التصفيح8
ايوووا هكي انت عيني وتصلت بقصى كلم بوك وسمعه التسجيل
قصى تمام ياحبي وقعد مع بوه وسمعه التسجيلات وحكاله القصة
خالي كيف يصير هكي وانا أخر من يعلم وكان ماشي بيهجم ع فيصل لكن قصى شده مش هكي يابوي لازم نشدوه بالثابت التسجيلات ماهمش دليل يقدر يطلع روحه
فى الليل
لبنى سامحيني وخيتي لو ف يوم زعلتك ولا ضايقتك ووقفتك معايا مستحيل ننساها
أنا سكري فمك نحنا خوات وماعندنا غير بعض
وقعدت نهدرزلها ع ايامات الطفولة وقعدنا نضحكو
ف الصبح لبنى حضنت ماما وباست ع راسها مانعرفش خيرها وكأنها تودع فينا
جانا خالي وجاب جواهر وعرض علينا أنه يوصلنا وكان واضح عليه الزعل وصلنا لبنى للجامعة وانا نزلت ف حوش خالي
قصى شن الوضع عندك
انا كل شي تمام
قصى أنا بنطلع مع بوي توا باش نلحقو عليهم
لبنى دارت امتحانها الأخير وشدت ف ليد اسيل وقعدت تودع ف الجامعة وطموحها ومستقبلها وحضنت أسيل وودعتها وركبت مع فيصل
فيصل وأخيرآ شدت مازال لما تجيب أمك كل يوم بتطلعي معايا
لبنى كانت ف عالم تاني وهوا يحكي بروحه
خالي الحقير الواطي نهاره احرف مني
قصى هدا لازم يموت يابوي الى داره مش شويا
وصلو للشقة وفتح فيصل الباب الرئيسى وكان كيف بيسكر الباب قصى دفه عليه وخش خالي
خالي ياكلب الكلاب نحسبوك راجل وأمناك ع اختي وبنتها طلعت تلعب بشرفهم وطلع المسدس اركب ف السيارة ياحيوان وركبو كلهم كانت لبنى وقصى القدام وخالي وفيصل من خلف تى والله لما نعدمك وخالي كان مكلم جماعته وحطوهم جنب حوش كيف مبني وف جيهة مافيها ناس
قصى كمل الطريق باش يوصل لبنى الى كانت منهارة بالبكاء
انا يارب سلم يارب سلم يارب سترك
البنات خيرك مش ع بعضك وسمعت صوت الباب نفتح مشيت نجري وحضنت لبنى
قصى خشو الداخل انا بنمشي نجيب امى وعمتى ونجي
نحنا تمام
خالي وجماعته قعدو يضربو ف فيصل بعنف وهو يعيط سامحنى ياوليد والله الشيطان لعب بيا اااااااااه
وليد ورحمة أمى مش حانسامحك وضربوه لين فقد الوعي
جمال وكان صاحب خالي شن بيصير فيه
خالي نقتلوه ونحدفوه ف المجاري هداك مكانه الأصلي
جمال الى تشوفه
قصى كلم امه باش تجهز ماما ويرفعهم
ماماشن فيه وين ماشين بوي مريض وداسين عليابنياتي فيهم شي
جواهر لا لكن نغيرولك جوك وخواتك اليوم جاين
ماما خلي نسأل فيصل وتصلت بيه لكن تلفونه مقفل
ماما اكيد ماعنده شحن هيا مالا وجونا ف الحوش
ماما خشت مسكينة زي الأطرش بالزفة
اما لبنى
اما لبنى دخلت لدار وصكرت ع روحها الدار
ناهد خيرها لبنى
انا خلوها بروحها شوية
اما خالي كلم خوت فيصل الزوز وبوه وعطاهم النعتة وجوه وحكالهم القصة كاملة
بو فيصل هدا حقكم والىاره مش شوية وانا متبري منه وخودو حق البنت وروحو وخلوه
جمال صب ع فيصل مية لين صحصح ورجعو يضربو فيه وكان معبي دم وماعنده حيل يتحرك غير انه يعيط وخلاص
لبنى عطلت ف الدار وانا نشغلت عليها فقررت انى نطمن عليها قعدت ندق ع باب الدار لكن مافيش رد منها
انا قصى تعالا أفتح الباب ع لبنى مانعرفش خيرها ماتردش عليا
قصى مرات راقدة
انا نومها خفيف كان هدا ناضت فتحت
قصى قعد يحاول يفتح الباب لكن ماقدرش
طلع البرا وندا ولاد الجيران وقعدو يضربو فيه ويحاولو يفتحوه وبعد نص ساعة قدرو يفتحوه
انا أول ماسمعت صوت الباب نفتح طلعت نجري ونسمع فيهم يقولو لاحول ولاقوة الا بالله وف خاطري الى نفكر فيه غلط لبنى مؤمنة ومستحيل تضعف لامستحيل مانعرف كيف خشيت ف وسط الشباب وشفت أختى متعلقة وقصى شادها من رجليها انا قعدت نعيط ومشيت نجري نحول ف قصى لبنى لااااااا وخيتي وين مشيتي وخليتيني لبنى ياحياتي وعمري ليش ليش ليش
قصى يبكي وجو الولاد قعد يفكو فيها وجت امى وجواهر والبنات وكلهم قعدويعيطو
مشت وخيتي مشت سعادتي ياريتني متت قبلها أصعب شي فراق الأحبة بفراقها متت من الداخل ماتت الفرحة والبسمة كانت صندوق أسراري كانت أحن عليا من أمى على من بنتبرد ليش درتي هكي يالبنى ليش خليتي وخيتك لمن خليتيني
قصى كلم خالي وخبره وخالي طاح ع الأرض وقعد يبكى
جمال وحد الله كلنا لها ربي يصبركم
خالي ناض وهوا منفعل وفرغ المسدس ف راس فيصل وطلب منهم يحدفوه ف المجاري بس شن الفايدة ونحنا خسرنا لبنى موتت فيصل بترجعلي أختي بترجعلي فرحتي لقينا رسالة من لبنى كاتبة فيها سامحوني لانى جبانة وضعيفة بس مستحيل نقدر نشوف لواجه أمى بعد الى صار نحبكم ادعولي بالرحمة وأطلبولي المغفرة من ربي وخاصة ماما لأن دعائها مستجاب انا اليوم بنودعم ومتمنية نتلاقى معاكم ف الجنة وماتنسوني ف الدعاء انحبكم هلبة
ااااااه ياقلبي ياريتني مافارقتك ياريتني قعدت معاك
وصل خالي وجت الشرطة وبدت التحقيقات ونحنا كنا ف حالة صدمة ولبنى ماندفنت بسرعة بسبب الأجراءات وغيره
ماما فجاة تعبت ورفعوها للمستشفى كانت بتجيب بس بالعملية لأنها حالتها ماتسمح تجيب طبيعي سبحان الله فى كل مايموت شخص يولد شخص يتبع
