#مشاعر_مراهقات#الحلقة_6 💖
.
.
.
.
.
.
.
سبحان من جعل سعادتي في وجودك 😴 ❤️
.
.
.
.
.
.
.
.
نسرين تحكي مع سمر ((بنت خالتها))سمر ؛؛ مش مشكلة توا نساعدك بيش تقدري تحكي معاه و هكي توا ندبرلك المواقف ما تخافيش 👍
نسرين؛؛ ازك لي تهبلي ❤
كانت شروق ((بنت خالة نسرين اللخرا )) مصبية و سمعت كلامهن
شروق ؛؛ انا اصلاً كنت حاسة ان في حاجة بين زياد و بين نسرين 😡
سمر خطمت من جنبها 😒 و عدت لـ شغلها و شروق تفكر كيف تخرب الموضوع عليها
شروق ؛؛ نونو قلبي ❤
نسرين طبعاً ما تعلمش بـ نية شروق
نسرين ؛؛ نعم ؟شروق ؛؛ لمي معاي المطبخ 😍
نسرين ؛؛ ok 😍
شروق توتي في سفرة الشاهي ؛؛ زيووود زياد
زياد جا قالب وجه ؛؛ شن تبي؟
شروق بدلع ؛؛هاا كنك معصب عليا
زياد ؛؛ كنك ؟
شروق ؛؛ هاك سفرة الشاهي ❤
زياد خذاها منها و طلع و نسرين متعقدة بس ما بينتش أنها اضايقت قدام شروق لأنها ظنت أنها حركة عفوية بس 👍
_______________________
نبأ مقمعزة في دارها و تسمع في باتها قالب الدنيا برا يهزب و يعارك عشان رن على تلفون امها رقم غريب 💥
نبأ :
حي عليا هذا لو عرف بقصة علاء توا يبطلني و يدير فيه شي حاجة يا ربي شن اندير ؟ ازعما نسيبه ؟حطت نبأ راسها على مخدتها و فكرة تجيبها و فكرة توديها نين فكرت أنها تسيبه و هو لو يحبها حـ يجي و يطلبها من بوها رسمي ✋
و هكي الاحسن أنها تبعد عنه لأنه محمد " اب نبأ " فعلاً لو شك مجرد الشك في انها دايرة علاقة من وراه أفعاله مش مضمونة شن حتكون و يمكن يأذي علاء 💔 و هذا أكثر شي خوفها 😱😱الساعة 1:30 ظهراً ثاني يوم :
نبأ تفكر و سارحة طول الوقت و مهمومة و الكل انتبه لأن نبأ شخصية مرحة و تحب الكلام و الهدرزة لكن اليوم هذا كانت مختلفة
صباح ام نبأ ؛؛ نبـــــأ !
نبأ ؛؛ هممم 🙁
صباح بصوت ام حنون ؛؛ كنگ متغيرة مريضة ؟ فيك حاجة ؟
نبأ ؛؛ لا لا ما في شي
صباح ؛؛ قوليلي...
نبأ ؛؛ نعم ؟
صباح ؛؛ قصة حب فاشلة ؟
نبأ انصدمت و وجها قعد حمر
نبأ؛؛ لا لا يا ماما مش هكي غير راسي يوجع فيا شوي 😶
أنت تقرأ
مشاعر مراهقات
Randomلـ توتي الحاسي تحكي عن بنت في سن المراهقة و كيف تعرفت على حب حياتها من خلال صدفة غريبة و كيف انقلب الموضوع عليها و حـ نتعمق في حياتها المدرسية و حـ نتكلم عن صديقاتها و كل وحدة و حياتها الخاصة القصة مقتبسة عن قصص حقيقية