هلوز ياقوم رجعنه من جديد وياكم طبعا كولش اسفه واعتذر ع الانقطاع الي صار بس صارت عندي ظروف ومكدرت انشر و دراسه وامتحانات مثل متعرفون وهسه راح اتركم ويه الأبطال يحجون قصتهم
زينب : هلو حبايبي اليوم راح احجيلكم القصه من اول مطلعت من المحاضرة الخصوصي الى اخر شي صار ويايه
زينب : اَي همزين كملت المحاضرة لان كولش تعبت وراسي أحسه راح ينفجر 🤯
فاطمه : اَي والله حتى اني كولش تعبانه
هدى : خرب هاي شبيكم اليوم جنكم عجايز بس تعبانين
صفا : اني عن نفسي كولش جوعانه الى درجه
البنات : اَي والله احنه هم كولش جوعانين
زينب : يلا بنات استعجلو راح يجي احمد ( السائق ) بسرعه ياقوم
هدى : زينب شبيج اليوم مستعجله عيني 😉شعندج ولج تضمين علينه حيوانه 😀
البنات : اَي والله ولج زينب أفندي شعندج اليوم بس تريدين تطلعين هاهاها😉😂
زينب : عابتلكم شكد تفكيركم طايح حضه 😒ولكم والله جوعانه ونعسانه وتعبانه وراسي وعيوني احسهم دينفجرن بعد يلا عاد استعجلو شكد فاهيات رحمه للكعبة
صفا : اني كملت بقت بس هدى الي معطلتنه دائما
فاطمه : اني هم كملت يلا ولج هدى خرب بيومج شكد فاهيه
هدى : اَي والله افتهمت خلص هاهيه كملت والله خبصتوني متخلون الواحد يلم اغراضه عدل 😤
زينب : يلا احمد وصل امشو خل نطلع
البنات : يلا
زينب : المهم بعد مرور وقت وصلت للبيت وهنا كانت الصدمة 😳😳
احمد : بنات عدكم بعد محاضره اليوم لو هاي اخر وحده
هدى : لا هاي اخر وحده اليوم
احمد : تمام ........زينب وصلنه يلا انزلي
زينب : اَي لحضه دااخذ غراضي ..... بس لحضه هاي شنو السيارات والناس شكو خير شصاير مليان الفرع زلم
احمد : والله ماادري بس ماكدر انزلج بباب البيت لان كومه سيارات وناس بس هذوله شيوخ وكذا وياهم اسلحه ديري بالج دنكي وأمشي ومعليج بيهم اني ما اگعد انزل وياج اوصلج للبيت لان مثل متعرفين الوالده بالمستشفى ولازم اوصلكم بسرعه وأروح اشوفه لو مو الوالده جان نزلت وصلتج لباب البيت اصلا تمام
زينب :سلمنه ع الوالده وان شاء الله ماعده غير العافية تمام باي ياقوم ☺️
احمد : الله يسلمج يوصل باي
صفا : باي حب يلا ادعبلي لان كولش جوعانه اريد اروح للبيت وديري بالج
زينب : عابت ام بطن 😂 تمام حب
زينب : نزلت ولگيت الفرع مليان زلم وشيوخ وعگل وبيدهم اسلحه خفت خاف صاير شي لان اجواء الفرع موطبيعيه المهم تصرفت وكأنو شي عادي وماكو شي يخوف طبيت للفرع و مدنگه راسي بس اسمع الكل يصيحون وصلت لمكان بعد ما اكد أفوت الا همه يبتعدون ....... اخي لو سمحت ممكن تبعد شويه حتى ادخل للبيت هنا جان الكل يندارون عليه لان همه واگفين كدام بيتنه
مهدي : خويه بلازحمه خلي تفوت تعالي زوز ( مهدي يكون ابن عمي وابن خالتي بنفس الوقت وبگدي هو )
زينب : دنگت ودا افوت للبيت جان واحد صاحلي
الشيخ : بويه تعالي شويه يمي عندي حجي وياج
زينب : 😳😳 واباوع لمهدي انه شنو اروح لو لا
مهدي : باوعت لزينب شفته انصدمت و شنو رجال غريب يكوللهه تعاي احجي وياج فباوعت لعمي واخوته اشرولي انه حتى تجي لان عيب اذا متجي لان هذوله شيوخ عشائر المهم كلتله زينب روحي شوفي شنو يريد واني وياج
زينب : مهدي شبيك تخبلت شعندي اروح احجي ويه واحد غريب مااعرفه وإذا اخوتي افتهمو يطيحون حظي غير خوب ماكو شي شبيك احجي
مهدي : خلص زينب ترا اخوتج موجودين وهمه اشرولي عيب روحي احجي ويا وشوفي شيريد واني وياج خلص شبيج
زينب : 😕 تمام
الشيخ : تعاي بويه مو دااحجي وياج ترا مرح ناكلج بس اسئلج كم سؤال
زينب : السلام عليكم
الشيخ : وعليكم السلام بنيتي .... انتي منو وشنو اسمج وشيصرلج هذوله الشباب الكاعدين
زينب : عمو اسمي زينب وهذوله اخوتي
الشيخ : اها لعد وين جنتي طالعه لحد هسه برا البيت
زينب : جان عندي محاضره
الشيخ : انتي طالبه شنو بويه
زينب : طالبه سادس أحيائي عمو
الشيخ : الله يوفقج بويه وتجيبين المعدل الي تريدي
زينب : شكرا عمو اني اترخص
الشيخ : لا بنيتي عندي بعد حجي وياج
زينب : تفضل عمو
الشيخ : زاد فضلج بنيتي ..... انتي مثل متعرفين احنه عشائر وعدنه قوانين خاصه بينيه
زينب : اسفه ع المقاطعة عمو بس اني شدخلني بقوانينكم
الشيخ : اصبري بنيتي هسه شويه شويه تفتهمين لتستعجلين ابد المهم مثل ماكلت عدنه قوانينه الخاصه فمثل متعرفين ابن عمج دعم ابنه وابنه مات والصوج كوله ع ابن عمج وهو هم اعترف بهذا الشي والشرطة هم كالو هوه الصوج بي ف احنه گلنه نحله عشائر و بلا شرطه ومحاكم
زينب : 😳😳😳بس لحضه عمو شنو حادث شنو ابن عمي ومنو منهم والبقية بحياتكم عمو ان شاء اخر الاحزان بس اريد اَي احد يفهمني لان اني اول مره اسمع هل شي وثانياً شوكت مسوي حادث ومنو من ولد عمي 🤨
