طلع التلفون عاين فيهو قال لي عماااار😐؟!؟ انا بقيت م عارفة اقول ليهو شنو ولا اتصرف كيف كان ماسك التلفون وبعاين فيني . فجاءة ملامح وشو اتغييرت ..بعد شوية اداني ليهو مديت يدي شلتو ...قام فصل ..قلت الحمد لله 😢 تااني بقي يرن ويرن ويرن ....كمال بقي بعاين فيني قال لي ح تردي علي البطيخ دة ولا ننزل ؟؟! طبعا اوول مرة صوتوا يكون عالي كدة وبالنبرة دي واول مرة ينهرني كدة انا لما اتخلعت لما قال لي كدة 💔💔 شافني عايزة ابكي طوالي طلع من الغرفة ... جااني بعد دقيقتين كدا قال لي ييلا نمشي المستشفي يا غفراان عندي اسألة كتيرة بس دة ما وقتوا هسسي 😊
مسك لي يدي وانا بقيت متسندة علي كتفوا طلعنا براا الشقة جينا ننزل السلم قال لي م ح تقدري تنزلي السلالم دي😊 قلت ليهو ح اقدر ...😢😢💔 بديت انزل السلمة الاولي ومع كل سلمة بحس راسسي بعمل طق طق طق ..وقفت قلت ليهو ما قادرة يا كماال 😭😭💔
قام شالني نزلني تحت لغاية م وصلنا العربية فتح لي الباب دخلت رقدت في الكرسي الوراا ..💚🌸 قال لي انا نسيت المفتاح ح ارجع اجيبوا مشا رجع الشقة جابو ....وطلعنا علي المستشفي ... في الطريق كان بيقول لي يا غفراان م تنومي خليك صاحية بقول ليهو كوويس ... وصلنا المستشفي فتح الباب ساعدني اطلع بقي ماسك فيني قال لي بتقدري تمشي ؟! قلت ليهو حتي لو ما بقدر اكيد م ح اخليك تشيلني وتدخل بي جوة 😑 قال لي لييية😐 قلت ليهو ما شايف الناس الكتيرة دي كلها 😑 قال لي ويعني اخر همي الناس انا وبعدين احسن زاتوا اصلا انتي تقيلة😑😑
وصلنا الاستقبال كان في ناس كتااار بقيت افتش مكان فاضي ...كان في مراا كبيرة كدا قالت ليهو تعال يا ولدي خليها تقعد جمبي هنا ...مشااا ‘وداني جمبها وهو كان واقف .... المراا بقت تقول لي سلامتك يا بتي لسة صغيرة علي المستشغيات انتي💔 قلت ليها تسلمي يا خالتو وجع بسيط م اكتر ..😊 قالت لي ربنا يشفيك يا رب 😊💚 قلت ليها جمعااا..💚 كمال كان بعاين لي ساااي قامت المراا لكزتني قالت لي يا حليلو راجلك خايف عليك اكتر من نفسك ...ذكرني براجلي الله يرحموا كان لو عندي حمي سااي يسهر معاي طول الليل يا حليلو هسي جاية مع ولدي عايني ليهو م شغال بي شغلة ماسك التلفون دة كيف عايني ليهو عليك الله😒😒💔 ضحكت قلت ليها معليش كل الشباب كدا ما هو براهوواا..... فجاءة جااني كمال قال لي يلا نمشي مستشفي تانية يااخ انا م ح اخليك تنتظري الناس ديل كلهم 😥😥 المرا قالت ليهو لا لا فاضل خمسة بس والناس ديلك م داخلين العمومي مستنيين نتيجة اصبر شوية يا ولدي بعرف انك خايف عليها لكن تعمل شنو اصبر😊😊
قال ليها طيب يا امي ح اصبر .... بقت تتونس معااي وانا مرة اتكلم مرة اسكت من الوجع قام دورها جااا دخلت ...طواالي جااني كمال قعد جمبي قال لي خلاص ح تدخلي هسسي ...😊 قلت ليهو طييب😊 طلعت المراا قالت لي يلا يا بتي معاك سلامة ودعتها وانا وكمال دخلنا للدكتورة حكيت ليها الحصل معااي قامت قالت لي طيب تمشي تقيسي دمك غالبا لفة الراس بتكون من نقص الدم او الدم البنزل كتير في البيرويود 😊 ...طلعنا اخدو مني الدم عشان يقيسوا ...وبقينا منتظرين النتيجة قلت لكمال انا م قادرة اقعد عايزة ارقد يااخ😭 قال لي طيب ح اقوم ليك من الكرسي بتاعي وحاولي ارتاحي شوية اصلا انتي قصيرة ح يكفوك ...😊 قلت ليهو ما عايزة خليك قااعد😭😢 عاين لي قال لي طييب قاعد انا اهووو 😊
بعد شوية النتيجة طلعت ودخلنا للدكتورة ...بقت تعاين فيها وتعاين لي قالت لي معقوال 😐😐 انتي م عندك دم عدييل يا بت انتي المفروض م تكوني بتتحركي هسي اصلا كمال قال ليها بعد الشر يااخ😥 .... انا بقيت مصدومة قلت ليها يعني شنوو😢😢😐 قالت لي دقيقة اقيس ليك الصغط قاستو لي طلع منخفض شدييد ...
