من دمي وعذبتني

الفصل 8+9+10

من دمي وعذبتني

البارت8 +9+10

(وعد وجواز)
    
بعد مرور اسبوعين رجع فارس ع البلد وبدات تجهيزات الفرح العروسين بيحتفلو كل واحد ب بيته وفاضل يوم واحد ع الفرح وفارس بيحاول يقنع والدته انها توقف الجوازة

فارس: ياحجة عشان خاطرى بلاش نضحك عليها

فاطمة: انت عاوز الناس تاكل وشي ولا اي وبعدين انت خسران ايي انت كسبان من الجوازة دي انك هتتجوز فريفه اللي انت عاوزها دي

فارس: ياحجة مش عاوز اظلم البنت دي معايا صدقيني البنت دى غلبانة متستهلش انه يتعمل معاها كده

فاطمة: جرا اى يافااارس انت هتعرفنى الصح من الغلط ولا اي 😠

فارس: ورحمه الحج تفكرى تانى قبل كتب الكتاب ابوس ايدك ياحجة  حرام تكسري قلب البنت دى

فاطمة: ورحمة الغاليين لو ماعملت اللي قلتلك عليه لاكون متبرية منك ليوم الدين ها😠

فارس: 😒😏😏😏انا لازم اتصرف

ركب فارس عربيته وقرر انه يروح يفهم نوران وهيا تلحق نفسها بنفسها اول ماوصل الكل فرح وفكرو جاى يتحنا مع العروسه

صباح: ياالف خطوة عزيزة زغرطو ياعوازل عريس بنتى جاى يتحنا مع العروسه

فارس: معلش ياحجة ممكن اكلم نوران لو سمحتى

صباح: مينفعش يافارس بيه انك تشوف العروسة الا ليلة الفرح

فارس: عشان خاطرى ياحجة صباح هقولها كلمه وهمشي

خرجت نوران ع صوته وهيا لابسة فستان احمر ولفة الطرحه وشبه البدر اول ماشافها حس بحاجة غريبة مشدودلها ورجع فكر ف فريدة وبسرعه اخد نوران من ايدها ونوران فرحانه

فارس : نص ساعه وهرجعها ياحجة صباح

صباح: ومالو يابني

ركبو العربيه  ومشي فارس وراح ع مكان هادى ووقف العربيه نزلت نوران  وفارس بيقفل بابا العربيه وهو بيفكر ازاى يفهمها بطريقه متجرحهاش

فارس: ايييي ازيك

نور:انا كويسة الحمد للة 😊وانت

فارس:انا كويس لا مش كويس

نور:مش كويس ليه 😳

فارس: بصي يابنت النااس انا جبتك هنا علشان اقولك كلمتين وياريت تفهمينى

نور: اتفضل

فارس: بصراحه بقا انا مش عاوز الجوازة دى 😒

نور بسرعه نزلت دموعها وبصتله اول ماشافها فارس حس بخنقة

نور:ولايهمك يافارس بيه حصل خير😢😭بعد ازنك

جاية نور تقوم مسك فارس ايديها وقال