حب لن أنساه

Part_2💔

حب_لن_أنساه
..... كندة.... ❤️🔥

مهاب.... جاوبين رهف انتي تحبيني وله
رهف... . ساكته نشبح لعيووون (ياريت توا نحضنك ونقولك كل شي ياريت) وبعدين تفكرت نزلت راسي لوطه... انا مانحبكش مهاب
مهاب... . قيمي عينك في عيني وقولهااا.
رهف قمت راسي (رهف ماتضعفيش وقلهاااا ابعدي عليه حرام عليك) شفت بسرعه للعينه وقتله انا نكرهك  اي نكررهك وماحبتكش ولا يوم ورجعت ونزلت عيوني خلاص دموعي بينزلووو معاش قادره 
مهاب.. . خلاص وعتك معاش تشووفي وجهي ومعاش انضايقك بكل لكن اعرفي انك ضلمتيني وضلمتي نفسك لما بعتيني عليك.
رهف... . ساكته ولا كلمه. نزلت دمعه على خدي بسرعه مسحتها ااا 💔
مهاب... لكن لزم تعرفي يارهف حتى لو بعدت عليك انا نحبك ❤️ومستحيل ننسااااك.. وعطاني بضهره ومشي وخلاني.. ماعاش قدر يشوفني حسيته نزلت منه دمعه ومشي لأنه معاش قدر يتحمل

مهاب..... عمره 22سنه وهو حبيب رهف يحبها يموت فها يمكن يدير اي شي على خاطرها ابيض وشعره كتيف ولحيته خفيفه عيونه سود يجننو 🤤 قرى سنه في كليت التقنيه قسم تمريض وبعدين وقف قيد بعد ماتوفه بوه وخدم هو وخوه الكبير متزوج في التجاره وبعدين فتح محل هواتف

_______________________

رهف.... حسيت روحي منموووت خلاص معاش قدرت نوقف قعمزت مصدووومه نفكر هذا يلي تبيه تبعدي على مهاب واهو بعد عليك علاش مضايقه علاش نحس بفراااغ في قلبي علاش نحس في روحي بنمموت صح نحبه نحبه لكن مانقدرش نخليه يكون ليه مانقدرش ومانقدرش نقووله... وبديت نبكي 😭
تفكرت اني في الكليه مسحت دموعي وتصلت ب لجين... . ماتردش اكيده  قاعده في المحاضره

______________________________

محمد... ياامي مانبيش نتزوج افهميني مانبيش
خيريه (ام محمد) يامحمد خلاص كلمت ام البنت اليوم وقتلها غدواا جاين نخطبو بنتكم
محمد.. . يايمه خديتي رأي توا انا مانبيش نتزوج واصلا حتى البنت مانعرفهاش وحتى كان نعرفه انا مش فاضي بالزواج
خيريه.. ااا اه باهي قولي أمت ناوي تتزوج وانت قريب تدخل ال30 قووولي أمتى نوي تتزوج.. اندادك بصغارهم
محمد.. . باهي يايومه سااااد دهشت منهااا الدسكه هادي
خيريه.. . خلاص غدواا بتمشي معاي
محمد.. . يصير خير. خدي مفاتيح السياره وطلع

محمد عمره 28سنه متخرج من القانون يخدم وفاتح مكتب ويحب خدمته هادي وشخصيته حلوه طويل جسمه يجنن واسمر وشعره وليحته على الأسود عيونه حلوات وواضح انه هادي يحترم في امه وعنده زوز خوات وزوز خوت. خوه الكبير متزوج وعنده اخته متزوجه لها شهر وهو تاني وحد في العيله بوه عنده معرض سيارات وخوه الكبير يخدم مع بوه يعني حلتهم الماديه كويسه

بعد نص ساعه وانا مقعمزه وكلام مهاب يتعاود في راسي وقلبي محروق وانحس في روحي انسانه تافه تخلت على حبها وانا انفكر ولوم في نفسي
لجين.... بس جيت
رهف... . شفتلها.. واضح في عيوني الحزن.. كلمتي بوك
لجين... . أي كلمته لكن في مشكله انه مش جاي وبيجينه النفاخ عاصم
رهف... . تبصري كملت معاي مانقصني غير خالي عصام
لجين... . خيرك رهف طايرتلك شن صاير معاك؟؟
رهف ارتبكت اااه مصاير معاي شي نفكر في الكيمياء الغبره
لجين.. . زي الحق والله ف ي ي..... شرين تلفونهاا في الشنطه
رهفََ... . تلفونك يشرين اكيده خالي عاصم (الحمد الله انقضني الهاتف)
لجين... . طلعت الهاتف من الشنطه عمي عاصم.. الووو عمي عاصم.
عاصم... . سعه باش تردي على التلفون. الكذب على اساس مكانش في ادك
لجين... . هاتفي كان في الشنطه مش في أيدي
عاصم... اطلعي انا قدام الكليه
لجين.... باهي وسكرت التلفون
رهف... . خيره جاي ولا شنو
لجين... . خالك وتعرفيه يدور في حاجه باش نتعارك
رهف... . باهي هي اطلعي قبل ما يجي اهني ويفصل
لجين.... . بسرعه يديرها
طلعت انا ولجين ركبنه في السياره
انا ولجين... . السلام عليكم
عاصم... . وعليكم السلام ساعه ساعه باش تركبو شن اديري انت وياها بس فهموني
رهف... . في خاطري بلاهي فكني مانقصني غير انت
لجين... . بنوصلو رهف للحوش
عاصم... . علاش ماتروحيش معانه
رهف... . مره تانيه الأسبوع الجاي امتحانات بنبدا نقرأ
عاصم... . باهي تمام