كرونيك:💕💕صفقة💓_💓حب💕💕

12

#الحلقة12:
هبطتو من الطوموبيل و هو موش قادر حتى يوقف أبقى ساكت دقيقة و نجيك ...
أيمن : لا ماتروحبش خليك عندي خليك في حضني ....يحب يحضني و أنا نبعد فيه .. والله يا الغولة ظهرتي زلة تاع الصح وين كان مخبي الشيء هذا كامل عليا .حب يمسلي صدري بصح ضربتو بكف أنت راح ترخس عليا تحسابني وحدة منهم .
أيمن : هههههههههه طلعتي منهم و راح تزوجي و تخليني مازلتي صغيرة كنتي ديما تقوليلي مازالني صغيرة ولا غير شفتي المرسيدس و الشركة كبرتي هههههه .
لميس : أسكت أيمن موش عارف الي راك تقول فيه و سيبني نروح الله لا يردك مانعرف علاه راني نعاون فيك .
لميس عيطت لسارة قلتلها تعملو قهوة مرة يشربها و هو مازال يطيح في الهدرة و ماعلابلوش واش راه يقول .
أيمن : مييييسسو أرواحي نقلك حاجة هبط على ركبتو و قالي تقبلي تزوجيني خليه و هيا عندي حضنلي رجليا و هو يبكي ..
أنا مابقيت عارفة واش نعمل قعدت قتلو أيمن راك سكران و ماعلبلكش واش تقول غدوة نهدرو معليش أقعد هنا حتى تجيبلك سارة قهوتك .خزر في عينيا و حط يدو على خدي و قالي علابالي واش راني نقول نحبك ....
لميس : بعدني حتى سكرتي وليتي تحبني؟؟ ماتخروضليش عقلي ربي يخليك غدوة و نحكيو .
أيمن : بوسيني آخر بوسة إذا راح تزوجي ؟؟بوسبني و خليني نبوسك ...
رجعيلي البوسة تاعي الي قبل 8سنين في البحر في تونس .
لميس : فشلت و جاتني البكية حسبت روحي غير أنا نتفكر هذيك الحادثة ايمن ماتقليش تحبني صح ؟؟؟
أيمن نحبك نحبااااااك ..
لميس : نقص صوتك ...
أيمن حكمني يبوس فيا و بالقوة حتى دخلت علينا سارة مزية ظلمة ماشافت والو أنا زربت خرجت و خليتو ....