قالت لكمال امشي دخلها العنبر جوة يدوها محلول ....طلعنا مشينا دخلت جوة لقيت ناس كتييير راقدين وجمبهم محاليل نسوان وبنات ...صرااحة خفت شوية بقيت ماسكة يد كمال ...قامت الممرضة قالت لي تعالي براك دة عنبر نساء بس مشت قدامي بدت تعلق في المحلول...عاينت لكمال قلت ليهو انا م عايزة ادخل هناك يا كمال ...😭 قال لي كلها 5 دقايق وبنتهي المحلول ونطلع واصلا انا واقف هنا مستنيك وكل شوية بجي اعاين ليك تماام؟! م رديت عليهو قال لي يا غفراان ؟! قلت ليهو طيب 😢
دخلت ركبت لي المحلول وبعدها نمت م حسيت بشي صحيت لقيت العنبر فاضي بس فيهو مراا كبيرة راقدة وشكلها نايمة لقيت كمال قاعد ولقيت المحلول شالوهوا لي ....قلت ليهو حصل شنو 😢 قال لي ولا شي بس انتي نومتي ...😊
قال لي يلا المفروض تاكلي حاجة فيها ملح وكدا ف انا جبت ليك جبنة وزيتون ييلا سرعههه 😊 بديت اكل ...قلت ليهو انت م عايز ؟! قال لي انتي إكلي وانا كدة بكون شبعت😊
اكلت بعد شوية خلاص م قدرت قال لي ييلا العصصير هاك ...قلت ليهو م قادرة ..😥😥 قال لي حاولي ييلا اهاا ...شيلتو شربت منو بسيط .... طلعنا رجعنا للدكتورة كتبت لي علي حبوب وعلي مسكنات ...والفهمتوا انو عشان البيريود جاتني كتييرة دمي نقص شديييد...💔
المهم طلعنا من المستشفي ركبنا العربية قام وقف جمب البيت المصري نزل اشتري بيتزاا......قال لي سمعت انو الزول لو اكل بيتزا بيحس بسعادة وكدت يعني فبس انتي هسي ابدئي اكلي فيها..💚 قلت ليهو لما نصل البيت
بعد مسافة وقف جمب صيدلية ونزل جاب معاهو كيس كبير ..قلت يا ربي دة شنو😐😐 شالو ختاهو في المقعد القدام وانا راقدة في المقعد الورااا قمت قلت ليهو دة شنو 😐 قال لي حاجة كدا ..😒 شيلت الكيس كان القاهو ليك مليان اولويز اشكال والوان يا يمة😐 قلت ليهو عاد لكن م للدرجة دي 😐😒 قال لي انا عارف ؟!😔 المهم تحسبااا😢😢💔 وصلنا الشقة فتح باب العربية طلعت قال لي ح تقدري تط... قبل يكمل كلاموا قلت ليهو م شغلة هيي ااي بقدر واصلا انت كان تسكن في الدور التحت بلا سلالم معاك 😑💔 قال لي خلاص يعني بقيتي كويسة صح + السلالم دي احلي حاجة عملتها في حياتي😌😌
بقينا طالعين في السلالم تعبت شوية قال لي جيبي ايدك مسكني طلعنا لغاية م وصلنا الشقةة دخلت الغرفة كمال قال لي انا داخل استحماااا 😊
شلت تلفوني لقيت مكالمات كتيير من عمار دخلت الواتس لقيت رسايل كتييير والوقت دة هو كان متصل الان .. لما شافني دخلت قال لي بعرف انك الليلة كنتي في المستشفي...
