حب_لن_أنساه
.... كندااااا.... ❤️🔥
الحلقه ماقبل الأخيرة :
لجين.... شن تقولي..
رهف.... والله زي ماقتلك سمعت خوك مازن يكلم في بنت ويهدد فاها...
لجين... حييي عليه الكلب... طلع وااحد وسخ...
رهف... انا توا منروح.. والصبح منجي نتفاهمو...
لجين... اي تواا انوري الكلب...
رهف... سلام.. تصبح على خير
لجين... وانتي بخير.. 😘
ركبت رهف السياره وجوهاا حلوو.
رهف... ااااسفه... عطلت عليك..
محمد... كان مش علي بعضه.. ولع السياره... لا عادي..
رهف... سااكته طول الطريق...
ومحمد... نفس الشي... متوتر ومره مره يخبط الدومان بايده..
وصلو الحوش...
نزلت رهف.. ومحمد بدخل السياره في الجراج..
رهف... غيرت حوايجهاا وقعمزت على السرير فتحت نت.. تهدرز على لجين..... على غدوا....
دخل محمد... حدف ومفاتيحه على السرير نحا دجاكيت وفتح بطن سريته وتكا على سرير..
رهف...حطت تلفونها.. قبلتله مستغربه.... محمد خيرك اليوم مش على بعضك....
محمد.... تنهد.. وحط اديه على وجه.. ااااه
رهف... محمد خيرك..
محمد... قعمز... مافي شي غير ماسك قضيه قويه وخايف نخسرهاا..
رهف... امم وضح عليك تعبان.. انديرك فنجان قهوه.
محمد.. ياريت والله راسي بيتفجر...
رهف... تمام غير حوايجك.. مابين وتيتهولك.
طلعت رهف للمطبخ..ومحمد.. دخل لحمام (اكرمكم الله)
16اتصال و20رساله وهي راقده ماتدري علها من وين زارقه. 😴😴😴
ادم.... ردي (لجين حبي ردي عليه)
لجين... رااقده في سابع نومه😴😴😴
ادم..... (ماتقوليليش رقتي) 🤦♂️
ادم.... (باهي يالجين توا تشوفي شن اندير فيك)
ادم.... (هذا كله غير بتسهري معاي لصبح.)
ادم.... (انا الكلب يلي نسمع في كلامك)
ادم... (توا اتشوفي يوم الخميس شن اندير فيك)
لجين... رااقده وتلفون تحتهاا صامت 😴😴😴
...
في الصالون
محمد....خدي.فنجان القهوه... صحتي
رهف.... سلمك... وناضت
محمد.... وين ماشيه....
رهف.... منرقد تعبانه..
محمد... خليك شويه..
رهف... والله ماقادره منرقد..
محمد...تمام... تصبح على خير
رهف.... وانت بخير...
في الصبح ناضت رهف جهزت نفسها ووصلها محمد لحوش خالها سليمان..
لجين... توا شن منديرو
رهف... مانعرفش انتي شن رايك...
لجين... مداما في دليل انادو وعمر وعمي عاصم..
رهف... وبرك
لجين... لالا بابا مانقلولا شي.. مرات تكبر المشكله ويقتله ولا تصير حاجه..
رهف... اي صح كلمك.. احسا حل
لجين... اي توا انا نمشي ل مربوعه نشوف عمر وبابا. وانتي اتصلي بمازن .. باش يجي..
رهف... تمام..
طلعت لجين ل المربوعه ورهف اتصلت ب مازن..
رهف... الوو
مازن.. ايواا شن تبي...
رهف... ماصح وجهك هكا الناس تتكلم...
مازن... اختصري مش فاضي...
رهف... (يخامر فاضي بالصياعه.. لما انوريك).. انت وين..
مازن... في القهوه مع الشباب..
رهف.. تمام معنهاا فاضي وماعندك ماتخدم..
مازن... عندي مانخد... شن تبي مني...
رهف... ادور في الدار.. اسمع بلا جو تواا ضروي اتروح...
مازن... علاش...
رهف... لجين حاجزه في المزين توا... ضروري ماتجي ترفعهاا.
مازن.. ب ملل شوفي غيري مش فاضي..
رهف...(اااخخخ).. عمر رافع امك تعزي وبوك عالق هو وعمامك في الورشه... قعدت غير انت
مازن... خالهاا يوم تاني..
رهف... والله ياقلك مازن كانك ماتجيش لما اندمك شن تحسابنا مشتاحشينك باش انكلموك انت... عندك ربع ساعه ماتكونش موجود لما نقول لبوك وعصام انك تتصيع في القهاوي وماتبيش ترفعناا..
مازن... وووك منك خلاص شويه وجاي ندلقاكم واتين
رهف...سكرت بأبتسامت نصر😏(اليوم انوريك يافرخ ) وطلعت..
أنت تقرأ
حب لن أنساه
Mystery / Thrillerحب_لن_أنساه للكاتبة كندااا روايه حب لن أنساه روايه خياليه ممزوجه مع الواقع تدور احدات الروايه على بنتان رهف ولجين بنعيشومعاهم احدات غريبه وكل وحده عندها قصه مختلفه بس تجمعهم صداقه قويه في هلباا أسرار رح تكتشفها في كل حلقه بينكشف سر الابطال رح تكتشفو...
