[أَنَا وَ هُو .]

🥺🦋 مقدمة 🥺🦋

هاي انا سهى !
انسانة وي انا انسانة هذا ماكان عايشة مع دارنا باينة ومهووسة بالسبور عندي ثلاثة صحاباتي برك واحدة فريال وواحدة كريمة ولوخرا  أية .
-
كريمة ملاك الحب جاية من النوع لي حنينة وتأمن بقصص الحب  والتفاهة .
-
فريال نفس الشي متوقعة تلقا نصفها الثاني وبلا بلا بلا بلا ....
-
أية ماهيش مهتمة بهذا الموضوع بصح متقبلاتو عارفة بلي راح تلحق لعمر معين وتتزوج وكيما قالت هي "مانقدرش نقعد عايشة وحدي للأبد" 😒 حمارة ....
-
وفي الاخير انا انا مانأمنش بهاد الخرطي ومانبغيش الرجال ولا نوثق فيهم زدت وحدي نكملها وحدي .
-

عايلتي صغيرة انا الابنة الوحيدة وكاين خويا وحدوخر متفاهمين والحمد لله هاذي هي حياتي بالمختصر السنة راني طالعة نقرا في ايرلندا الحمد لله قبلوني وراني رايحة نأسس حياتي الجديدة كيما كنت باغية ونحلم وراح نقرا تسويق رقمي .
-
راح نتوحش عايلتي صحاباتي كل شي بصح هذا هو حلمي راح نبقا دايمن على تواصل معاهم وبلاك حتى نجيبهم علاه لالا اصلا راني مخططة انا وفريال تجي ليا بيسك حنا قاريين نفس التخصص ادعولها ونسيت حنا قاع 19 عمرنا .
فريال :

كريمة وأية

انا

صحاباتي زلات ... ؟
علابالي .
ملاحظة كي نكتب بهذا الخط اعرفو بلي انتقلنا للجهة لوخرا .
-

يحيا: عييت وانا نفهم فيكم بلي انا وقيس مانجوش مع بعض وماعلاباليش مين نخرجو من الشركة وين يروح .
علي (باباهم) : نتوما كاش نهار تهبلوني .
"وبدون سابق انذار يدخل قيس "
قيس : السلام عليكم ايتها العائلة
ميمونة (ماماهم ) : وكاشما بقات عائلة كاشما خليتلنا نتا عائلة ولدي
علي : نموت ونعرف وين كنت داخلي دروك على التسعة تاع الليل ؟
قيس : راهي غي تسعة ناس هذاوين بدات تخرج
مريم : لوكان نبداو ناكلو مش خير
اصبرو اصبرو علابالي ماكم فاهمين والوا هاذي هي عائلة **** عايشين في ايرلاندا عندهم زوج ذراري كبار يخدمو في شركة باباهم واختهم حبيبة الصغيرة مازالها تقرا والسنة طلعت للجامعة هاذي نبذة على حياتهم  حبيبة عاقلة وقراية بصح الذراري طايرين قيس جاي اجتماعي ويقباح بصح يحيا واعر وعاقل مايخربش وعندو هيبة .
يحيا

قيس

هذا اول بارت كان تعريفي صغير ولطيف بليز اي واحد يقرا يعطيني رايو 💛☹️