/Дууссан/ 👑 KINGS 🔹 S3 👑 [⚜️ World of Darkness ⚜️]

16. Надад тусал

Үс нь гэрэлтэн бие нь хөхөрсөөр амьгүй мэт хөвөх ЛимЛим. Үүгээр ч зогсохгүй түүний дэргэд байгаа залуу бас л гайхшралыг нь төрүүлж орхилоо.

Кёнсүү хөмсөг зангидсаар "чи хэн бэ? түүнийг яачихсан юм?" гэж асуухад

Нөгөө залуу ЛимЛимийг тойрон сэлэх ба түүний хацар уруул болон цээжээр нь гараа гүйлгэн энхрийлээд "үнэхээр үзэсгэлэнтэй бүсгүй байна. Сүмд хүн ирсэн байхаар гайхаад үзтэл ийм сайхан бүсгүйг оллоо" хэмээн бага багаар мушилзсаар нүүр дүүрэн инээмсэглэв.

Кёнсүү "чамд хөгжилтэй байгаа бололтой, гэхдээ наад бүсгүй чинь минийх. Олон зүйл ярьж дургүй хүргээд байлгүй надад өг!" гэхэд

Нөгөө залуу ЛимЛим рүү ширтсээр гунигтай мэт царайлан "үзэсгэлэнтэй боловч сүнсгүй бүсгүй. Өрөвдөлтэй биш гэж үү? тэр сүнсгүй чигээрээ олон хонох юм бол жинхэнээсээ үхнэ дээ" гэсээр гунигтай царай нь алга болон бага зэрэг мушилзав.

Кёнсүү "ХЭН ГЭДГИЙГ ЧИНЬ МЭДЭХГҮЙЧ ЧИ МАШ ТОМ АЛДАА ХИЙЖ БАЙНА!"

Нөгөө залуу инээмсэглэн "ямар харамсалтай хайрын түүх вэ? арай гэж үхэлтэй тэмцэн ариун сүмд иртэл. Хайртай бүсгүйгээ надад алдчихдаг" гэснээ

ЛимЛимийн биеийг дээш өргөн өөртөө наагаад "чиний өмнөөс харамсалтай байгаа ч надад бол сайхан байна. Учир нь ийм хөөрхөн сүйт бүсгүйтэй болчихлоо. Үзэсгэлэнтэй сүйт бүсгүй авч ирж өгсөнд баярлалаа" хэмээн үл ялиг инээмсэглэх нь тэр.

Кёнсүү "сүйт бүсгүй гэнэ ээ?" гэсээр түүн рүү дайрахаар шидэт шившлэгээ хэлтэл

Нөгөө залуу "бидний хурим долоо хоногийн дараа болно. Бас найз бүсгүйн чинь сүнсийг нуучихсан. Чадвал сүнсийг нь олчхоод биеийг нь ирж аваарай" гэж хэлээд ор мөргүй уусан алга боллоо.

Кёнсүү харсан зүйлдээ ч итгэж чадсангүй. ЛиЛиг хөлөглөн харанхуй далайн ёроолоор галзуу мэт хайх боловч юу ч олсонгүй. ЛиЛи том болчихсон болохоор өмнөхөөсөө хамаагүй хурдан байсан. Бас Кёнсүү байгаа эрдэнэсээс болсон уу гэмээр далайн бүх мангас Кёнсүүгээс зугтааж байлаа.