غدرني فاأحببت غيره ❤️

الحلقه التانيه (غدرني فاأحببت غيره ❤️)

غدرني فاأحببت غيره ❤️
الحلقه التانيه 🤗
هما مقعمزين يهدرزو خش عليهم الأستاذ موراد 🤦‍♀️
وتين : انت شن جايبك هني شكله يبي درته فيك شويه 😡
موراد : جيت نبي نكلمك كلمتين ونمشي
فاديا : موراد انا ننصح تمشي احسن لأنك كان بتقول حاجه بس على مصعب بتقتلك
سيرين : كانش تبي تلحق يلي في العنايه معندكش مشكله
موارد : انتم الاتنين بدأت اسكتو 😡
مصعب : تو انت متفهمش مش قتلك مبكري سامحني ولا تبي تاكل طريحه
موراد : انت سكر فمك 😡
وتين : عطت كف لموراد
موارد : 😲😲😲
وتين : تعرف مازال تغلطت في حقه ورأس مصعب ندفنك وانت حي راك مازال متعرفنيش
موارد : تي من تحسابي روحك انتي وربي لما تندمي
وتين : يلي بديره ديره بس وربي تجي جيهته نقتلك تسمع
موارد : هذا كله على خاطر واحد مينفعش
مصعب : احترم نفسك خيرلك 😡
وتين نقزت على موراد ضربته في المنطقه الغلط 😲😂🔞
موراد طاح لوطه في الأرض وبدي يعيط
وتين : المره هذي جتك خفيفه المره الجايه مسدس في رأسك
موارد :😲😲😲😲
وتين كيف بتزيد تضربه قامها مصعب ورفعها وهيا تعيط
وتين : سيبني نزلني واللهي لما نقتله الحيوان الجاهل
فاديا : لو سمحتي معاش تصورو
سيرين : صورو صورو خلي يشبحوه كيف نضرب على ايد بنت 😂🤦‍♀️
**************×*****************×*************
مصعب : اهفتي يابنت 😂 قتلتيه الراجل 🤦‍♀️
وتين : ومازال يجي جيهتي نقتله
مصعب : باهي اسمعي
وتين : نعم 🤦‍♀️
مصعب : نحبك ❤️
وتين : خيتي سلمه نعشقك ياعمري
فاديا : هاحم احم نحنا جينا 😂
سيرين : نحن هنا ياجماعت الخير 🤦‍♀️😂
مصعب : اللطف عرفنا انا انتم هني 😂
وتين : انا جيت هني بش ندير فيديو هيا بنديره
فاديا : باهي هي خلي نفتح التلفون
مصعب : تمام لكن في فكره في رأسك
وتين : اه في فكره متاع لما يكون الولد والبنت مع بعض وتنزل البنت بتربط سبيدروها تجي وحده بتعطيه رقم يلوحه في وجها وينزل هو يربطلها السبيدرو هي تشد البنت من رقبتها
مصعب : تمام عرفته لكن مني بدير دور البنت التانيه فاديا ولا سيرين
فاديا : لا مش انا سيرين هيا يلي بدير
مصعب : تمام هي أبدو
وتين ومصعب وسيرين داروه الفيديو كملو وكل واحد مشي لسيارته
مصعب : هيا باي وسوقي بشويه ونحبك يامهبوله 😂
وتين : تمام وانا نموت فيك
فاديا : تي هيا اركبي لسياره فددتونا بنحبك ونكرهك 🤦‍♀️😂
سيرين : يتمعشقو في الشارع 😂😂
*********'*******×****************×***********
ركبت في سياره وبدت في الجري المهم وصلت فاديا للحوش وسيرين روحت مع وتين بتبات عندها
وتين : خلي نختمو على شارع عشره ناخد حاجات السهره
سيرين : تمام كيف جايه بنقولك هي نختمو ناخدو
وتين : اهو المحل ننزل انا ولا انتي
سيرين : الاتنين مع بعض
نزلو للسبرماركت خدو شيبسات وشكاليط وسمينسه وهلبا حاجت خلصو وركبو للسياره
وتين : واخير وصلنا للحوش اليوم اليوم العالمي لوتين 🤦‍♀️😂
سيرين : ههههههههه اه تشبحي في أبراج المراقبه يلي يبيتو من البلكونه
وتين : نشبح فيهم يجربو يتكلمو عليا يشوفو
سيرين : هما يتجرأو لكن سمعتي شن قالو
وتين : لا قولي
سيرين : قالو تو معقوله هذي البنت يلي كانت بريئه وحشومه بدت هكي 🤣
