نديم مصدوم : بشمهندسة شمس اتفضلي
شمس بإستغراب : حضرتك تعرفني
نديم اتدايق انها مفتكرتهوش
نديم : هو انتي مش فاكرة
شمس : بيتهيألي اني شوفت حضرتك قبل كدة
نديم : المطار
شمس : افندم
نديم : من يومين ف المطار
شمس مقاطعة كلامه : اه افتكرت
نديم : ولا يهمك اتفضلي
شمس بخيبة أمل : هو الانترفيو هيبقي مع حضرتك
نديم : اها هو انا مش عاجبك ولا ايه
شمس : لا طبعا مقصدش
بس انا كنت قريت أن الانترفيو بيبقي مع رئيس مجلس الإدارة
وانا يعني كان نفسي اقابل بشمهندس يونس ده أسطورة معمار واي حد يتشرف لمقابلته
نديم : للاسف بشمهندس يونس مسافر ( هم مخبيين الخبر عن الإعلام )
شمس : اها يرجع بالسلامة
نديم : نبدأ بقا
شمس : اه اكيد اتفضل ده CV بتاعي
نديم خده وقلب فيه
نديم : واضح أن مفيش خبرة واحنا طالبين خبرة 3 سنين علي الاقل
ودي بالنسبالك اول مرة تشتغلي ف مش خطوة جريئة انك تيجي شركتنا
شمس ابتدت ترد وبثقة أثارت إعجابه لوحدة اول مرة تعمل انترفيو (شمس مش هبلة برضو طبعا بحثت عن كل حاجة وتقريبا حافظة كل الأسئلة الي هتتسألها)
خلص الانترفيو
نديم : فاضل بس استفسار عن حاجتين
شمس : اتفضل
نديم : لو متقبلتيش هنا هتعملي ايه بعد كدة
شمس : اكيد هجرب ف شركة تانة
نديم : ولو رفضنا حضرتك بسبب الحجاب
شمس : افندم
نديم : اظن ان حضرتك عارفة انك هتنزلي مواقع عمل وهتتعاملي مع عمال وشغلنا محتاج حركة كتير وشخصية تكون اجتماعية وبتتعامل مع كله
شمس بعصبية حاولت تخفيها : ده الي عندى والله
وهو ده لبسي ومش هغيره
انا بعرف اتعامل كويس مع الناس وبالتالي هعرف اتعامل مع العمال بس كله ف حدود العمل مش اكتر
وبعدين اكيد مش هقارن رضاك ب رضا ربنا
نديم : تمام تقدري تتفضلي
شمس خرجت وهي متعصبة
نديم ف الفون : ليلي اجلي الباقي بكرة وابعتيلي تميم حالا
ليلي : بشمهندس تميم خرج من فترة
نديم بعصبية : خلاص اقفلي
نديم اتصل ب تميم بس تليفونه كان مقفول
_______________________________
ونروح بقا لانترفيو تاني (ممكن نقول عليه عرض ازياء اكتر من أنه انترفيو )
جاسر : ايه ي عم التأخير ده كله
ادهم : كنت سهران امبارح
جاسر : الله يسهلو
ادهم : طب يلا وانت ساكت
جاسر : ادهم مش انا ابن خالتك وكدة
ادهم : عايز ايه
جاسر : اغير السكرتيرة انا كمان ده فيه حاجات برة إنما ايه
ادهم : اطلع برة ودخل وحدة وحدة
جاسر : ماشي ياعم
_______________________________
: بس كدة هو ده الي حصل
نوال : أيوة يابني مريم حكتلي بس مش كله
تميم : انا فعلا بحب مريم ومش عارف هي بتبعد عني ليه
نوال : بص يا ابني سبني افكر ف الموضوع
بس لو انت بتحبها فعلا سبها الفترة دى وده لمصلحتك
تميم : خلاص يا طنط هحاول
نوال : لا مفيش حاجة اسمها هحاول انت هتبعد فعلا لحد م انا اتأكد من كل حاجة
تميم : تمام عن اذنك
______________________________
: رقية هاتي تليفونك لحظة لا بتاعي فصل
رقية : امسكي
رهف اخدت الموبايل واتصلت ب جاسر مرة واتنين بس مردش
رهف : خدي مردش
رقية : مين ده
رهف : ده جاسر
رقية : نهارك اسود هاتي الفون
خدت الفون ومسحت الرقم
رهف : طب بقولك ايه انا عايزاه ضرورى
تعالي معايا
رقية : لا طبعا وانا مالي ده انتي واخوكي
رهف : والله م هتأخر وبعدين انتي هتروحي اخر الاسبوع
رقية : طب استني هكلم ماما
رهف : وحدة قدك ولسة بتكلم ماما تستأذن
رقية : طبعا ي حبيبتي وهفضل طول عمري
رقية كلمت مامتها الي وافقت بس بصعوبة شوية وراحت مع رهف للشركة
أنت تقرأ
ما بين القلب والعقل (متوقفة حاليا)
Romanceيعني ايه حب ⁉️ وازاي اعرف اني بحب واين الفرق بين الاعجاب والحب طب والحب من اول نظرة ده بجد وياتري الحب الحقيقي بيجي مرة وحدة بس وفعلا الي بيحب بيسامح والأهم بقي الحب بيكون صدفة أو قدر ولا مجرد لعبة مدروسة ومتخططلها كويس كل دي اسئله جوايا وطبع...
