صحيت فتحت عيوني لقيت نفسي في سرير مستشفي تااني كمال كان قاعد في كرسي وناايم بقيت اقول دة شنو البحصل لي دة انا وين هسسي والجابني هنا شنو سمع صوتي م اتكلم معااي مشا نادي الممرضة جاات فكت لي المحلول وقالت ليهو لو عايزين تطلعوا اطلعوا... قال لي ييلا... قلت ليهو ما بطلع من هنا الا اعرف انا مالي والبحصل لي شنو😭
قال لي م عندي اخلاق اشرح ليك 😪 كل الحكاية انو انتي فجاءة بيغمي عليك وانا بشيلك بجيبك المستشفي بس... طلعناا وصلنا البيت دخلني الغرفة رقدت بعد شوية جاب لي اكل م اتكلم معاااي ختاهو وطلع ... م اكلت قمت بفتش في تلفوني لقيتوا ... اتصلت علي عمار تلفونوا مقفول .... اتصلت علي معتز قلت ليهو عمار كويس قال لي ااي عمار بقي كويس شدييد بقي يضحك ويتونس وقال انو ح يرجع قطر قريب هسي كان بترتب في امورو كدا غايتو الحمد لله م عارف حصل ليهو شنو بس هسي هو كويس شديييد...
م ارتحت نهائي من كلاموا قلت ليهو الحمد لله طيب مع السلامة...😊
بقيت بنوم بصحااا بصلي وارجع انوم تاني كماال م بيتكلم معاااي الا حاجة ضرورية شديييد.. يوم الصباح تلفوني رن كان عمار .... قال لي يا غفراان عارفة انا كنت وين وجاااي من ويين ... كان صوتوا فيهو فرح ... قمت قلت ليهو كنت وين قال لي انا الليلة مشيت قابلت اخوك واتكلمت معاهو حكيت ليهو كل شي وانوا انتي م عندك ذنب وهو غلط في حقك ... قلت ليهو انو انتي استحالة تعملي شي غلط وقلت ليهو الحقيقة كلها وانو انا كنت عايز اجي البيت من بابوا ياااخ كلام كتيييير ... انا قبل م امششي عايز اصلح كل شي انا خربتوا ليك تمامم😊 طبعا م صدقتوا انا بس قلت ليهوو طيب تمام ... وقفل الخط... رجعت لمعتز حكيت ليهو قال لي ااي انا وهو مشينا سواا وقابل اخوك واتكلم معاهو وحتي انو اتكلم مع بت كدا ...تقريبا بت خالتك
انا بقيت مستغربة..😐 عمار اتكلم مع سبأ قال ليها شنو يا ربي.... يلا عمار بقي م بفتح تلغونوا الا لو عايز يتصل لي ويقول لي شي ...كنت بطمن عليهو من معتز بس....
كمال كان فاضل ليهو 6 يوم ويسافر بقيت افكر اعمل شنو بعد اطلع من هنا .. قلت ح اكمل الجامعة هنا وح اقعد في داخلية والاجازة ح امشي البيت ...
مشيت لكمال قلت ليهو الكلام دة ... قال لي كويس ننزل نسجل ليك في الجامعة ونشوف ليك داخلية كويسةة... 😊
كان يوم الخميس يوم 25 شهر 8 المغرب اتصل بي عمار قال لي يا غفران انا انا بكرا مسااافر وخلاص جهزت حاجاتي كلها يعني بكرا ح اكون في قطر..😊 قلت ليهو كويس موفق 😊
قال لي معليش يا غفران... قلت ليهو علي شنو؟ ... ضحك قال لي ساااي يعني الواحد م يتأسف في البلد دي😹💔
قلت ليهو طيب تصل بالسلامة انا زاتي اسفة .... ما رد علي ... قال لي ممكن نتكلم شويهه كمان لو بتقدري ... قلت ليهو ااي ممكن اتكلمنا مسافة قال لي خلاص انا نعسان بعد كدا ييلا سسلام.... قلت ليهو يدوب الساعة 8 ح تنوم من هسسي ؟ قال لي ااي عشان اصحااا بدري ..😊
قلت ليهو خلاص يلا مع السلامة.. انا م قفلت الخط وهو م قفلوا ... بقينا ساكتين مسااافة قام قفل ...💔
بعدها الساعة 3 بليل تلفوني رن صحيت قلبي مقبوض شديييد ... شلت التلفون يدي كانت بترجف ...شفت المتصل كان معتز ... قلت خلاص معناها حصلت حاجة فتحت الخط م اتكلمت كان صوت معتز م طبيعي قال لي يا غفراان عماار مات ..😭 عماار مات....😭
جدعت التلفون بقيت اصرخ صوتي كان ما طالع بقيت انادي يا عماااار كمال جااا داخل قلت ليهوو عماااار ماات عمار يا كمال 😭😭😭😭 م بعرف بعدها شنو
بعدها صحيت لقيت امي وابوي واخوي واختي كلهم في راسسي ...كنت في مستشفي .... كنت بعاين فيهم مستغربة امي جات علي حضنتني قالت لي يا وااي يا بتي اخيرا صحيتي احيي يا قلبي انا كلهم بقوا يبكوا ....بقيت اعاين كمال ووين...؟!
قلت ليهم وين كمال ؟! قالوا لي عايزة بيهو شنو ما شايفة عمل فيك شنو غير المرض ما جاب ليك شي ....
بقيت م فاهمة شي قلت ليهم نادو لي كمال هسسي 😭😭 اخوي قال لي خلاص تمام قاعد براا هو ح انادي ليك هسسسي.....