وتين : هههههه عادي هما امي وبوي نصدمو اني تغيرت زي تو
شويه طقطق الباب مشت سيرين فتحت ضبحت ياوتين
وتين : نعم
سيرين : في بنت تسأل عليك
وتين : اهو جيت حي هذي انتي دعاء ضبتتها ستاحشتك هلبا وينك مختفيه
دعاء : واللهي كنت في الجبل الفتره يلي فاتت تعالى جاي احكيلي قالولي تغيرتي
وتين : مش واضح
دعاء : تي شني مش واضح واضح يهمي حلويتي هلبا 😂
وتين : بش تعرفي بس
سيرين : شني جايه تسلمي على صاحبتك وانا نسيتيني
دعاء : كان مغلطنيش ربي سيرين وله 🤦‍♀️
سيرين : بزبط
دعاء : شن جوك شن امورك
سيرين : تمام الحمد لله خشي خشي خلي نوريك مغامرات الانسه وتين
دعاء : هي وريني
خشو قعمزو لداخل ورتها الفيديوهات وتين بدلت حوايجها وخشتلهم
وتين : اهو جيت وجبت الماكله
سيرين : الله الله الله 😂
دعاء : مشاء الله على صاحبتي بدت فنانه مشهوره 🤦‍♀️😂
وتين : نستأذنكم شويه
سيرين : بري ردي عليه بري 😂
******************×***************×*********
وتين : الو ياقلبي 🤤
مصعب : ها يامرتي يأم صغاري نعم
وتين : يحليلي ستاحشتك
مصعب : انا اكتر منك وتين بنسألك سؤال 🙋
وتين : اسأل ياقلبي
مصعب : شن تبي اول عيل لينا وشن بنسموه
وتين : هو كله بأيد ربي بس خاطري في ولد يشبهك بنسميه علاء
مصعب : الله الله على مرتي
وتين : وانت
مصعب : الحق نبي ولد وبعدين بنت وكنت نبي اسم الولد مطيع بس خلاص يلي يريحك انتي
وتين : خلاص متفقين مصعب
مصعب : عيونه
وتين : ستاحشت ماما وبابا خاطري نمشيلهم
مصعب : خلاص تو نمشولهم
وتين : امتا 😍
مصعب :  شن رايك الأحد هذا
وتين : قصدك متاع بعد غدو 😍
مصعب : اه 😌
وتين : تمام اسمع عندي بنت ضيفه خلي نهدرز معاها ونعاودلك
مصعب : مني هذي
وتين : بعدين نقولك باي
مصعب : باي
******************×***************×************
دعاء : مع مني تتكلم لدرجة طولت بشكل هذا
سيرين : مصعب
دعاء : مني هذا 🤔
سيرين : هذا خطيبها
دعاء : بجديات امتا نخطبت وانا منندريش
سيرين : مش قتلك وتين تغيرت ميه وتمنين درجه على قبل
دعاء : اه لاحظت حكتلي أسماء
خشت عليهم وتين سمعت اسمها
َ وتين : سمعت اسمي شن كنتو تقرمو فيا 😂
سيرين : اه قرمناك 😌
دعاء : قطعناك تقطيع 😂تعالى جاي احكيلي مني هذا وشن قصتك بضبط
وتين : واللهي كنت نبي واحد زمان قبل تلاته سنين اربعه المهم طلع كداب بناوتي ومينفعش ويكلم في بنات المهم نكسرت ضعفت مقدرتش نعيش تقتي نعدمت حتى من روحي المهم بابا وماما قرارو يسافرو لتركيا معاش يرجعو مشي انا مبيتش نمشي معاهم قعدت هني وعشت حياتي وتغيرت ونشهرت وحبيت مصعب حياتي وتمت وهذي قصتي 🙋
دعاء : واااو بجديات وااو انا قاعده مصدومه متقوليليش نفسه يلي قلتيلي تحبيه زمان
وتين : اه نفسه
سيرين : من هو هي
دعاء : موراد تقريبا اسمه صح وله 😂
وتين : اه يلا سكرو موضوعه من يكون بش نذكروه حنى فوتيني منه
دعاء : انا نستأذن تو لازم نروح
سيرين : اها زيدي شويه تانيه 😂
وتين : تي قعمزي معنا حوشك خطوه
دعاء : لا لا بابا لما يوريني 😂🤦‍♀️
وتين : تمام ديري طله غدو علينا
دعاء : نشاء الله ❤️
طلعت دعاء روحت سيرين تصل بها محمد هذا حبيبها وتين تصلت بمصعب لأنه قتله تو نتصل بيه
****************×*****************×**********
محمد : الو ياعمري شن جوك
