هلوز ياقوم رجعنه من جديد وياكم طبعا كولش اسفه واعتذر ع الانقطاع الي صار بس جنت كل هاي الفتره كولش مريضه و الكلى مالتي كولش وضعه مو تمام ف اعذروني لان كولش هواي تأخرت عليكم وهم صادفت عندي دراسه وامتحانات اونلاين ف كولش اسفه واعتذر عن الانقطاع الي صار لمده طويله وان شاء الله اعوضكم بالأيام الجايه اني أتمنى اخلصلكم القصه بأسرع وقت حتى متملون من الانتظار ومثل متعرفون الواحد اكثر الأحيان تحكمه الظروف والمرض شي منكدر نجاوزه الا بعد فتره من العلاج
لهذا ان شاء الله بس يصير عندي فراغ انشر بارت بأقرب وقت ممكن وبس يلا نرجع لقصتنه ☺️
امير : مثل متعرفون طلعنه الشرطة من الموضوع و صارت الشغله بين العشاير المهم الموضوع طول شهر وآخر شي شيخ العشيرة الثالثة ( الطرف المصلح بين العشيرتين ) اقترح انه ناخذ فصليه ومثل متعرفون اني طالب طب ومثقف وواعي يعني ماقبلت بهل شي اساسا و اخوتي هم ماقبلو و والدي أيضا نفس الشي بس ماكو غير حل وكالو منو الي راح يأخذ الفصليه طبعا اخوتي مقبلو واني هم مقبلت أبدا بس اخر شي والدي كال انت تأخذ الفصليه واني شكد حاولت واقنع بيهم لان شنو ذنبه هي ابن عمه دعم اخويه وهي ينهدم مستقبله بس اخر شي والدي اصر ع كلامه انه اني اللي أخذ الفصليه وطبعا والدي شيخ عشيره واله مكانته وكلمته وميصير اعارضه مادام قطع النقاش من الأخير و گال كلمته الأخيرة وإذا حجيت أو عارضت كلامه راح تكون أبداً موحلوه لا بحقي ولا بحق والدي لان حاضرين ناس كباريه وشيوخ عشائر ف هذا الشي بوقته يكون عيب اذا عصيت كلامه گدام الحاضرين المهم جنت ناوي اعامله احسن معامله واخليه تكمل دراسه و ما أخليه طول العمر يمي گلت فتره وارجعه لاهله
ملاحظه اني مجان عندي اَي علاقه لان شفت گدامي هواي واني من نوع اللي ما احب النسوان بسبب مشاكلهم ودوختهم ونفاقهم المهم
رحنه بيت البنيه سوينه گعده بيتهم لان لازم بعد تفض الشغله لان وصلت حده المهم واحنه گاعدين نحجي ويتفاوضون شيوخنا المهم من شوف غير ملاك يمشي ع الگاع من الجمال من البياض لابسه بشت وشال طالعه تجنن ما اوصفلكم جماله جماله خرفي بحياتي مشايف هيج جمال
سبحان من خالقه ع هل جمال اللي شايلته أنوب صارت الشمس ع عيونه خرب صارت عيونه تذبح ذبح 🥺 جانت تمشي ومدنگه راسه بعدين من گالت للولد انه يبتعدون حتى تفوت للبيت بويه شلون صوت عليه يعجبك بس تضل تسمعه لهل صوت 🤤 بعدين شفته تحجي ويه ولد من اهل الفصليه ضليت اشوفه ليش دتحجي ويا بعدين رادت تطب صاحله والدي و عرفت اسمه زينب صدك جمال ماكو منه المهم من ضل والدي يحجي وياه هي مدنگه بعدين عرفت هي هاي الفصليه گلت والله وحظك ي امير اول مره يطلع حلو 🥺😅 المهم من گعدت لان والدي طلب منه هل شي ومن گلله فصليه وشوهاي التزمت والدي حاصل فاصل طلعت ام لسان 😳 بس اني الج 😏
حجيت عليه شو ردت الكلمه بعشره طلعت ادبسسز تجاوب ومتخاف من اكبر واحد وگلبت الشغله علي ومن وراه والدي حجه علي گدام الكل وبوقته ردت الزمه اگطعه ع هل لسان وشلون گلبت السالفه علي بس بيني وبينكم ترا الي حجته ويه والدي كوله صح بس اني ما احب احد يتجاوز حدوده وخصوصا دتحجي ويه شيخ عشيره كون تكون حذره بكل كلمه تگوله وهي ابد ماقصرت استلمت الكل حاصل فاصل بس اني الج الا اراويج شي بحياتج مشفتي الا اخليج تتندمين ع الساعة الي اجيتي بيه وصرتي فصليتي الا أدبه ع هل لسان الطويل هاي هيج حجت وهي بعده ماعرفت منو الفصليه هاي لو عرفت شنو راح تگول😤
المهم من عرفت اول شي ضحكت وأخذته استهزاء وگلتله عيد مسمعت وراه من عاد عليه الحجي كوله توقعته راح تضعف وتبجي وتتوسل بس بالعكس ضلت تباوع بعيون والدي وهي كوله تحدي نظراته وبينت گدام الكل انه هي قويه وشلون اخوته حاولو يخفون الموضوع عنه بس بالأخير انكشف كولشي بس هم مسكتت گلتلكم هاي ام لسان الي يگعد وياه يضيع 😂 المهم بعد مرور فتره من الوقت من النقاشات إلحاده متوقعته توافق بس وافقت وصدمتني وفوكَ كل هذا أجت تتشرط هلا هلا هسه دخلتي لملعبي يعني ماكو شروطه هي والحايط ماكو فرق المهم عرفت هي تريد تصير دكتوره تجميل وعجبني هل شي بيه بس تحلفتله الا أربيه من جديد ع هل لسان وگلت بيني وبين نفسي أضل اختبره الى ان اقنع وارجع أسجله مدرسه بالبصره الى ان اشوف لسانه تعدل وگامت متجاوب ولسانه شطوله مال گص 😡😤
واتفقنا انه يوم السبت ناخذه المهم رجعنه للبصره بس زينب شغلت بالي ما ادري ليش بس افكر بيه وبكلامه لان صدكَ كلامه منطقي وصح بس عصبت لان شلون عدهه الجرئه هيج تحجي ويه شيوخ عشائر ترا شي مو سهل انه الواحد يجي ويحجي هيج گدامهم وباعتبار بين السطور بكلامه استهزاء بعقليتهم واني هذا الشي الي عصبني كولش 😡😤
