... حب_لن_أنساه
.... كندااااا... ❤️🔥
في الصبح الساعه 6 يطق مروان على روشن السياره ناض نزل من السياره شاد رقبته تاجع فيه...
مروان....صباح الخير
آدم... صباح النور... شن صار في امي من معاها
مروان... معها بوك وماريه.. ومروى روحت انبارح في الليل
آدم... تمام.. انا منمشي انجيبها وقت على الطياره. وانتى خليك اهني وطمني
مروان... حط ايده على كتف.. ولا يهمك
آدم.... طبطب على كتفه عارفك ما تقصر.. ركب السياره وطلع
مروي... تتصل ب ادم...
آدم... قام التلفون ورد... ااه ايوا
مروى... وين انتى اني نستنا فيك
آدم.... جاي في الطريق
مروى.... تمام..
آدم.... سكر الخط..
بعد ساعه وصلت الإسعاف للمطار ركبو امي في طياره خاصه..
جت باقي العيله بيودعوهم
عيسى.... رد بالك على امك واختك
آدم... انشاء الله..
ماريه... حضنت مروي وبدت تبكي رديبالك على امك وطمنينه علها كل اشويه
مروي.... انشاء الله تتحسن بإذن الله.. وانتي ردي بالك على بابا والحوش
مروان.. يكلم في آدم... كون هاني عليهم
آدم..... سامحنا تعبناك معانه... حضنه طبطب على ضهرا... عارفك ماتقصر
مروان.... ولا يهمك.. وماتنساش اطمنا
آدم... انشاء الله
ودعو بعض وركبت مروى وأدم مع امهم يلي قاعده في غيبوبه والاجهزه علها
فجأه تلفون آدم يشرين... قامه رد
آدم... ايوا..
لجين... الووو ادم انشاء الله تكون بخير وماتخافش عليه رد بالك على امك و طمني علها وماتنساش تكلمني..
آدم.... ارتاح لما اسمع لجين وكلامها..... لجين ردي بالك على روحك وبأذن الله تتحسن امي ونجي نخطبك...
لجين.... دموعها نزلوو... آدم انحبك❤️
آدم..... وانا امنوت فيك....
لجين.... سلام. آدم متنساش تكلمني
آدم.... انشاء الله. لجين انحبك.. وسكر الخط
طلعت الطياره
تسريع في الأحداث
بعد يومين... اتصلت خيريه بانتصار وقتلها موافقين والعرس بعد شهر ... ومع أن محمد مش راضي ولجين قعدت تعيط وتبكي مش موافقه وعطها مازن اطريحه..... أما آدم لاهي في امه ويجري على الادويه مع انها فاقت من الغيبوبه بس ماقدرتش تواقف على رجلاها ... وتتعالج علاج طبيعي... وماريه تمشي لكليه وتقرأ على خاطر امتحانات لكن ماخلتهمش بكل هي كل شويه تتصل وتطمن عليهم... أما رهف نفسيتها تعبانه وقررت انها تكلم مهاب وتطمن عليه ليه اسبوع مختفي.. بعتتله رساله
مهاب عارفاتك تنفذ في الوعد يلي وعدتني بيه بس حبيت نطمن اعليك...
في الكفيتريا مقعمزه رهف مع رتاج
رتاج.... سادك انكد وانتي وبنت خالك.. اضحكو شوي
رهف... بلاهي شنوه يلي بضحكنه.. هي يلي بجوزوها غصب وحابيبها مسافر وأمه شبه معاقه... ولا انا يلي مش عارفه مهاب وين ولا شن صاير امعاه وقاعد ماردش عليه.. ونفسيتي زفته
رتاج... تبي الحق لجين عندها الحق.... وانتي أكله منك انتي يلي تخلتي على مهاب وانا مش فاهمه خيرك مضروبه على راسك ولاشنو...بسوط عالي الولد يحبك يحبك حب مش طبيعي... انا حايره خيرك انجنتي ولاشنو
يلي مقمزين في الكفيتريا اكلهم شبحولهم
رهف... سكرررري فمك أناس أكلها تشبحنا الباين انتي انجنتي
رتاج... اتكت على الكرسي ااااخخخ ياربي اشفها وعفها...
رهف... خيرك رتاج اهدي انا هكه مانبي انكلم حد خيرك
رتاج.... ياربي علاش مهاب حب المجنونه هادي علاش ماحبنيش اني
رهف... سادك هباااال هي نوضي وقت على المحاضره
رتاج... واااك نوضي يامنكده...
ناضو مشو للمحاضره
أنت تقرأ
حب لن أنساه
Mystery / Thrillerحب_لن_أنساه للكاتبة كندااا روايه حب لن أنساه روايه خياليه ممزوجه مع الواقع تدور احدات الروايه على بنتان رهف ولجين بنعيشومعاهم احدات غريبه وكل وحده عندها قصه مختلفه بس تجمعهم صداقه قويه في هلباا أسرار رح تكتشفها في كل حلقه بينكشف سر الابطال رح تكتشفو...
