هلوز ياقوم شلونكم ان شاء الله تمام رجعنه من جديد وياكم بالقصه بس ان شاء ما اتأخرت عليكم مثل كل مره 🙂 شلونه الحجر وياكم حلو لو ملل وضوجه وشلون مخلصين الحجر المنزلي بالنسبه الي اكل ونوم وفون ومسلسلات وافلام احلى شي والله 😅 وهسه خل نرجع للقصه 😊
زينب : المهم همه يحجون ويصيحون واني عفتهم رحت اكل لان اذا اضل يمهم اموت جوع خل اكل احسن من المشاكل 😂 موبيدي ام بطن احب اكل وخصوصا البجي يستاهل اكل وما اضوج نفسي 😅😅 و بعدين الكل راحو واني رحت لغرفتي بدلت وگعدت اعتني بشرتي وشعري لان راح اروح وبعد مادري شنو يصير ويايه 😕 واني من النوع الي احب اعتني بنفسي كولش فبعد ما كملت كولشي وسبحت رجعت لغرفتي و أخذت الفون شفت بي شويه وراهه اجاني اخويه بس بالگوه حابس الدمعه و اصلا مبين باجي بس ميريدني اعرف 🥺
زينب : تعال حياتي ابو خدود 🙂
محمد : حبيبي اريد احجي وياج بموضوع 😔
زينب : تمام گول شنو عندك مودايتي حبيبي 😊
محمد : 😢 زنوبه تدرين اني شگد احبج وما اقبل اَي شي يصيرلج واني وياج شگد متعلقين ببعض
زين الي تحب احد تعوفه هيج 😢 زين اني وياج شنو متفقين مو منفترق مو نحقق احلامنه سوه مو تصيرين احسن دكتوره واني وياج نسافر نكمل دراستنه بالخارج ليش وافقتي جنتي تگدرين متوافقين اني مو گلتلج معليج بيهم ولتوافقين ليش هيج بلحظه هدمتي مستقبلج واحلامج وطموحج هيج ببساطه گدرتي تتخلين عن كولشي حتى عني وعن صديقاتج وعائلتج ومستقبلج الي انتي هاي السنه سادس وكون تطلعين طبيه ليش هيج سويتي دمرتي نفسج ومستقبلج وحياتج والي يحبوج 😭😭😭
زينب : 😭😭🥺 حياتي خلص ترا اني تخليت عن كولشي علمودكم والله علمودك انت حياتي علمود ميصير بيكم شي لا سمح الله لو يصير بيكم شي اني اموت وراكم والله 😭😭😭 شعندي غيركم اني بعدين اهم شي انتو عايشين الباقي مو مهم وبالنسبة للدراسه ان شاء الله يطلع زين ويخليني اكمل وأصير احسن دكتوره و بعدين معقوله اني أتخلى عن مودايتي حبيبي ابو خدود اكيد لا ما اگدر أتخلى عنه ولان ما اگدر أتخلى عنك سويت هذا الشي علمود احميكم وأنهي السالفه تدري باجر عگبه اذا اني مجنت موافقه شنو جان يصير جان راحو كومه أشخاص ما الهم ذنب جان نسوان ترملت وأطفال تيتمت جان حتى انتو بعد ما أشوفكم ومن غير الكل يضلون يدعون عليه و بسبب انانيتي جان فقدتكم بس الحمد الله اني مو أنانيه والله جان متت وراكم 😭😭😭😭 حياة إنسانه وحده تدمر ولا تدمر حياة الكل بسببي 😭
محمد : تمام حبيبي خلص بعد لتبجين ترا والله فطرتي كلبي من حبستج للعبرة طلعيه وارتاحي 😔😔
زينب : 😭 تمام خلص بعد ما ابجي 😤 وهسه گوم خل نسوي فد شي لو نشوف فلم مادام ماباقيلي غير كم يوم خل نتونس بيهن اني وياك 😊 وخلص بعد ما أريدك تبجي ولا تخلي احد غيري يشوف هل الدموع تمام لو تمام 🙂
