كرونيك:💕💕صفقة💓_💓حب💕💕

7

#الحلقة7:
أنا : هههعتهععنننهه قتلك راك مجنون واش نستفاد أنا من الحكاية هذي كل ؟
هو : يفيق حبيب قلبك أيمن و يحس بقيمتك .
أنا : مستحيل نعمل حاجة كيما هك .
هو : و كيما قتلك قبل مليار يوصلك النهار الي يفض عام .
أنا : موش قابلة الصفقة حياتي موش لعبة للبيع شوف غيري .... نجي راح نوقف نشوف أيمن داخل مع صحبتو الجديدة قعدت و أنا نشوف معاه مكروشي فيها و جبدلها الكرسي قعدت و زاد باسلها يدها ....
جاد : راكي تشوفي حتى إذا مارجعلكش راح تكوني ربحتي مليار راهي تهمني الحكاية هذي و مالقيتش وحدة ممكن تغير منها مرتي غيرك مكانش وحدة بجمالها غيرك ...
أنا عينيا غير في أيمن و هو مع صحبتو و أنا قلبي يتقطع ..حكملي جاد : يدي و قالي : و ماتخافيش مايصرى والو بيناتنا مجرد تمثيلية تفض بعد عام ...واش قلتي ؟!
أنا : مازلت موش قابلة خليني نروح ...
جاد: أصبري درك تشوفي بعينك أنها أحسن طريقة باه يرجعلك أيمن ....
(كانت في الروستورون وحدة هازة قفة معبية ورد ناتيرال تبيع فيه لليكوبل )
جاد:معليش تجي هنا عيطت بالصوت على الي تبيع الورد شريت عليها الورد هذاك كل و حكمتو كامل بين يديا و مديتو للميس و قلت بالصوت أشهدو يا ناس راني نحب الطفلة هذي و نموت عليها ...
كامل الي في الروستورون عادو يصرفقو و يزفرو و أنا كنت نشوف غير مع أيمن الي كان مشوكي حتى نشوفو وقف من بلاصتو و جاء حكم جاد في لافاست و قالو واشي الطوايش الي دير فيهم هذم وين تعرفها الطفلة ؟؟ يسقسي فيا لميس شكون هذا ؟؟
جاد : هبط يدك يا ولدي و روح تمعشق كيما كنت و ما عندك مادخلك بيني و بين حبيبتي ....
أيمن النار عادت خارجة من عينيه و الناس كامل ساكتة و تسمع و صحبت أيمن تفك فيه و تقلو عندك مادخلك هيا نروحو و هو هبل يشوف معيا و مع جاد و قالها روحي تقودي أنتي قيليني روحي تروحي درك نعيطلك أمشييييييييي..
أيمن : لميس أهدري لانقتلك هنا شكون الحيط هذا ....
لميس : أنا ستفزتني هدرتو و قلقت منو كيفاه يعامل فيا أني حاجة تخصو و هو عمرو ما حسسني بحبو العكس كل مانقرب هو يبعد و زيد الطفلة الي يتمسخر بيها و طيحلها قدرها قدام الناس كل ... أيمن تقدر تروح و تخليني بلا فضايح و زيد هذا صح حبيبي واش دخلك ..
جاد : جاتني الضحكة ...
أيمن : حسيت روحي طحت من جرف عالي حسيت كل شيء تحطم و راح لميس حتى أنتي ظهرتي كيفهم ظهرتي رخيسة و تخرجي مع هذا الي راح يلعب بيك و يطيشك .....؟؟؟
جاد : تقدر تربط فمك بلا تطياح و تروح توسعنا و راك معروض السمانة الجاية للخطبة تاعنا و لميس أنظف من أني نلعب بيها و نطيشها و زيد أنت واش دخلك ....
أيمن : من وقتاه هذا لميس كيفاه ؟؟؟حسبت روحي نعرفك حسبتك .....!!
لميس : غلبتني البكية قعدت و دموعي فضحتني
أيمن ماستحملش خرج ديراكت و جاد قالي هيا نخرجو منا ولينا فرجة للي يسوى و مايسواش ...