عمتي تعيط وتبجي وتصيح اريد ابني اريد ابني ساعات اجوي رياجيل هواي وصار مصايح وعسيرتنه هم اجوي وصار جدال كلش قوي عمتي واكفه ورا الباب تسمع وتبجي والي سمعته لو ينطون فصل 200مليون لو تصير دم عمتي تبجي وتصيح بالاخير فضو العالم اجه عمي يغلط على مرته ويفشر اني ماحجيت ولا فتحت حلكي بس صافنه عليهم
ابو سامه...بس حل واحد
ام اسامه...سو كلشي سوو اربد ابني اريده
ابو اسامه...نطيهم مريم فصليه
مريم...شنوو لا مستحييل اروووحح فصليه مستحيل شنو ذنبي اني شنو ذنبي ابنكم انتم تحملو ماحس غير اجاني راشدي من عمي ابو اسامه بس عمي الثاني وكف كدامه
حسين...ماتستحي انتتته تضربهاا
ابو اسامه...تروح فصليه وغصبآ عليها
مريم...والله ماروووحح انتوو موبكيفكم مارووح عفتهم وصعدت للغرفه ابجي اجتي مرت عمي دفرت شبعتني كتل
ام اسامه...غصبآ عليج ترحين
مريم...والله مارووحح هوا ابنكم وانتم شيلوو همه شنو ذنبي اني هاا شذنبي
ام اسمه...باجر ترحين
مريم...دفعتني وراحت جابت جنطه وكامت طلع بغراضي وتخليهن بالجنطه واني اتوسل بيها وابجي اخذت كل غراضي وطلعت ضليت للصبح ابجي صارت هوسه وعياط وبالاخير قبلو ياخذوني فصليه اجه عمي واني اتوسل بي ضربني وكال تحضري حيعقد عليج ابنهم اني تخبلت بلكوه عمتي وكفتني وعقد عليه اجه عمي شمرني عليهم واني ابجي واتوسل بيهم جرني واحد من ايدي وصعدني السياره والطريق كله ابجي
قائد...كافيي خرا تبجين
مريم...اني سكتت باوعت عليه نفسه الي اردتمت بي بالشارع انصدمت هوا هم فتح عيونه على وسعهن...
قائد...عمري32سنه ظابط بالجيش العراقي عندي اخوان2 عمر عمره 21سنه طالب كليه وادم عمره 27سنه صيدلاني واخت1 مها عمرها26سنه ممزوجه وامي عايشه والدي عايش وعمي ويانه بيت بيتنه كلش جبير عمي ومرته وابنه كرار متزوج وبنته اسير ممزوجه عمرها ١٩سنه المهم مواصفاتي حنطي لون عيوني اسود طولي190 عصبي وحادكلش بطبعي وكلمتي تمشي على الاكل المهم...جنت كاعد خابرني صديقي طلعت من البيت اتمشى لبيتهم اردتمت ببنيه كتلها ثول ماتشوفين هيه جاوبت ورديتلها بعدها هزت ايدها ومشت رحت لصديقي بالكوفي كعدنه نركل للعصر رجعت للبيت وكلعاده وكل الامهات يلحن حته نتزوج
ام قائد...ولك يمه شوكت اشوف جهالك بحضنك
قائد...يمه شايله همي قابل بعد موهسه
ام قائد...شوكت يابعد امك شوكت
قائد..يمه كتلج عن قريب وسدي الموضوع عفتها وصعدت للغرفه اخذت شاور وطلعت كعدت بالاستقبال صبو عشا وكعدنه نتعشا كملت عشا وصعدت للغرفه نمت...
