قال لي خلاص يا غفران الجو حلو صح 😊 رايك شنو نشرب شااي تاني😂 قلت ليهو انا م عايزة لكن ح اعمل ليك😊 قال لي لا لا خلاص لو م عايزة انتي ماف داعي كنت عايز نشربوا سواا اصلا😊🌺 قلت ليهو خلاص تماام ح اعملوا ونشربوا . فرح شديد وانا مشيت المطبخ عملت شااي اللبن الما خمج يا يمةة😌😌👏 طلعت جبتوا بقينا نشرب قمت ابتسمت قال لي مالك؟!😂 قلت ليهو اتذكرت بيتنا لما كنا بنشرب شااي اللبن ببسكويت اليانسوون 😂 قال لي بسكويت شنو😐 قلت ليهو يااانسسسسووون فهمت😑 اختي بتعملوا لينا وبنشرب بيهو الشاي دايما وم بنشرب بغيرو يخ اشتقت لريحتوا😢 قال لي م بتعرفي تعملي ...قلت لا 😢💔 قال لي والبعرف منو غييير اختك ؟؟ قلت ليهو عادي هو بيتباع في المحلات والسوبر ماركت وكدا..لما انزل ح اشتري😊 قال لي تماااام 💚😊 قلت ليهو اديني تلفونك دقيقة... اداني ليهو حتي سألني عايزة تعملي شنو؟! قلت ليهو عايزة اعمل ليك منبة بوقت الادوية عشان م ننسسي ... قال لي ماف داعي اصلا انا بقيت كوويس هسي😊 قلت ليهو لازم تكمل الدواا حتي لو حاسي انك كويس😒 قال لي تماام ....فتحت التلفون كان فيهو رمز قلت ليهو افتحوا لي 😑 فتحتو واداني ليهو كان في الخلفية في صورتي وانا بسرح لتالين شعرهاا 😍 بقيت اعاين فيها واااي اشتقت لتالين ومني ...كنت مبسوطة في الصورة ...قام هو انتبهه اني بعاين في الصورة ...قال لي لو عايزة ح امسحها😊 قلت ليهو انا م قلت ليك امسحها بس لو انت عايز تمسحها امسحها😊😊 ضحك قال لي دة شنو الهبل دة انا لو عايز امسحها م كانت ختيتها في الخلفية😂😂 قلت ليهو انا عارفة ليك كلامك الغريب دة😑 قال لي طيب اخلصي سرعة اديني تلفوني م تلعبي لي بيهو😑 ضحكت علي كلاموا .. ظبطت ليهو المنبة ..فجاءة قلت ليهو دي شنو الالعاب الكتيرة دي😐😐 قال لي م تفهميني غلط دي نزلتها لتالين تلعب بيها 😌😌 بس لكن ساعات ساعات انا زاتي بلعب فيهم😂😂 قلت ليهو اصلا ااي واضح انك بتلعب فيهم 😒😒
قال لي يا غفراان انا طالع وجااي م بتأخر .. قلت ليهو ووين ماشي ...قال لي طالع اشتري حاجات كدة تمام ...قلت ليهو في الجو دة يمكن تجي مطرة م تطلع احسن قال لي بجي سرعهه ...طلع انا لميت العدة بقيت اغسل فيها اتذكرت عماار 😳😳 الليلة ووب😱 المفروض اشوفوا الليلة خليت العدة جريت الغرفة شلت التلفون لقيتو متصل كتيييير قلت خلاص واااي اللليلة معقوول انسسي انا😭😭 رجعت ليهو ما رد ...تاني حاولت بعد تلات مراات حتي رد عليي...قلت ليهو معليش يا عمار م سمعت التلفون😭 قال لي كنتي بتعملي شنو😪 قلت ليهو كنا بنشرب الشااي عشان كدا😭 قال لي اممم تماام حلوو بتشربوا الشااي سوااا...ياااخ انا متزفت منتظرك لي سااعة وانتي تقولي لي كنا بنشرب الشاي يا ريتك لو م قلتي لي الكلام دة يا غفران😊 قلت ليهو معليش يا عماار بس انت اصلا عارف انو كمال عياا... قبل م اكلم كلامي ... قال لي م تجيبي لي سيرة كلام تمام😊 م عارف وم عايز اعرف ششي😊 قلت ليهو عاين لعمار والله انا ح شوفك بكرا ودةر وعد مني والله والله بكراا تماام 😭 م رد علي قال لي انا ح اقفل سسلام😊😊 قفل وما خلاني ارد اصصلا...عذرتوا لاني كنت غلطانة بس هو في النهاية ح يسامحني 😌😌
