كنت ارسم دوامات سوداء حولي تعزلني
عن العالم ، وكان يحمل مِمحاةً معه دوماً 💙
-
سارة.. يلا حب اني رح اروح اكمل البانية والتمن خاف احترك هههه
ليال.. ههههه اوك حب روحي ، طلعت سويرة ضليت اگلب بالفون ملييت حيل بعدين صفنت كلت ليش كل البنات عدهن فيس و انستكرام اني كلشي ماعندي بس واتساب وفايبر اليوم اكول ل اسد يسويلي شنو اني اختلف عن البنات كمت لبست شالي و طلعت من غرفتي رحت لغرفة ماما دگيت الباب كالت ادخل طبيت لكيتهة تجهز بجنطة سودة حجمهة وسط هي مو مال سفر بس مال سفرات او طلعات حاطة بيهن شوية هدوم واحتياجاتهم مال الزيارة كلتلهة .. ماما شوكت تطلعون من البيت
ام ليال.. العصر يمة لان الطريق طويل وترة اماني رح تجي يمنة بالبيت اتفقنة وي اهلهة عل خطوبة وكلشي واقترحنة عليهم انهو يجون ويانة للزيارة و همة وافقوا
ليال.. يي خوش حتى نسويلنة سهرة هههه ،،، نزلت جوة للمطبخ لكيت سارة وياسمين يحضرن بالغدة ويسولفن سويت احححم وطبيت كلتلهم بنات اليوم تجي يمنة اماني
سارة.. يي بعد احسن
ياسمين.. اي حتى نسويلنة سهرة هههه
ليال.. ايي ،، طب اسد راد مي رحت انطيتة اشو يباوعلي صفح مادري شبي اني شمسوية كالي يوم الاحد اعقد عليج والخميس الحنة الجمعة العرس افتهمتي كتلة اي بس بداخلي كلت اهوو ياربي الموعد كلش قريب ومااكدر اجادلة سكتت ورحت كعدت بالاستقبال ماكو احد كعدت وضليت صافنة بحضي اوف ماريد اندب بحضي يمكن الله ضاملي شي ورا هذا الزواج اجت سارة
سارة.. لولو حياتي الغدة جاهز يلا امشي
ليال.. اي اي جاية ، كمت رحنة كلنة كعدنة عل ميز خلقتي انگلبت اكل شوية والعب بالاكل شوية
اسد.. شبيييج ليال شكوو ما تاكلين
ليال.. عزة بعيني فززني كتلة لاا بس صفنت يربي شبي وياي مادري شكو معقولة ضايج علمود درجتي بالامتحان كمت كلش ضجت منة غسلت ايدي وصعدت فوك طبيت لغرفتي ورگعت الباب الا شوية وتنزل دموعي شمرت الشال وكعدت عل جرباية نزلن دموعي وحدهن ما احس الا غفيت من كثر البچي كعدت على صوت هوسة شوية وسوالف كمت لكيتهة ساعة ٥ العصر غسلت وجهي ونزلت اني وعل درج شفت اسد ضل خازرني خفت منة ردت اوخر جر ايدي وصعدني ويا كتلة شكو ميجاوبني طببني لغرفتة وسد الباب
اسد.. شبيجججج انتيي شكووو (بعصبية)
ليال.. كمت ابچي...
اسد (وهو يعلي وينصي بصوتة).. بابااااا لااا تبچييين اكبررري شويةةة اعقلي اذاا احدد صاحح بيج گبل تبجين شنوو السالفة انييي اليوم ارريد افتهمم شصايرر وياج ما تطلعيين من الغرفة اذا ما تحجيلي شبييج
ليال.. جرني كعدني على جربايتة وكالي يلا احجي كتلة شحجييلك ما تفهمنيي انتو شتردددون مني فهمني ماااريدكم عوفوني بحالي انتووو مو عائلة انتوو غضب الله مادري منين جابلياكم ليشش اني مو مثل البنااات فهمني ليش اني داخلل قووس دائما هنة من يتجمعن ويسولفن كل وحدة تكول شي عن اهلهة يميزهم او شلوون مدلليهة ليش اني من افكر واصفن ما الكةةة شي بعائلتكم حلو تغصبوني ما اكملل دراسة وغير هذاا من جان عمري ١٢ سنة جابولي واحد يرريد يخطبنيي ويزوجني عبالك داعشيي لحيتةة شطولهة تدرري اني هرربت من المدرسة من ورة هاي السالفة تدرري لو لا ولكوني بالگوة تعررف انتة بعمر ال١٤ واحدد من ولد عمي ناهي علية ومن عرف بجيتك انسد الموضووع وغيرر رأييةة
(هنانة اعصابي انهارت بشكل مو طبيعي طلعت كل الي بگلبي والي خانگني)