سيرين : تمام الحمد لله وانت
محمد : ماشيه اهو حقا نسيت
سيرين : شن نسيت ياقلبي
محمد : نحبببببببك 💖
سيرين : يحليلي انا نموت فيك ❤️
محمد : شن ديري
سيرين : واللهي بايته عند وتين هيا تكلم في خوك وانا نكلم فيك
طبعا محمد هذا هو خوي مصعب
محمد : تعرفي شن خاطري
سيرين : شن خاطرك
محمد : يكون حبنا زي حبهم لبعض ❤️
سيرين : وخيره حبنا شن ناقصه 😠
محمد : لا ياعمري متزعليش مخيره شي يجنن قصدي انا نحكي انه نجي نخطبك فهمتي 😅
سيرين : اه نحسابه 🤦‍♀️ تعالى مني شادك
محمد : خلي خوي يكمل عرسه ويصير خير معاي
سيرين : وعلاش منتزوجوش مع بعض في نفس اليوم
محمد : حي واللهي مفكرت فها هذي سلمها مرتي الذكيه
سيرين : طالعه لراجلي 😅
محمد : الله الله 😂
سيرين : محمد عندك علم عيوني بدو يتغمضو
محمد : حالك من حالي 😂
سيرين : باهي هيا تصبح على خير 🥰
محمد : وانتي من اهل الخير تغطي كويس
سيرين : نشاء الله ❤️ نحبك
محمد : نموت فيك ياروحي 😍
****************×**************×*************
وتين : ياقلبي
مصعب : ياعيون قلبك
وتين : شن دير
مصعب :شي شاء مكاني قريب نرقد 😂
وتين : بري ارقد تلز فيا وله 😭
مصعب : نبصر عليك اه حقا فكرتيني من هيا البنت
وتين : اه هذيكا بنت جيرنا صاحبتي من زمان
مصعب : عمرك حكيتيلي علها
وتين : لأنها متسكنش هني ديما في الجبل
مصعب : اها 😊
وتين : مصعب نبي نرقد معاش قادره نفتح عيوني
مصعب : نوم العوافي ياعمري 😍
وتين : تصبح على خير نحبك ❤️
مصعب : وانتي من اهل الخير نموت فيك ❤️
وتين : بأي
مصعب : بأي
******************×**************×*************
ناضو الصبح فطرو وقعزو جوهم مليح اتصل بها رقم غريب ردت
وتين : الو مني معاي
موراد : معرفتينيش ولا مسحتيه رقمي
وتين : لا الحق منعرفكش وفي تلفوني كامل رقم حبي بس
موراد : هذا انا موراد
وتين : درق وجهك صبح النم علاش تتصل بيا شن تبي مني
موراد : خيرك تنرفزتي
وتين : شكلك جاي بتتسهوك للأسف معاش تنرفز فيا ولا تهمني هي سلام وخي 🤗
موراد : باهي منبي شي طلب بس ونفوتك
وتين : تفظل افتح فمك
موراد : نبي نشوفك جيهت طريق الشط عشره دقايق بس لا اكتر ولا أقل
وتين : اسفه لا
موراد : بللهي عليك معاش تشبحي وجهي بكل
وتين : دقيقه نتصل بمصعب نشوفه يقولي باهي ولا لا
موراد : افففف باهي هي فيسع
وتين : على أقل من مهلي 😌 سيرين هتيلي التلفون التاني
سيرين : هكي شدي
وتين : الو مصعب صباح الخير ياعمري وياقلبي وياحبي
مصعب : صباح العسل على العسل
وتين : مصعب انا منبيش نعكرلك مزاجك على الصبح بس بسيف عليا
مصعب : شن في نشاء الله خير
وتين : تو هذا يلي ميتسماش معايا على الخط في التلفون التاني وقالي لو تجي تقابلنيني نخطاك مره وحده شني نمشي ولا لا
مصعب : باهي بري بس بشرط تقعدي فاتحه الخط بيني وبينك لين تكملو كلمكم
وتين : تمام هي بأي نحبك نحبك نحبك نحبك نحبك
مصعب : نموت فيك نموت فيك نموت فيك نموت فيك ياروحي 😍
وتين : الو موراد تمام نتلقو في العشيه
موراد : تمام 👌
*****************×***************×*************
يتبع.................... 💗
تتعرفو شن صار بين وتين وموراد في الحلقه التلاته 😘
نشاء الله تعجبكم ❤️