مشيت قعدت في التلفزيون شويهه فجاءة المطرة صبت مشيت البلكونة كان المنظر حلوو .. جيت راجعة تلفوني كان بضرب شلتو لقيت الرقم غريب ابيت ارد قام تاني اتصل ...رديت قال لي ياغفران انا كماال ..قلت ليهو انت وين في المطرة دي 😐 قال لي خلينا من انا وين البسكويت الكنتي بتحكي عنو إسموا شنو😐 قلت ليهو بسكويت شنو هسي انت وين😐 قال لي يااخ قولي اسموا 😑 قلتوا ليهو يااانسسوون😑😑 قال لي تماام ح اشتريهوا واججي يلا سسلام
قفل مني بقيت اقول دة شنو المجنون دة يانسون شنو العايز يشتري لي😐 بقيت منتظرة م جااا ..اتصلت عليهو انت وين ياخ في المطر دة .😐 قال لي بفتش فيهو م لقيتو لسة في محلات قدام ح اشوف فيهاا ... قلت ليهو انا م عايزاهو افهم ارجع البيت سااي بلا يانسون معاك 😑 قال لي قلت ح اجيبوا يعني ح اجيبوا ..قفل مني ...بقيت افكر هسي لو مرض تاني في الجو دة😑 غايتو جنس شي عليهوو😪😪💔
بعد ساعة كدا جاا راجع كنت قاعدة بعاين ليهو كداا😒😒 قال لي ياااخ اليانسون دة طلع زيتي علبال م لقيتوا 😂 قلت ليهو انت مجنون ولا مجنون هاا بتكلم معاك انا اليانسوون يطير ياخ انت مش اصلا عيان وهسي طلعت في المطر دة لشنو وعشان شنو😑😑😐 قال لي اهدي اصلا انا راكب عربية ما ماشي في المطر وحايم في الشوارع 😑 وبعدين يعني انتي كنتي عايزاهوا وانا م قدرت انو م اجيبوا ليك ثم ثانيا انا عايز اجربوا وبس يعني اهدي تمام😑😑 قلت ليهو تاني لو حكيت ليك عن شي اكون م اسمي غفران😑 قال لي اها ح يكون اسمك منو😐 م رديت عليهو فجاءة بقي يعطس ... قلت ليهو يلا دة الانا كنت خايفة منو😑😑😑
قال لي شنو😳
قلت ليهو شنو هو الشنو؟!😐
قال لي انتي هسي اخر كلمة قلتيها شنو😐
قلت ليهو م قلت شي انا😑
قال لي كذابة قلتي دة الانا كنت خايفة منو 😒😒 .... قلت ليهو اها ولما انت عارف بتسألني ليية😒 قال لي عشان استغربت وقلت يمكن سمعتها غلط😂
المهم م تخافي عادي عادي 😢😢💔
م رديت عليهو قال لي اهااا؟😌
قلت ليهو اهاا شنو😐 قال لي م ح نجرب البطيخ دة ...😂😂 امشي اعملي شااي عايز اجربوا 😂😂
قلت ليهو دي المرة التالتة تشرب شاي انت طبيعي😐😐 قال لي يعني م ح تعملي😑 قلت ليهو ااي 😑 قال لي خلاص تماام😔💔 ااي انا عيان لكن م حنك بمشي اعملوا م مشكلة انتي خليك مرتاحة اصلا انا جبتوا المفروض ااي امشي اعمل الشاي برضوا واص.... قبل يكمل كلاموا قلت ليهو خلاص خلاص😐😐 دي شنو الدراما الرخيصة دي ح امشي اعملوا ليك😑😑 قال لي تعملي لينا م انا برااي😂 عاينت ليهو كدا 😒 وطلعت
