كرونيك:💕💕صفقة💓_💓حب💕💕

14

#الحلقة14:

جاد : ضرك نتفاهم مع المدير تاعك يبعثك ميسيون لتركيا عادي تابعة الخدمة و نريقلو باه يهدر مع باباك .
عمل جاد الي عليه و قبل بابا يبعثني و قاعدة نوجد في الكابا تاعي غدوة نسافر ...
ألو جاد واش زيو الجو في تركيا ماعرفتش واش ندي راني في الكابا الثالثة و ما خلصتش هههه
جاد : شوفي هزي حاجة وحدة ولا زوج و كي توصلي ثم راح تتبدل حياتك كل راح تدخلي في المسلسل تاع حياتي أنا و راح تديري كيما حبيت أنا .
لميس: شوف أسيدي مارانيش بوبيا تاعك
تفوت حدودك مانتفاهموش كيما قال أيمن عينيك نجبدهملك ...
جاد : ههههه أو يهدر برك نصارحك والله ما يستاهل تحبيه .
لميس : ارجع أرجع أرجع عندك ما دخلك انا يعجبني.
جاد : و أنا ما نعجبكش يقولولي بوقوص . .
لميس : ماعليكش ماشي حالك بصح أيمن خير ...
جاد : أووووف فكينا منو 10أيام مانحبش نسمع سيرتو على لسانك نحبك تمثلي أنك تحبيني كيما راكي تحبي أيمن درك اوكي ؟؟
لميس : نحاول هيا باي غدوة نشالله.
جاد : غدوة تصبحي على خير بيزو حبي ...
لميس : واش قلتي ؟؟
جاد : نترجمهالك يعني ؟؟ أممممممواااااح ....
لميس : 34سنة و مراهق هههههههه روح روح ترقد ربي يهديك هههه.
جاد : أني بديت ندخل في الدور
لميس : ممممم.
و مافقتش كيفاه هدرة تجيب هدرة حتى ليقيتها 4تاع الصباح .
لميس: حرام عليك جاد كيفاه راح نوض غدوة الي هو اليوم أااااه راح نبكي .
جاد : هيا ارقدي شوي ...باي
رقدت ساعتين من الزمان وصلني بابا للمطار و قعد يستنى فيا حتى وصلت للباب الأخير راح بابا و لقيت جاد يستنى فيا في درجة رجال الأعمال ركبنا في الطيارة واااااو عالم آخر رافاهية كبيرة غير طارت الطيارة حطيت راسي على كتف جاد و رقدت ....