي راجلي يلي خايف على مرته
مصعب : يافرخه نموت فيك
وتين : وانا نحبك ونموت فيك هي سكر قدامي بوابه
مصعب : تمام ردي بالك على روحك
وتين : تمام 👌
***************×**************×*************
الشرطي : ها يحلو تلقيتي بخوك
وتين : اه تلقيت بيه شكرا ليك
الشرطي : هيا نبي الصوره والرقم
وتين : تمام
نزلت خدت معاه الصوره وعطاته الرقم وتصل بها تأكد انه رقمها وخلها تمشي
وتين : هي سلام شكرا مره تانيه
الشرطي : ولو
وختمت وتين بسياره وبدت تجري ومدايره الاغاني مشي تفكرت حاجه
وتين : حقا سيرين الفيديو يلي صورتيه لما ضربت موراد نزلتيه
سيرين : اه نزلته وحصل هلبا مشاهدات وليكات
وتين : قداش مشاهد
سيرين : خمسه لاف مشاهد وعشره لاف لايك طبعا انتي مسكره التعليقات
وتين : باهي مليح
فاديا : يبنات ماما مش فلحوش قتلى بري اقعدي عند وتين
وتين : وباهي شن بنديرلك
فاديا : نحسابك بتلزيني 😅
وتين : مبردك
سيرين : وانا!!!! مدخلنيش حتى انا بايته
وتين : ورأس امكم متبدوش تتسهوكو ديما انتم عندي يعني شن بيفرقك ترا 😅
سيرين : سلمها صاحبتي
****************×****************×***********
كيف وصلو قدام الحوش درست وتين قدام الباب وبدر بينزلو البضاعه المهم فتحت الباب جارتهم وبدت تهدرز
أسماء : شن الجو وتين وينك معاش تجي تهدرزي
وتين : واللهي مشغوله هلبا
أسماء : اها ربي يعونك
وتين : تسلمي
جي مصعب يسطرب بسياره غبر الدنيا أسماء عيطت
أسماء : مني الحمار هذا يلي غبر الدنيا
وتين : مسمعتش الكلمه يلي قلتها
أسماء : ااااا اسفه مكنتش نعرف هذا مصعب
وتين : خلاص المره الجايه تأكدي وبعدها تكلمي
أسماء : باهي هي بأي
وتين : بأي 😒
عطاها الملفاي وقاللها
مصعب : عارفك تحبيه وخاطرك فيه لهذا جبتهولك شدي
وتين : يوخيتي سلمه ❤️
سيرين : مصعب مقالكش محمد علي فكرته
وتين : شن هيا
مصعب : لا الحق شن هيا
سيرين : بنتزوجو في نفس العرس مع بعض
وتين : الله 😍
سيرين : واللهي 🥰
مصعب : مليح بكل هي انا بنروح
وتين : بأي
****************×****************×************
ركبو البنات واين طقطقت على خالتها لوطه
وتين : خالتي مني عندك نقدر نخش
سالمه : خشي ستاحشتك ياقرده معاش تباني بكل
وتين : واللهي ياخالتي الشغل ماعندي مندير
سالمه : ربي يعاونك ياعمري
أروى : شن الجو وتين عاش من شافك
وتين : تسلمي ماشيه الحمد لله
أروى : وينك مختفيه
وتين : قلنا نخدم 😒
طبعا هذي أروى كانت تبي وتين لولدها يوسف ويوسف كان يبي وتين بس وتين متحبش عيلتهم مره وحده 😂
يوسف خش : اووو اسف مكنتش نعرف في حد هني
أروى : قصدك معرفتهاش مني هذي
يوسف : لا الحق ماما معرفتهاش
أروى : وتين يايوسف
يوسف :يشبح لوتين ومصدوم انه هذي البنت حلوت اكتر من الاول
وتين : وين سرحت يوسف شن جوك
يوسف : لا الحق معرفتكش هذا باش ماشيه تمام
وتين : تمام هي خالتي اهو راكبه غدو عندي شغل هلبا فوق راسي
سالمه : تمام طلي عليا غدو
وتين : تمام
***************×*************×***************
يتبع..................؟
هذي حلقت اليوم نشاء الله تعجبكم ❤️
أنت تقرأ
غدرني فاأحببت غيره ❤️
Actionالروايه الجديده حلو بجد انا الحق عجبتني كلها اكشن تحكي على بنت كانت ضعيف بعد الايام قوه بدت قويه بشكل غريب تتعرفو على الباقي في الروايه اسم الروايه (غذرني فاأحببت غيره) ❤️ الابطال هما (وتين و موراد ومصعب) ❤️ وتين : بنت مواليد 1997 هيا بنت حلوه هلبا...
