ماحجت شي احس بالم مو طبيعي....
ام قائد...ها بنيتي شلون صرتي
مريم...خاله حموت فدشي ديحرك بيه وجع ماتحمل
ام قائد...اي حبيبتي هذا خياط...تعالي شلون صار هيج
مريم...حجيتلها كلشي وحته على اسير كتلها هيه ماحجت شي ساعدتني حتى اكوم من كمت حسيت روحي انقبضت بس ماعرف شلون رجعت وصلتني السياره واني ميته بوجعي وبقهري وين اكو هيج بنيه تعيش نفس حالتي والله راح اموت وينك بابا تعال شوف بنتك جاي يصير بيها وصلنه البيت نزلت نمت بالكاع وهوا نام فوك من الوجع كمت ابجي بس بصوت خاف ولازمه المخده واعصر بيها من الوجع طر الفجر واني كاعده ماكدرت انام شفته كعد
قائد...كعدت الفجر حتى اصلي شفتها كاعده وعيونها مورمه صحت بيها...هيي شكو لهسه منايمه
مريم...اسئل نفسك كله بسبب هيج سويت بيه اليل كله واني اون من وراك
قائد...احترمي نفسج وهذا شي قليل بحقج عفتها وكمت توضيت وصليت رجعت لكيتها تبجي عفتها وطلعت ملابسي العسكريه لبستهن وطلعت للدوام جانت منطقتنه كلش خطره ف انجبرت اضل هناك اكثر من شهر وكومه شهداء راحو دائما اني اكون بالمقدمه وامي ابد متوقفت بس تتصل اربعه وعشرين ساعه حتى اخويه عمر وابويه بس يتصلون اطمنهم على الاوضاع مر هل شهر باعجوبه ورجعت للبيت شفت مريم جاي تنضف بالمطبخ بس شلون صايره ضعفانه ومصفره اجتي امي للمطبخ من شافتني وكع من ايدها الكلا واجتي تحضن وتبوس بيه اني بوستها ونولت على رجليها بوستهن وكمت سلمت على الكل ورحت للغرفه دخلت للحمام اخذت شاور ورحت مددت عل السرير بس خليت راسي نمت....
مريم...طلع هوا وكعدت ابجي على حالي شوكت اخلص من هلعيشه ياررربي موتني وخلصني منها اجه هوا لبس ملابسه وطلع لدوامه اني نزلت كعدت بالمطبخ والوجع يقرض بكلبي بال7كلهم كعدو بديت اسوي ريوك وهمه كعدو تريكو وطلعو لدواماتهم صرت مكفخه جواهم طول شهر واني متعذبه اكل قليل كلش واسير وامها يوميه انكتل منهن شكد عاط بيهن عمي وعمتي ومها بس ميفيد حتى رجلها يكللها مخبله حاطه عقلج ويه طفله وكم مره اسير ابوها ضربها بس ماكو اي نتيجه شهر كامل واني اون واتمنى الموت من الي اشوفه منهن جنت انضف شفت قائد دخل للبيت انصدمت بي كلش متغير شكله كملت تنضيف وصعدت للغرفه شفته نايم دخلت للحمام سبحت وطلعت مديت فراش بالكاع عمتي انطتني ونمت...
قائد...كعدت العصر شفتها نايمه ...هييي كوميي
مريم...فزيت على صوت شفته قائد...يعني ابد ماتغير اسلوبك
قائد...لزمتها من زندها قوي وكتلها...شكلتي ماسمعتج
مريم...لا انت تسمعني كلش زين مليت واني انضرب بكل ضربه اتمنى الموت اني شنو ذنبي ذنبي اتحمل خطآ وغلط اني مامرتكبته على شنو اتحمل هلشي ترا والله جاي اموت ومحد يحس بالمي كااافي كااافي مليتت والله مليت
