الحلقه 7
انا. قربت منه شويه وحطيت يدي على لحيتها
وقولته نوض انتا لزم تقعد قوي ماحد ينزل دمعتك وديما اتحسب فيهم
عادل. قالي تعرفي شن معنى الوجع انك تحب ماليس ليك واني هكي صارلي
انا. نسألك سؤال عادي
عادل. ابتسم بحاصره قالي انتي سمعتني وفتحتي صندوق مصكر ليه سنين الله ويلي كل مافكر افتحه انموت وانتي توا انفتح لكن طالعتي ماعاد يجرحني انتي تاامري
انا. لا حشاك غير بنسال انتا قاعد تحبه
عادل. توا لالالا لكن قبل ايه توا انقول كيف كنت نحب من جرحني وماشفتش ناس نيه صافيه وقلبهم ابيض وجمالهم ينسى مهموم
انا. اه من هم ناس هداهم
عادل. مايبيش يقول توا خاف تهرب مني زي مره اولي كل شي وقته حلو وضحكه خفيفه طلعت منه لما اذكر هديك اليوم وقطعت عليه انا
انا. شن من هم والله ماتبي تقول
عادل. توا يجي يوم تعرفي
انا. باهي ع راحتك خلاص نوض اوقف وماعاد تحط شي في راسك واضحك
عادل. اي هو موضوع واحد بس حاطه كان صاار منه نبدا اسعد انسان في كون باهي شن قاعده ع قرارك بتمشي وتخلني
انا. تنهدت اااءءء وقطع وقرب مني نوعدك ماعاد تتكرر ابدا ولا نفكر حتي حلم وحتي في خيال مستحيل انديره
انا. والله ماااا
عادل. قرب وجاه بشد يدي ضرب يده اي شن قولنه احني والله يدي قليلت الادب
انا. ضحكت لين موتت من ضحك لا
عادل. بحزن شن معنى لا؟
انا. تي خلاص نبدو صحاب ومره تبدا بابا باهي
عادل. اي عادي تبي انكون جدك عادي
انا. حرم عليك ميت في قبره وطقيته في يده غمضت عيوني ضربت يدي حتي اني يدي قليله الادب
عادل. ضحك لو سمحتي اعطني يدك شوي
انا. علاش شن تبي فيه
عادل. ماتخافيش وبصوت واطي اني كان بناخد بناخدك كلك مش يدك بس
انا. شن توشوش مافهمت منك شي
عادل. غير شويه بس خيرك
انا. تنهدت اوف باهي
عادل. شد يدي ويده يلي مسميه قليله الادب وشدهم في بعض وقال اي حاجه ادوره احني مالينا دخل في موضوع باهي
انا. ضحكت وقاعد شاد يدي خلاص عاد فكني
عادل. يا يدي قليله الادب فكي يده وبصوت رقيق ع اساس يده تتكلم لا مانبيش انفك
انا. نضحك لا عاد كترت هكي قولنا يدك قليله الادب لكن طالعتها تتكلم وضحكت
عادل. ايه تي اي حاجه تخطر ع بالك قولي انديره مهم تضحكي ههه
انا. ضحكت وحسيت كلمه في ان لكن مادورت يايدي يا قليله الادب فكي يد عادل
عادل. اااه ع اخر حاجه وقولته محلاه
انا. فكيت يدي في هو فرحان من لانه سميت اسمه لا طالع حتي لسان قليل الادب
عادل. الله يستر عليه الايام جايه
انا. بااستغرب في شنو الله يستر
عادل. خايف نغلط انشد يدك ماعاد تكلمني لكن انقولك حاجه مش يقول ليس ع مريض حرج لما نغلط اعتبرني مريض
انا. حشاك خلاص بنمشي اني
عادل. ردي بالك ع روحك
انا. ان شاءالله وجيت وبنطلع قولت ياعادل
عادل. تنهد بحنيه امري
انا. حتي انتا
عادل. حتي اني شن
انا. ديري بالك ع روحك وطالعت وجري
عادل. اه ياقلبي من لما شوفتها حسيتها بطيحني باين بنروح فيه لكن ونبي بنت نيه وقلبه يهبلو من شكل خارجي لكن تهبل لماتقول اسمي اه ياقلبي
لا اني شكلي جنيت انكلم في روحي
وبعد مرور الاسبوعين
مامي. اني بنطلع مش معطله ماتفتحي لي حد
انا. ان شاءالله وطلعت
بعد فتره طق باب
انا. مسرعه جيت فتحت مامي هيا هيا انا جايه وفتحت باب اهني كانت صدمه ويتبع .....
زعما مني يلي ع باب وشن بصير ان شاءالله تعجبكم حق قصير لكن مافي وقت بكل تعرفو حال امتحانات مانبيش انخليكم تقعدو تستنو اول مانفضى نكتب ادعولي بنجاح
كاتبه سلوى بنت ليبيا🇱🇾
