حب لن أنساه

Part_1❤️

... #حب_لن_أنساه 🔥
..... كندة....🔥❤️
الجو كساد و الدكتور يعطي في محاضره وانا في عالم تاني مقعمزه في الاخير ولا ندري عليه شن يقوول......
رتاج قرصتني في كتفي وين سارحه رهف
رهف اااا يي قعده ماعندي وين نمشي
رتاج باهي شن كان يقول الدكتور؟؟
رهف.. ااا كان  يشرح في المحاضره يعني شن بقول تاني
رتاج.. والله ماكنتي معانه الأستاذ كان يقول الأحد الجاي امتحان نصفي وانت في عالم تاني
رهف.. شني امتحان!!! وووووك والله مفاهيمه حاجه ياحليلي كيف منقرا
الأستاذ. تمت المحاضره زي ماتفاهمنا الأحد الجاي عندكم امتحان مفهوم توا اطلعوو.

طلعنا من القاعه........

نزلت انا ورتاج مشينا للكفيتيريا لأن لجين بعد ماتطلع تقعد تستني فينا في الكفيتريا
شبحت لجين مقعمزه مشيت قعمزت بجانبها وانا قاعده مصدومه في الامتحان ورتاج مشت بتجيب قهوه
لجين... تشرب في قهوه.. خيرك رهف تقولي راجلك مطلقك
رهف.. بلا بساله لجين 😒قاعده مصدوه من امتحان الكيمياء قال الأستاذ يوم الاحد وانا مافاهمه شي
رتاج... جابت القهوه شدي ياهمي بالك تصحصي
رهف... هاتي نحس في راسي بيتفجر
رتاج.. خديتي محاضره لجين
لجين... اي وتوا انا عندي محاضره تانيه
رتاج....وووك انا حايره يامجنونه علاش داخله رياضيات وتوجعي في رأسك
رهف..  وانت شن دخلك بهااا دماغك ولا دماغها
لجين... ههههههه سادك انت وياها توا منركب وتعاركو وقرمو براحكم
رهف منستناك منروح معاك
لجين باهي تمام هيا سلام
رتاج ورهف.... سلام.

رهف..... انا رهف عمري 22 اضعيفه ومش طويله جسمي حلو بشرتي عاديه وعيوني كبار عسليات وشعري طويل ولونه بني قريب يولي اصفر...... طبعا عصبيه و بسرعه مانغضب ويبان عليه ولكن طيبه واجتماعيه هلباا نقرأ في كليت العلوم قسم بيئه في القرايه باهي ماشي حالي.

طبعااا يلي كانو معاي لجين بنت خالي واغلى وحده عليه ديما مع بعض ومانتفارقوش عمرها 22 حنطيه وعيونه كبار  سود وشعرها اسود قصير انا ويها نفس الطول غير هيه اسمن مني بشويه.. وجوها يهبل ولكن ادس هلباا في قلبها وماتتكلمش هلبا عكسي انا.. وتقرأ معاي في نفس الكليه غير هي قسم رياضيات هي شاطره

اما رتاج صاحبتنا من ايام الثناويه حتى هي عمرها 22 جوها يهبل هياجه وضحك وديما تعلق قصيره واسمينه شويه وجها دائري سمره شويه و عيونها عسليات تقرأ معاي في قسم البيئه.

قعدت انا ورتاج نشربو في القهوه
رتاج.. . رهف شوووفي بسرعه المنضر يلي قدامك قبل ماتمشي
رهف... و و وينها.. اااااا هديكه  يلي لابسا قونه تقولي بخشه
رتاج... اي غيررر شووفيه شن من فوق تقولي باقت ورد مغلفه
رهف .. ههههه حديقه متنقله 😂
رتاج.. 😂ماخلاتش المكياج يلي صباته على خليقتها تقولي زيت العافيه
رهف...هههههههه والله خيال من يولع فها النار
رتاج. ..هههههه اي والله منضر مقرف
رهف.. هاتفك رتاج يشرين قاعد صامت
رتاج.... قامت التلفون الوو بابا جيت.... أي باهي هاني طالعه... سلام
رتاج بابا جي وانا ماعنديش نيه انروح ووك توا بيفوتوني مخلوقات الفضائيه خساره
رهف.... اقلبي وجهك روحي سادك قرمه على الناس وانت قعتي تلقطي غير في الذنوب
رتاج..... على اساس ياشيخه ماكنتيش تعلقي معاي قبل شويه
رهف... والله هو يلي يعرفك يقدر يسكت 😂ههههه وجهك توا نتلاقو غدواا
رتاج هههه هي سلام

طلعت رتاج روحت وانا كملت قهوتي وطلعت قعمزت برا على كرسي خشبي منستنا لجين منروح معها
قعمزت فتحت نت وعيوني في التليفون
وانا مقعمزه عيوني في التلفزيون انقيم راسي نلاقى ولد واقف فوق راسي
مهاب....شن الجو رهف...
رهف..... مهاب شن جابك اهني علاش جاي
مهاب.... والله شن بنديرلك كانك ماترديش علي الماسنجر وعلى الفايبر ولا وحتى تسالي عليه..شن تبيني ندير
رهف وقفت وشفت لعيونه (نار 🔥في قلبي نار يارب قويني ومانضعفش قدامه يارب) مش قتلك خلاص انتها كل شي مهاب برا شوف حياتك وخيني في حالي
مهاب....رهف والله ماقدرت ننساك خيرك علاش ماتبينيش انا انحبك انحبك رهف❤️
رهف.... مهاب خلاص قتلك مانبكش.. نزلت راسي وقمت شنطي وشيتاتي وجيت ماشيه حسيت حد شدلي ايدي .... (انا خلاص مش قادره متحمله ❤️ نار 🔥) تلفتت اشبحت مهاب شدلي ايدي
مهاب..... استنى قبل ماتمشي جاوبيني قبل
رهف.... بسرعه جبدت ايدي....
مهاب.... قوليلي انك ماتحبينيش ونوعدك معاد تشوفيني ولا عاد انكلمك
رهف.... انا قعدت نشبحله وقلبي نار مش قادره متحركه نشبح لعيونه تقولي سهام يقطعو في قلبي اديه اميه يقطروو ساكته ولا كلمه
مهاب.... جاوبني رهف انت تحبيني وله
رهف. ساكته وبعدين تفكرت انا ............
مهاب.................

علاش رهف تتكلم هكه مع مهاب ومهاب من يكون وشن السبب يلي مخلي رهف هكه مع مهاب وشن السر يلي مايعرفه حد.......
توا تعرفوو بقيت الابطااال في الحلاقات الجايه

..... كندة....... ❤️🔥
شن رايكم فها الروايه انكمل ولا لا وياريت تعلقوو

وإنشاء الله تكون عجبتكم