التصفيح4
قصى صباحو ياوشة
انا صباح الخير
قصى وين سرحانة
انا لبنى وراها قصة وداسة عليا
قصى بالكي تحب
أنا لا كان هدا خبرتني
قصى مرات حب من طرف واحد هدا ليش داسة عليك
انا كلامك فيك وجهة نظر
قصى باهي ياغبية بري لمحاضرتك وبعدين نتلاقو
أنا حي على أمه
قصى خير مصيبتك
انا شوف هداك الطرف شكله جاينا زيارة
قصى قرصني بعدين نهار أمك أحرف ياكلبة
انا كنت ماشية للمدرج نسمع ف واحد ورايا ممكن الرقم ياحلوة
انا اكتب صفر صفر صفر صفر ولما تتعب اكتب واحد
جنان لين لين
انا قربت منها اهلين شن الجو
جنان تمام وانتى شن جوك
انا ماشية هيا نخشو قبل ماتزحم
جنان صاحبتي المقربة وماعنديش غيرها
فيصل عجبتيني الصراحة فكرة أسيل ماخطرت ع بالي توا أنزلي خودي دورة ف الجامعة باش ونظمي الأمور وتلقيني نراجي فيك
لبنى وهيا قلبها محروق وحابسة الدمعة نزلت وتفقت مع اسيل الى هيا أصلآ مش فاهمة شي لكن وافقت ع أمل ان لبنى تحكيلها بعدين
ركبت لبنى مع فيصل وطول الطريق وهوا يضايق فيها يمسك ف ايدها ويلمس ف خدها وصلو لشقة صغيرة ودخلها
لبنى كانت تترجى فيه انه يرحمها من الشي الى هوا يدير فيه
فيصل مش قادر نمسك روحي انا دقت حلاوتك ومستحيل نسيبك وكرها لدار النوم غصبآ عنها وخدا حاجته بالغصب
طلعنا من المحاضرة
جنان خيره جوك متعكر
انا قلبي مقبوض حاسة انى مش متريحة
جنان تعالي نشريلك ايس كريم توا يتعدل مزاجك
انا اسمه جيلاطى بلا بودعة بنات وضحكت
جنان شن يضحك فيك
انا قلت جملة قصى بدون وعي وكأنى بديت نسخة منه
جنان غمزتلي انه الحب
انا انا وين والحب وين تعرفيني لو ماجاش ودار ركبة ونص وطلع الخاتم وتقدملي مستحيل نقبل بيه
جنان أحلمي مدام الحلم بلاش
قصى يأشرلي
انا مشيتله معاش تأشرلي مانبيش يعرفو انك قريبي لأنك شين
قصى نقصى طولة اللسان خير مانكرك مع شعرك ونمسح بيك
انا خوفتني كملت محاضرات
قصى ايه هيا نروح بيك
انا لا بنروح مع جنان
قصى خلاص انى بنقعد خلفكم لين توصلي ياوشة ياويسو
انا هدا خوف ولاغيرة
قصى لا غير باش نكحل ف جنان
انا لاشعوريآ ضربته برجلي
قصى ياغوريلا توا نوريك
عند لبنى الى كانت تبكي وتعيط
فيصل تي أسكتي صدعتي راسي
لبنى حرام عليك كنت مدايرتك زي بوي والله عيب عليك فكر فى خوتي الى هما ولادي
فيصل انا مانفكر الا ف مصلحتي نوضي ألبسي خلي نروح بيك كسرتيلي راسي بالبكاء متاعك
لبنى ناضت لبست وف الطريق كله تحاول تستجمع
.
.
تستجمع قوتها باش ماتحسسنا بشي
فيصل زي ماقتلك تفتحي فمك نهارك أحرف
جنان خيره ولد خالك يتبع فينا
انا يوري ف عضلاته وقعد خلفنا لين وصلنا الحوش
ماما لين غيري وتعالي عاونيني تعبت
أنا ووواك ياريتكم تتعلمو من الأجانب الواحد بدل ماتبوسوه وتحضنوه وتسألوه عن يومه تنكدو عليه وتنادوه للمطباخ
ماما هيا أستعجلي ولايجيك الشبشب ع وجهك توا بيجي بوك
انا بوك لاكيري وهيا ترعش عليه مانعرفش ع شن دمه أثقل من الحوش وترابه وسكار وحشاش وصايع ربي يهدي وخلاص غيرت دبشي وخشيت للمطبخ
ماما قرضي السلاطة
انا ماما تعرفي ف بنت صاحبتي كانت معايا ف الثانوي تزوجت وكانت مصفحة مسكينة ليلة الدخلة ماتحول التصفيح وراجلها يحسابها مش بنت وعطاها طريحة وحدفها ف الشارع
ماما مسكينة
انا ياماما طلع سحر التصفيح يجيب ف العقم ويتحول للجن العاشق حتى كان تهنت البنت فى ليلة الدخلة لكن يصير مشاكل بينهم حوليهولنا ماما
ماما والله ماتحشمي شن بنحولك غير أعبى ونهارك تعاودي الدوة هدي
انا خيرك ياماما هدا سحر وجهل حرام عليك
ماما حتى نحنا صفحونا زمان وتزوجنا وجبناكم والباقي كله كلام فاضي
انا بس طلقتي وماكانت تصير بينكم مشاكل وقطع علينا صوت الباب نفتح
لبنى وفيصل السلام عليكم
انا وماما وعليكم السلام
فيصل الغداء واتي
ماما خشو غيرو وتوا تلقوه واتي
انا سم الهاري مايشوف ف كرشته دراه الكبد
لبنى غيرت وقعدت تعاون فيا
انا مازال ماتبيش تقولي خيرك
لبنى خايفة من الأمتحانات
انا اسمعي بنقولك حاجة بنحول التصفيح
لبنى لا ردبالك تحوليه
انا خيرك جاهلة زي أمك تى هدا سحر ومفروض تحوليه حتى أنتى
لبنى تحوليه نخبر ماما خليه ينفعك لزمان لأن الدنيا بدت تخوف وماتعرفيش شن يصير معاك
انا فهميني خير مصيبتك ليش متغيرة تحبي ف حد مخوفك مهددك قولي اختك انا نقف معاك نساعدك نخفف عنك
لبنى مسحت دموعها الى كانو ينزلو بروحهم توا تعرفي مع الوقت
ماما هيا شن صار بوكم جيعان
حطينا الغداء وتغدينا وغسلنا الماعين
انا لبنى ليا فترة ملاحظة ان شعري يتساقط هلبة جربتله جيت الخروع مانفع وزيت السدر مانفع وليا 4ايام ماغسلته ومشطته خايفة يزيد يطيح
لبنى انا لاحظت حتى حواجبك خفو
انا ليا فترة مادرت الفتلة لكن وجهي نظيف ماعرفتش ليش
لبنى أكيد سوء تغدية ولافقر دم غدوة بري ديري تحليل
كانت لبنى ف المطبخ تشرب ف مية ودخل عليها فيصل ومسكها من الخلف
أنا كنت طالعة البرا وشفتهم
