التصفيح10
باش تقوليلي اطلع لاياحبي ف احلامك انى بنغيرلك ياحلالي
انا لاحول مش من أولها ارزن ياراجل
قصى قربني منه وقعد يحولي ف الفيلو
بعد مرور ساعة
قصى فتح الباب وطربقه بقوة وطلع للصاله وقعد يدخن
انا لفيت روحي بالمنشف ولحقته والله انت فاهم غلط
قصى شن بنفهم ليش ماصارحتيني من الأول والله ماكنت حانرخي بيك ليش بس
أنا ياقصى انا كنت مصفحة وأكيد ماتحولش التصفيح
قصى شنى مصفحة تلعبي عليا أنتى
انا جبت التلفون وأشتركت ف البنت وكتبت ف محرك البحت التصفيح وعطيته التلفون
قصى قعد يقرا وبعد كمل شافلي
انا قصى والله ماعمره لمسني حد غيرك والحب ماعرفته مع حد الا أنت وانا ضحية للجهل زيني زي لبنى وزي هلبة بنات
قصى حضني اسف حبيبي بس اول مرة نسمع بيه التصفيح متاعكم هدا
أنا ولأنى طيبة القلب وحلوة وأمورة ومافيش زينى ف الدنيا سامحتك
قصى تعالي نرقدو خربتى عليا ليلة الدخله يامريضة
انا غدوة نحكي لأمي باش نعاود نحوله مرة تانية
قعدنا نهدرز لعند أذن الفجر وبعدها صلينا ورقدنا
ف الصبح نضت دوشت وجيت جنب قصى وحطيت شعري المبلول ع وجهه
قصى جبدني عنده وخنقني بيده يامزعجة عندك علم لما نبدا راقد ف حوشنا مافيش حد يتجرأ يقربني
أنا هياااا نوض مانحبش نقعد بروحي
قصى جاء فوقي وقعد يبوس فيا ولما قربني تفكر التصفيح اووووف نوضي اتصلي بأمك وحلي أم الموضوع
أنا تمام ونضت تصلت بماما
ماما لين تتصل ان شاء الله خير
انا ماما صباح الخير
ماما خيرك شن صار
انا حكيتلها القصة
ماما ياغبراتنا وقصى شن دار
انا تفهم الموضوع ياريت تحلي القصة
ماما سكري توا وبعدين ساهل
انا تمام
ماما كلمت جواهر وحكتلها القصة
جواهر لاحول الله وخلاص توا نسأل فتحية هيا تعرف كيف يحولوه
ماما هيا نمشولها
جواهر عمتي فتحية تعالي شوي نبوك وخشو بيها للدار
فتحية ان شاء الله خير
ماما بنتي ع اساس حولتلها التصفيح لكن ماتحول ومازال ماتهنت
فتحية كيف حولتوه
ماما مشينا للمراءة الى صفحتها ونحاته
فتحية عالجتو السحر بالسحر كيف تبيه يتحول هدا يتحول بالحجامة والرقية الشرعية نعرف وحدة تحول فيه بالقرأن توا نرفعها ليها
ماما ياريت والله ونرفعوها ف اقرب وقت
فتحية ف القايلة
جواهر تمام
ماما كله منى لو قصى ماتفهم الوضع كانت بنتى رجعتلي مطلقة
جواهر معاش تلومي روحك كلنا نغلطو وتوا تتعالج ووتهنى وتشوفي ولادها وولاد ولادها
ماما تمسح ف دموعها يارب يسمع منك
فى القايلة لبست ورفعنا قصى انا وماما وجواهر وفتحية فى الطريق الكل ساكت وزعلان وخاصة ماما وصلنا للمكان المقصود خبطنا الباب وفتحتلنا وحدة طويلة وعريضة
فتحية السلام عليكم وين امك
البنت تفضلو الداخل دخلنا للدار طول كانت دار صغيرة وفيها مراءة كبيرة ف السن
فتحية شن حالك ياربيعة وسلمو ع بعض وحكتلها قصتي
ربيعة لاحول الله ان شاء الله مشكلتك بسيطة عطتني رقية وايات قرأنية قاتلي أقريهم والحجامة قاتلي نديرها ليك ف الأيام البيض
ماما بالله عليك عالجيها وبياضك عندي وأطلبي شن تبي
ربيعة توكلو ع الله وأكثرو من الأستغفار وبأذن الله تتعالج
روحنا كلنا ونحنا متأملين انى نتعالج ونعيش زيني زي أى مراءة وراجلها عليك حظ وخلاص وصلناهم لحوش خالتى وروحنا لحوشنا
قصى طمنيني حبي
انا ان شاء الله خير
قصى ان شاء الله بس يعنى تحول ولامازال
انا مالا طول طول تحسابه
قصى ليش لما تصفحتى تسكرتي طول ههههه
انا عيب عليك
قصى تعالي نتغدو جيعان
انا هيا عيوني بنوكلك بأيدي
فاتو أيامات وانا نشرب ف مية الرقية ودرت الحجامة وقعدت نقرأ ف الايات القرأنية وندعي ف ربي
ربيعة ان شاء الله بأذن الله تحول
انا بارك الله فيك وروحو بيا
فى الليل دلعت الجو شموع ولبست روب أحمر قصير هلبة ودرت مكياج وتسندت ع السرير وقعدت نلعب بشعري وسمعت صوت الباب نفتح
قصى شاف الشموع والورد قعد يجري الله اكبر الله أكبر وأخيرآ ونقز ع السرير وقعد يحول ف تشيرته يحليلي وخلاص ع الأحمر كنتى فين بالحمة لما كنا جزارين
أنا هههه خيرك بتهبل
قصى تي بنهبل تي قريب نطلع نعيط ف الشارع قداش ليا نراجي فيها اللحظة هدي وهدي كانت ليلتى الى تهنيت فيها والحمد لله
فاتو عليا ايامات وانا عايشة ف العسل مشينا للمغرب قعدنا شهر وروحنا لكن ماعمره الفرح يدوم ابدا
انا حبي نزلي موادي باش نرجع للقراية
قصي تحلمي انتى أنسى حاجة اسمها قراية
انا ليش حرام عليك هدي اخرلى سنه
قصى قلت لا يعني معاش تفتحي امه الموضوع هدا كان اول مرة يعاملني هكي ويعيط عليا
انا خشيت لدار وقعدت نبكى لين خداني النوم
قصي حبيبي روحي ويبوس فيا
انا حول عنى معاش تكلمني
قصى رقد جنبي اسف ياروحي مش قصدي نزعلك بس انتى مرتي توا ومعاش نبي حد يشوفك
انا بس
قصى اس توا خلينى نعيش معاك اللحظة وبعدها نحكو ولما كان يبي يقرب عليا حس بضيق وشعور غريب وحول من عني وطلع
انا نضت وطلعت وراه خيرك شن بيك
قصي مانيش يتبع
