اندگت باب غرفتي من الصبح ساعة ٦:١٥ اني بسابع نوومة ولا حاسة بشي ولا عبالك عندي امتحان احياء
ماما.. ليال كومي يمة عدج دوام يلا
ليال وهي مطفية.. اممم هسة
.. افف كمت واني غافية كوة امشي طبيت للحمام بالكوة غسلت وجهي وفرشت سنوني طلعت من الحمام رحت اطلع ملابس المدرسة يبو ونبي مالي خلك ضليت اسوحل بنفسي الا ان انتبهت للساعة لكيتهة ساعة ٦:٣٥ يبوو كمت اررركض طلعت هدومي عل سريع ولبست لميت شعري كبة عل سريع وحتى خصلات نزلت بس ما شلتهة ماكو وكت رأسا لبست شال شمرتة عل راسي صدك اني ما كلتلكم اني متحجبة غصب عني مو بيدي تعرفون بعد بيت شيوخ ف مااهتم للحجاب كلش حت لو تنزل خصل.. حطيت عطر عل سريع وطلعت من الغرفة نزلت جوة لكيت الكل كاعد عل ميز الطعام وحاطين الريوك ومنتظريني
ليال.. صباح الخير
الكل.. صباح النور
مرت عمي(شيخة).. يلا حبيبتي كعدي اكلي
ليال.. ولله خالة متاخرة حيل
بابا.. ميخالف يبوية كعدي اكلي لكمة
ليال.. حاضر
... كعدت يم سارة اكلت شوي جبن وخيار وجاي شربت ربع استكان واسمعهم مخبوصين بسالفة الشيخ اسد والشيخ اسد رح يجي
كلت لسارة (بصوت ناصي)..هو شوكت يجي
سارة.. اليوم ولج عل غدة تلكي بالبيت
ليال.. صدك
سارة.. غير انتي نايمة ورجليج بالشمس
ليال.. دسكتي لج اني حايرة بضيمي الاحياء
سارة.. وشكو مهتمة مو رح تبطلين السنة الجاية يعني حت لو ترسبين عادي لان مرح يخلونج تدخلين كلية
ليال.. اهوو كلامج يسد النفس اروح احسن لي، اموري تكدر توصلني
امير..اي يابة جاي جاي سبقيني للسيارة
ليال..اوكي مع السلامة باي
الكل..الله وياج
..طلعت للكراج و لحكني امير فتح السيارة صعدت بيهة وهو همين صعد
امير وهو يخزرها..ليال هاي شنو الكحلة
ليال.. يبووو نسيت امسحهة همزين ذكرتني جان المديرة مسحت بية الكاع انطيني كلينسة
امير.. هاج
.. اخذت الكلينسة واباوع بالمراية وامسح المهم مسحتهة
امير.. انتي شكو حاطتهة اصلا
ليال.. البارحة من سبحت حطيتهة ونسيت امسحهة باليل تعاجزت
حرك السيارة بسرعة لان تاخرت ساعة ٧:١٠
بعد ١٠ دقايق وصلت وقبل مانزل امير كالي
امير.. ترا بال ١١ اجيج اطلعج تعرفين رح يجي الشيخ اسد وخطية البنات من هسة دينظفن ف لازم تساعديهن
ليال.. اوكي حبيبي
امير.. وصلتهة للمدرسة وكلتلهة اجيج بال١١ لان رح يجي الشيخ والبنات هم يحتاجن احد يساعدهن وصيتهة ونزلت من السيارة طبت للمدرسة واني حركت
ليال.. طبيت للمدرسة شفت اماني
(اماني هي صديقتي المقربة من الطفولة ومو بس صديقتي اختي هم احچيلهه كل اسراري وهي كذلك)
ليال.. هلا امونة شلونچ مشتاقتلج حيوانة
اماني.. ولج البارحة شفتيني شوكت لحكتي تشتاقين 😂
ليال.. دولي هو انتي مال واحد يغازلج
اماني.. ههههه منو جابج اليوم للمدرسة
ليال.. اموري
اماني.. شعجب ماشفتة
ليال.. اهااا كولي اريد اشوفة لان مشتاقتلة
اماني..اااا نجبي لج منو هيج كال
ليال.. ولج من عيونچ مبينة واكعة بغرامة احجي مو اني اختج الثانية
اماني.. بس عليچ الله لا تكوليلة ولا تلمحيلة بشي اني احبة واموت علية من زمان بس اعرف هاي احلام تافهة ومرح تتحقق
ليال.. وليش ما تتحقق اني هم حاسة بي يريد يشوفچ حتى من وصلني ضل يفر براسة بس ما لكاج
اماني.. صدككك
ليال.. اي ولله
اماني.. وشنو الفايدة اهلج ميقبلون احد يتزوج غريب لازم كلة كرايب
ليال.. ولج انتي بعدج ما تعرفين امير زين امير اذا يريد شي يسوي غصب عن الكل وميهمة احد
اماني.. هسة الله كريم امشي للصف دك الجرس وعدنة امتحان
ليال.. اووك
