رماد_جهنم

P 41

🌹الحلقة: 41. 🌹R★L🌹
🔥رماد جهنم🔥

وصلت أريا لبيتهم نزلت هي و اسلام خلاتو عند امها و بعد مطمنتهم علـّۓ. ملاك خرجت ماشيا لخدمتها و طول الطريق تخمم في شاكر و كيف راح تتصرف معاه في الاشهر هاذم خايفة تزيد تغرق فحبو و يرجع يجبد عليها هي معندهاش قوة تزيد تتحمل تول مرة هي تحملت فخاطر بنها و تو كان تغرق مفماش شكون يجبدها ...وصلت لـ الشركة نزلت داخلة و الكل يشوفو فيها وقفت في الاستقبال
أريا: كريسي وصل ولا موصلش
تكلم م̷ـــِْن وراها كريسي: انا هنا يا عمري كريسي فكل مكان
أريا تلفتت و مشات سلمت عليه: اوه قديش متوحشتك صارلك اسبوع مسافر و متقولش نكلمها
كريسي: يا روحي مكانش عِنـ.̷̷̸̷̐ـديّ وقت تعرفي لما نسافر كل وقتي يكون محجوز
أريا: مممم انا ليـّۓ نعرف وقتك وين محجوز اكيد استمتعت بوقتك
كريسي حكملها ايدها و دورها: اااه يا روحي انتي الظاهر كي عرستي زدتي حليتي اكثر ...ممم باين المعلم عرف كيف يخليك تصيري اجمل
أريا: تو كي عرست رجعت حلوة ...علاش قبل كنت حيط ولا شكنت ماو انا هي كيف قبل كيف تو بغمزة مِڼـّي يطيحو عشرة يا حبيبي
قاطعها صوتو ليـّۓ جاي م̷ـــِْن و راها: صار يا مدام مزالك كي تغمزي يطيحو قدامك
تلفتو ثنينهم، و هي صرطت الريق و بقات تشوف فِيَھ مبهمة هو شيعمل هنا
كريسي: و انت شكون كيف دخلت هنا ...امن وينكم اااه يا ربي الشركة صارت خرابة ااامن
قرب منو شاكر مسكو م̷ـــِْن رقبت راح يخنقو، و كريسي يفرفط بين ايديه، أريا عيونها تحلو م̷ـــِْن الشي ليـّۓ قاعد يصير زربت قربت منهم و تجبد في شاكر يبعد عليه
كريسي: يا رَبّــيٌ راح نموت ااه أريا ساعديني ... حياونة معادش ندخل شركتك اااه يا روحي أريا فكني م̷ـــِْن هاذ المتوحش يا امي وينك شوفي ابنك راح يقتلوه و هو مزالو صغير
أريا تجبد في ايد شاكر: شاكر سيبو يا هم سيبو راح تقتلو ... اا سيبو عيشك متعملش مشاكل هو ميعرفكش شكونك انت
شاكر طلق كريسي و كي نطرلها يدها م̷ـــِْن فوق ايدو و تلفت جات الضربة تاع ايدو فيها و تجرح فمها بسبت الخاتم ليـّۓ لابسو شاف فيها لقاها تتوجع و الدم ساح م̷ـــِْن شفتها ...غمض عينيه و نسف مكانش حابب يصرا هك هو جا هنا حتى يخرجها و يزيد يتعرف عليها ، تلفتت أريا ل كريسي و طلبت السماح و مشات لمكتبها و شاكر لحقها دخلت مشات تشوف في فمها في لمراية و هو واقف
شاكر: مكانش قصدي المشاكل ...هو استفزني
أريا: كريسي موش قصدو هديك هي طبيعتو و طريقة كلامو ...ااه انت علاه جيت
شاكر: حبيت نشوفك و نخرجو نحكيو و نعملو دورة
أريا تمسح في فمها: اااح
شاكر زغبة عقل كانت عندو و طارت ،مشا قرب ليها و لفتها ليه جات مقابلتو و مبهمة فِيَھ علاه عمل هاذ الشي
شاكر عدا صباعو علـّۓ. شفافها و هي ضربها كرو غابت علـّۓ. الدنيا كل:وجعك الجرح
أريا:اه ممم ايه يوجع فيا
شاكر: ممم لانو شفافك حساسين موش متعودين ينجرحو
أريا: و انت علاه لابس هاذ الخاتم اصلا موش مليح و شوف جرحني
شاكر: اممم معادش نلبسو حتى ميجرحكش بعد ليومو
أريا: اه
مكملتش كلامها حتى حست بشفافو نقضو علـّۓ. فمها يبوس فيها و يمص فيهم و ايدو طالعة هابطة علـّۓ. ضهرها حتى لداريارها و هي قريب تموت م̷ـــِْن هاذ الشي، بعد عليها بعد محس روحو معادش يقدر يسيطر و كان يكمل راح ترصالهم في حجات ثانية ،و هي هبطت راسها تلعب بـ ايديها و هو تلفتت يحك في رايو متوتر م̷ـــِْن الوضع
شاكر :اه امم انا رايح ...تو يلا باي
خرج يجري و هي ترمات علـّۓ. لكرسي تمروح علـّۓ. وجها و تتحسس في شفافها و سعورها مخلط فرح و خوف
==========
نروحو عند ملاك ليـّۓ غلقت تلفونها و قاعدة في فرشها و تشوف في اوراق مقابلينها ...حملتهم تقرا فيهم و بعدها طاحتلها دمعة م̷ـــِْن عينها و صارو شلال دموع ...رفعت يدها مسحتهم و تبسمت وسط دموعها و نزلت يدها حطتها علـّۓ. كرشها و تعدي فيها بحنان
ملاك: يا روحي انت، م̷ـــِْن ليوم راح نعيش كان فخاطرك انت، راح نكون غير انا و انت معندنا حتى حد ...كنت نحلم نسمع كيف ه̷̷َـَْـُذآ الخبر و انا معرسة مع ليـّۓ نحبو و كي نعرف الخبر ه̷̷َـَْـُذآ نفرحو بيه انا و هو لاكن ربي كتب شي ثاني، لاكن انا فرحانة بيك و موش حزينة انو نحنا وحدنا. لاكن علاه الدنيا دايما عاكستني و عمري فرحت كيف الناس دايما نخسر كل شي و يطلعوني انا الغالطة، لاكن م̷ـــِْن ليوم مراحش يلومنا حد راح نكون احسن ام ليك راح نعوضك علـّۓ. حب الدنيا كلها و موش راح نخليك تحس بالنقص ليـّۓ داخلي .........

(ها نندب و هاي ملاك طلعت حامل ...زعما شكون بوه لصغير
و أريا و شاكر كيف راح تكون حياتهم بعد معرسو يعني ممكن أريا يحن قلبها و تحبو و تعترفلو شكونها )
جام و تعليق 😘