ليال.. كملت عشة كمت شلت المواعين وساعدتهم البنات كالو همة يغسلون مواعين لان اني سويت العشة وسارة هم ساعدتني ف كلت خل اصعد اقرا واشوف اماني دازتلي الواجبات لو لا اليوم ابد مشايفة فوني صعدت لكيت الشيخ يفتر وميعرف يا هي غرفتة ويستحي يطب لغرفة وتطلع مال وحدة من البنات كلتلة.. شيخ تدور عل شي
الشيخ.. اححم اا لا
ليال.. اوك براحتك، مشيت وعفتة الظاهر يستحي يكولي وين غرفتة! 😹 رحت لغرفتي شفت الفون رح ينفجر من الشحن بي ١٠٠% اخذتة وطفيت الشاحن لكيت ٥٧ رسالة بس من اماني مدري شبيهة طبيت عل مسجات لكيتهة دازة الواجبات و تسألني على امير يمة فدوة شكد كيوت هذولة ان شاءالله اني ازوجهم بيدي 😹💔 واكسر قوانين هاي العائلة المتخلفة خابرتهة وسولفت وياهة صارت ساعة ب ١١ بالليل سديتة منهة وطلعت الكتب مالتي وكعدت اقرا طبعا اليوم خميس وباجر جمعة بس اني مااحب اكوم الدراسة كلهة عل سبت وفوكاهة احنة مخبوصين باسد
الشيخ اسد.. ماكو مفر خل اروح اسأل ليال عل غرفتي الي مادري ياهي لكيت الباب مال غرفتهة مردودة وهي كاعدة بلا حجااب اويليي ولابسة دشداشة گصيرة طالعة گمر والشعر شطوولة استغفرالله هاي اني وين رحت دكيت الباب
ليال.. اندكت الباب بس لمحت الغترة والهيبة والوكفة مالتة احس رجفت يبو اكيد الشيخ اسد لبست شال وصار على شعري وعلى چتفي كلت تفضل وكلبي يريد يطلع من مكانة
اسد.. كالت تفضل ف كلتلهة اكدر افوت
ليال.. تعال شيخ
اسد.. فتت وضليت صافن عل كتب واخيرا لكيت بنية بالعشيرة كاعد تدرس كلهن مبطلات وجايفات حتى نسيت موضوع الغرفة كلتلهة انتي بعدج تدرسين مو عمرج ١٨.
ليال.. رجفت من كالي هيچ عبالي رح يبطلني من هسة كتلة ااي ص صح بس اني قنعت بابا وجدو وهمة م يرفضولي طلب بس كالو هاي اخر سنة الج واني كلش خايفة اكيد رح يبطلوني
اسد.. ابتسمت بوجهة وكلتلهة زين انتي شاطرة
ليال.. اي ولله شاطرة بس همة ميردوني اكمل
اسد.. لا رح تكملين مادام اني موجود
ليال.. شكد فرحت من هيج كال كلت صدك
اسد.. اي صدك طبعا
ليال.. وعد
اسد..ضحكت وكلتلهة وعد ووعد شيوخ همات
ليال.. شكرا شيخ ولله ماعرف شكولك بس اكيد جدو مرح يقبل اني ادري بابا يقتنع بسرعة بس شلون جدو
اسد.. كتلج خليهة علية، بس صدك اريد اسألج اني ما الي غرفة؟؟
ليال.. حشة ننام بالطرمة ونفرغلك غرفة
اسد.. ههههههه لا صدك دا اسألج
ليال.. غرفتك بصف غرفة حسين صايرة عل يمين بالنهاية اخر باب هي غرفتك والي بصفهة غرفة حسين
اسد.. اوكي، تصبحين علا خير
ليال.. وانتة من اهل الخير، طلع وسد الباب اني كلبي يدك سريع كلش خايفة من ردة فعل جدو بس اكيد الشيخ رح يأثر عليهم يرربي اريد اكمل دراسة هاي امنيتي االوحيدة
اسد.. طلعت من غرفتهة ورحت للغرفة الي كالت عليهة طبيت لكيتهة نظيفة ومرتبة واثاث جديد وحلو طبيت وسديت الباب رحت طلعت هدوم ورحت للحمام اسبح وانام لان ميت من التعب
