🌹الحلقة:30 🌹R★L🌹
🔥رماد جهنم🔥
سمرة: هي موش اختها
الكل: كيفاش
نجمة: سمرة موش سامعة روحك فاش تحكي …كيفاش موش اختها
سمرة: ايه هوما موش خوت أريانة و فريدة موش خوت …فريدة موش بنت ريمة
نجمة: كيفاه موش بنتها …
سمرة: انا نحكي في الصح هي موش بنت ريمة …تو نحكيلكم
نجمة: احكي خلينا نسمعو
سمرة: لما تزوجت ريمة بـ خويا كانت حامل بـ أريانة و لما نولدت أريانة بعدها بـ 7 اشهر لكل عرفو انو ريمة جابت فريدة …و هي ولدت قبل وقتها، لاكن كلشي كذبة
نجمة: كيفاش كذبة ياختي دوختينا
سمرة: فريدة بنت وحدة كانت عايشة هنا في الدوار …و خويا غلط معاها و لما عرفت ريمة عملو كذبة حتى يغطيو لفضيحة …ريمة عملت روحها حامل ولما ولد ديك البُـنًتٍ ريمة خبرت الكل انو ولدت بالشهر السابع …هاذ الشي نعرفو غير انا و ريمة و المرحوم خويا
أريا :يعني هي طول السنين ليـّۓ انا عشت معاهم كانت تحب فريدة و انا ليـّۓ بنتها عمرها لٱ خلتني نحس لحنانتها علااه
زياد: هدي أريا موش مليح تنفعلي …ميهمكش فيهم نحنا راح نرجعو لحياتنا و ميهمناش فيهم
أريا: هه موش منفعلة يا زياد لاكن علاه عمرها ولا حبتني …تقول انا ليـّۓ موش بنتها و كانت تحبها و تعزها اكثر مِڼـّي
نجمة: متقلقيش روحك بنتي كيف مقال زياد متهتميش بيهم
سمرة: تو أريانة انتي تقدري تعرسي بـ شاكر …و مكانش شي يمنعكم
نجمة: سمرة يزي انا مستحيل نقبل
أريا: عمتي طول عمري نقول انك موش راح تأذيني …لاكن م̷ـــِْن طلبك ه̷̷َـَْـُذآ انا فهمت انك مخممتيش فيا ولا حتى شوي
سمرة: بنتي عيشك اسمعيني و افهميني …منتهناش علـّۓ. شاكر غير و هو معاك انتي راح ترجعيه انسان و يحس
أريا: خلاااص خلاص ششت ولا كلمة زيادة …يرجع ولا ميرجعش انا ميهمنيش فِيَھ، و حتى فيكم قبل 5سنين شكون سقسى علـّۓ. حالي و عاوني …اااه احكي شكون عاوني معندكم حتى شي باش تطالبوني ،تو نخليوك علـّۓ. خير عمتي و ربي يشفيك ،نحنا الصبح مسافرين و معادش نرجعو
سمرة: أرريانة عيش بنتي متعمليش هاذ الشي
زياد: هي حكات تو يا خالتي و كلامها صحيح …معندكم حتى حق تطلبو انكم تدمرولها حياتها م̷ـــِْن جديد
نجمة: سمرة اختي عيشك انساي هاذ الشي …انا معنديش قوة نخسر بنتي ونخليها ترجع تعاني كيف قبل
سمرة:لاكن بنتي أريانة عيشك شاكر فحاجتك
أريا: أريانة ماتت م̷ـــِْن 5سنين و قتلها ابنك بلي عملو …و تو انتي حابتني نمشي ليه برجليا ،نقلك هاذ الشي مستحيل مستحيييييل
خرجت أريا تجري و زياد لحقها، كانت تجري و دموع فعينيها موش شايفة قدامها حتى تخبطت في واحد طلعت راسها لقاتو شاكر و معاه محمد شافت فِيَھ بغيونها ليـّۓ الدموع يجرو منهم صارو كيف لمراية هو تاه فيهم و حتى محمد بقاو يشوفو في بعضهم و عيونهم يحكيو حجات مدفونة م̷ـــِْن الماضي…شاكر باقي تايه في عيونها، عيونها رجعوه 5سنين للماضي، نفس لعيون نفس اللمعة و نفس الاحساس ليـّۓ كان يحسو كيف يشوف عيونها و يهرب منهم عيونها ليـّۓ كان يشوف حب كبير فيهم و امل كبير، فاق م̷ـــِْن تفكيرو و رجع للواقع لما سمع صوتها المخنوق
أريا: انتو كل مرة تربحو كل مرة نخرج خاسرة كل شي …علاش حابين تدمروني و ترجعوني لنقطة الصفر علااه
شاكر بحيرة: انتي مليحة شبيك علاش تبكي …حد حكا معاك شي قلقك
شاكر رفع يدو باش يمسحلها دموعها و هي واقفة كيف الخشبة قدامو كانت تاعبة و محتاجة حد يواسيها …حست بشكون دورها و غرسلها راسها في حضنو و هي عرفتو و خضنتو و زادت في بكاها
زياد: سامحنا سي شاكر هي شوي تاعبة …كان حكات معاك حاجة قلقتك اعذرها
شاكر نزل ايدو و كبس عيها حتى عروق يدو بانو: لا متخممش سي زياد هي مقالت شي …كنت حابب نطمن عليها لانو حالتها موش مليحة
زياد: مَشَـــڪُوُرْ و سلامتها خالتي سمرة …خلينالها الراحة نحنا جينا زرناها لانو الصبح مسافرين
شاكر: كيفاااش …
★في بالكم شنوا هي ردت فعل شاكر كيف يعرف انو أريا ماشية و معادش يشوفها …و زعما تو يفترقو أريا و شاكر ولا سمرة تعمل شي باش تجمعهم ★
🌹 عيشكم بنات جمجمو و خليو تعليق وبلا كلمة كملي ليـّۓ تقلقني راو نلقا كلمة كملي نطعرالكم هنا 😂😂
أنت تقرأ
رماد_جهنم
General Fiction____________________🌹R★L🌹_____________________ بعد كرو 🌹منذ_البداية_انَـỲǑŲـْتي_ملكي""سيراج و بيان ""🌹و كرو 🌹رقصتي_غيرت_حياتي""ريان و جاد ""🌹 رجعت ليكم و مجيتش و ايديا فارغين، جبتلكم رواية جميلة و بالطبع جديدة، تجمع بين بزاف شغلات، ان شاء •الل...
