فصلية.الشيخ أركان

👈 البارت السادس👉

📝_الكاتبة رقية ✔

_أرق ... لا عمري ماضوج هاذ واقعي

_غصون ... اي لضوجين معليج منها هاي تغار منج

_أرق ... وليش تغار شمسوية ألها أني

_غصون ... هية لان جانت تحب أركان وهسة أركان عقد عليج وصرتي مرتة

_أرق ... واني شدخلني جاية علية

_غصون ...هاي شبيج أنتي شنو ماعندج عقل بابا غير جاي اكلج لأن أنتي مرتة

_أرق ... هسة فهمت واني أكول شبيها وياي صارت الساعة 12:00 صبينة غدة خلصو صبينة جاي ربع صارت الساعة 1:30 أجت الملاية وكامت تقرة وهنة يعيطن ويبجن أني كعدت على الدرج واباوع وياهن ودموعي تجري شفت عمتي حيل تعبت رحت عليهة ماما كافي لا تبجين موزين عليج هيج حتى عمو مراح يرتاح وهوة بكبرة

_أم فهد ... أنتي كومي منها شسوة بيها هيج غيركم شيماء كوميها منها مريد نشوفها هناا

_أرق ... أجتني شيماء كومتني عمتي تحاجي بيها مترد عليها طلعتني برة ودتني للمخزن وضلت تضرب بية أخر شي كمت مااحس غير عيوني غوشن وبس اسمعها تحجي

_شيماء ... كلة من وراج يل بلا أصل  شوف منين لفوج أهلج شمروج علينة

_أركان ... كاعد يم الزلم ناس تروح وناس تجي
صبينة غدة شربنة جاي ضلينة كاعدين ونسولف أني وعمامي صار المغرب عمامي رادو يروحون ماخليتهم ضلو يمنة صار العشة جابو شربنة جاي كاعدين نسولف أجت على بالي أرق اليوم كلة ماشايفها ترخصت منهم وطلعت رحت للبيت دخلت سلمت على أمي ونسوان وبنات عمامي كلهن تلكني سلمت عليهن وطلعت للغرفة غصون تلكتني يم الدرج قبل لا اصعد حاجيتها

_أركان ... غصون شايفة أرق وين

_غصون ... لا والله من العصر ماشفتها

_أركان ... شنون ماشفتيها ماتعشت وياكم

_غصون ... لا ماتعشت

_أركان ... هسة هية بغرفتج

_غصون ... لا ماكو توني طلعت من الغرفة

_أركان ... خوش خاف بغرفتي رحت للغرفة ماكو طلعت دورت القاط الثاني كلة ماكو نزلت جوة رحت لمي وحاجيتها بصوت الكل سمعني

_أركان ... يمة أرق وين ليش ماكو

_أم أركان ... يايمة مادري بيها من العصر ماشفتها

_أركان ... أنتي متدرين وغصون متدري لعد منو اليدري

_أم أركان ... اعصابك وليدي تلكاهة بلبيت وين قابل 

_أركان ... اطمنج دورت البيت كلة وهية ماكو بس كليلي شوكت شفتيها أخر مرة

_أم أركان ... ها يمة والله ماذكر

_غصون ... أني أذكر من جنة نبجي راحت تواسي أمي وأم فهد كالت الشيماء تاخذها وبعد من ذيج  ماشفناها