اتصلت بأخوها وهي بتعيط جامد
شادى : الو أيوة يا شمس
شمس وصوتها مش واضح من العياط : ش..شا..شادى أنا خايفة تعالي خودني دلوقتي أنا تعبت مش قادرة
شادي : شمس اهدى يا حبيبتي متعيطيش انا جاى فيه ايه
شمس : بتعيط ومش بتتكلم
شادي : شمس اديني أي حد جمبك
شمس أدت الفون لقمر
قمر : السلام عليكم استاذ شادى أنا صاحبة شمس
هي تعبانة دلوقتي وبتعيط وغالبا دخلت ف صدمة عصبية
شادى وقف فجأة : صدمة عصبية
وبعصبية زعق ايه الي حصل
قمر : مش هقدر ف الفون ياريت حضرتك تيجي بسرعة احنا ف الجامعة
شادى : ماشي
ياريت حضرتك تفضلي معاها
قمر : اكيد
نشوف بقا ايه الي حصل خلي شمس كدة
نرجع بالذاكرة ورا "٩" شهور
كان لسة تاني اسبوع جامعة
قمر : شمس احنا عندنا سيكشن دوك ادهم انهاردة
شمس : عارفة يا ايمو
قمر : شمس انا كنت عايزة أقولك حاجة مهمة
شمس : خير
استني اوعي تقولي أن الواد شريف مزعلك انا حاسة والله بصي انا مستريحتلوش من الاول وقلت لروقة قولي عملك ايه وانا هبهدلهولك
قمر : حيلك ايه اهدي كدة
شريف ايه براحة
شمس استوعبت : ايه ده مش شريف اومال مين
ليكون الواد الملزق المعفن ده دايقك تاني
قمر : بااااااااس اسكتي انتي بالعة راديو
شمس : اووف زهقتيني م تقولي وتخلصي
قمر : متتعصبيش
شمس : طيب انجزى
قمر : شمس انا مش موافقة الي انتي بتعمليه ده ومش معاكي
كدة حرام واحنا متربيناش كدة
شمس : تمام
قمر : تمام ايه هتبطلي لعب
شمس : لا براحتك اخلعي
وسابتها ومشيت
واتجهت لبنت كانت واقفة
شمس : لو سمحتي ممكن أسألك عن حاجة
البنت : انا
شمس : اه
البنت : ماشي
واتجهو بعيدا
شمس : انا كنت سمعتك قبل كدة بتتكلمي مع واحدة عن دوك ادهم
انا عايزاكي تقوليلي كل حاجة عنه
انا اسمي شمس
البنت : انا سمر
وحكت سمر لشمس عن كل حاجة تعرفها
وتمر الايام وشمس بعيد عن قمر
وقربت من سمر جدا
وعلاقتها برقية قلت لكن لسة صحاب
( من الاخر كدة يجماعة ضلت الطريق ومبقتش بتفرق الصح من الغلط💔)
عرفت سمر خطتها الي مشيو عليها مظبوط والي فعلا خلت ادهم قريب منها وتعاملهم مبقاش مجرد دكتور وطالبة
ادهم فعلا شافها مختلفة عن الكل وبقي بيحب يبقي معاها بس قلبه لسة مكسبش المعركة مع عقله
وهي كانت فرحانة بالاهتمام ده لأنها بتحبه ( او زى ماهي فاكرة )
_______________________________
أما قمر بقا
ففضلت لوحدها
زعلت جدا علي صاحبتها
بس ف الاخر برضو هم مصحبوش بعض غير اسبوعين بس
: عاجبك ولا ايه
قمر : ايه ..نعم
شريف : اصلك سرحانة فيا
قمر : لا ابدا دى وحدة صحبتي
شريف بشك : اها وحدة صحبتك
قمر انتي هتأجلي الخطوبة لأمتي
قمر : ماما وبابا يوصلو بس
شريف : بابا كلمهم امبارح وقال خلال شهر
قمر : خلاص يبقي كمان شهر
شريف : أيوة يا قمري بقا
بحبك
قمر : مردتش ( هي للاسف بتحبه بس حرام تقول حاجة زي كدة قبل كتب الكتاب)
شريف بتمثيل : خلاص هسكت وهصبر
بقولك ايه يا قمري متخليها كتب كتاب علشان الواحد ياخد راحته
قمر اتحرجت ووشها احمر : شريف كفاية يلا نروح
مرت الايام عليهم عادى مابين مذاكرة قمر والاستعداد الخطوبة (والي تمت من غير شمس) بس رقية راحت
______________________________
: بس يا دكتور ده الي حصل
دوك علي : وانتي ناوية علي ايه يامريم
مريم : هشتغل طبعا
دوك علي: مريم
مريم : بلاش يا دكتور انا حكيتلك مش علشان محتاجة مساعدة بس لأني كنت عايزة حد افضفض معاه وانا بعتبرك زى بابا الله يرحمه
دوك علي : الله يرحمك يا رشدى
فعلا الي خلف مماتش بنتك طالعة زيك بالظبط(للعلم دوك علي ورشدى كانو صحاب)
دوك علي : ماشي يامريم
بس انتي عارفة لو غيرتي رأيك انا موجود
مريم : عارفة ومتأكدة
دوك علي : تمام
الساعة بقت "٧" كفاية كدة روحي علشان مامتك وابعتيلها سلامي
مريم لمت حاجتها : مع السلامة يا دكتور
مريم طلعت مشيت من اتجاه واحد دخل من الاتجاه التاني
د علي : اهلا تميم ازيك
تميم : الحمد لله احسن
د علي : الجرح لم ولا ايه
تميم : واخيرا
بس يا دوك انا عايز اخلص بسرعة
تعبت كدة والله
مبقتش عارف اتخانق مع نديم وعاد بيمشي كلمته والواحد برستيجه ضاع ع الآخر
د علي : طيب خلاص متقلقش
ابقي ابعتلي سلام لنديم وليونس
تميم عامل نفسه عبيط : هو مفيش حد بيساعدك هنا ولا ايه ( هو اصلا هيموت ويشوف مريم ده جاي علشانها اصلا😂)
د علي : مريم لسة ماشية دلوقتي تلاقيك قابلتها
تميم : اها هي مريم دي مخلصة
د علي : لا دي لسة تالتة
تميم : اومال بتشتغل ليه
د علي : لا دي بتدرب بس
تميم : اه وكدة باباها ومامتها دكاترة برضو
د علي : باباها كان اعز صحابي الله يرحمك يا رشدى
هي عايشة مع مامتها بس
تميم : علي كدة مبسوطين بقا
د علي : لا الحال علي قدهم تقول ايه ف عمامها حسبي الله
تميم : ليه عملو ايه
د علي : وانت مهتم كدة ليه
تميم : هه . لا ولا حاجة ده الكلام خد بعضه بس
طب انا لازم انزل يادوك
د علي : والجلسة
تميم : معلش اجلها افتكرت مشوار مهم لازم اعمله
تميم نزل من المستشفى : الو زين عايز كل حاجة عن وحدة اسمها مريم رشدى ف ٣ علاج وبتدرب مع دكتور علي ف المستشفي
وكل حاجة عن قرايبها
بكرة الصبح تكون عندى
_______________________________
: ايه الي جابك تاني يا دارين
دارين : صفاء
نديم : نعم مين
دارين : صفاء يا باشا اسمي صفاء
نديم : صفاء
دارين : صفاء محمود عبدالعزيز
مش من القاهرة اصلا
نديم : وبتقوليلي ليه
دارين : علشان تعبت ياباشا معونتش قادرة خلاص فاض بيا
انا واقعة فعرضك يا نديم بيه
ساعدني
والله مكونتش عايزة اعمل كدة
هم الي اجبروني
وفضلت تعيط واتكلمت بشنهفة : ا..انا كنت بحب واحد اسمه عماد
و..وهربت معاه
و.وه .وهو اللي رماني ليهم
هددوني يا بيه
صوروني وقالو هيبعتوها لأهلي
ودلوقتي بعتني تاني ليك
نديم : وانا ايه الي يثبتلي أن الي بتقوليه صح
دارين بعياط وصراخ : معرفش
مفيش مفيش دليل ده انا حتي معرفش اساميهم
نديم : عارفة شكلهم
دارين : اه
نديم طلع الفون وفتح صورة : هو ده
صفاء : أيوة يا باشا
ده واحد منهم
انا واقعة فعرضك يا باشا تحميني منهم
نديم ف سره : قسما بالله مهرحمك بس بالهداوة
_______________________________
مرت الشهور علي أبطالنا لحد موصلنا لليوم الي اتغيرت فيه كل الاحداث
والي قلب حالهم
بس يا تري للأحسن ولا الأسوأ
ده هنعرفه ف البارت الجاى
فاضل بارت وندخل فى الروايا بجد
ولسة الي جاى احلي🧡
أنت تقرأ
ما بين القلب والعقل (متوقفة حاليا)
Romanceيعني ايه حب ⁉️ وازاي اعرف اني بحب واين الفرق بين الاعجاب والحب طب والحب من اول نظرة ده بجد وياتري الحب الحقيقي بيجي مرة وحدة بس وفعلا الي بيحب بيسامح والأهم بقي الحب بيكون صدفة أو قدر ولا مجرد لعبة مدروسة ومتخططلها كويس كل دي اسئله جوايا وطبع...
