#البنت_عار🙆🔥🔥
#الحلقه التاسعه✨
طلعت كبايه بنشرب اميه وحسيت بيد انحطت ع كتفي
انا"بـخوف": شيل يدك عني حول
ايمن"فعيونه نار": واخيراً شفتك
انا"نبكي": ياحقير دير قدر الأمك ع الاقل ميته ماطقتش 24 ساعه
ايمن بدا يقرب مني ويقرب وانا نرجع للخلف لعند مازرني ع ساس
وفجأه القيته حضني ويبكي بقوه
انا قعدت ساكته ونحاول ندف فيه
ايمن"بصوت مبحوح": ماعش عندي حد فدنيا معش عندي حد مافيش سبب يخليني نعيش غيرك
انا"بعصبيه": حول بنطلع حول 😠
دفيته وطلعت نخذ فنفس بالقوه ونفكر ليش دار هكي زعما موت خالتي بيغيره وجعني كانه كان محتج شخص يطبطب عليه يقوله شنو فيك ...بس مستحيل ننسى الماضي
قطعت تفكيري صوت اسماء..
اسماء: هيا بنمشو الحوش نجيبو ملابسنا نقعدو هنا اسبوع العزاء
انا"بعد تفكير": لا انا ح نروح ونجيكم بكره مانقدرش نقعد هنا
اسماء: امي ماتخليكش اتباتي بروحك بعدين مانسيتش لك الكف اللي عطيتيه ليا
انا: اسماء مش وقت تخفيف دم نبي نمشي الحوشنا ولا بنمشي العيت جدي
اسماء"شهقت": كيف تمشي يابنت خلاص هوا حدث ةمشى في حاله راه ماتحطيش فس بالك انك فيوم من لأيام بتسكني في هذك الحوش!!
انا"بـ هزوه": ماعلى الله صعيب خلق العزاز يابال قسمهم😂🔥
اسماء"بجديه": بلاش اهبال هيا
انا: وكان قتلك عندي حجه قويه جداً😋
اسماء:نقولك اجليها لوقت لاحق😒
انا: بديتي تفهمي فجوي ايوا خليك تتعلمي مني كم يوم ونعطيك شهادة تقدري تعطي بيها دروس في الحناطه😌✨
اسماء: اللهم طولك ياروح هياا
ركبت انا واسماء مع ايمن والمره هذي ما درش اي لقطه اما مروه قعدت مع امي وبعد شوي وصلنا للحوش
اول ماجينا شفنا باب الصور مفتوح
ايمن: هليكن نشوف الحوش قبل مرات فيه حد خش ايمن يشوف ونحن قعدات برا
عجبتني لقطت كيف خايف علينا حسيته فيه شي متغير
اسماء"بستغراب": ليش الباب مفتوح
انا: يمكن امي نسيه عليه🤔
خشينا جوا القينا الحوش كله مقلوب ع بعضه
انا: اوه لا انه سارق ..الذهب المجوهرات وين😳🤔
اسماء"بعصبيه": عطك مايسرق عمرك امتى تبي تكبري بس وقت بصاره الحوش كله مقلوب ع بعضه... طلعت اسماء للجيران تسأل فيهم
اما انا رقيت الداري القيت دولابي كله ع لأرض
انا: يحسبو لدي مجوهرات ثمينه ..توا من بيطبق الدولاب عطهم عذاب😭
انا"بصوت عالي ":يا اسماء
ايمن جى بسرعه
ايمن"بخوف": كنك شنو في😠
انا"بعدم اهميه": لا شي بس مالقيتش حيط اللي ملقطته م البحر 😭
ايمن"ببرود": اهذك قعدت في الفازو ..وحاولي اتقللي من هرمون التفاهه شوي
انا"بجديه": عارف انا مع ناس كلها نضحك الا معك جرحتني جرح كبير صعب يبرا... تفاهتي عباره عن زعل ووجع بس الله غالب شنو بندير نكمل عمري مسكه مخدتي ونبكي؟!... ارجوك معش بنشوف وجهك ورحمة خالتي خطاني
ايمن"بوجع": وعد من راجل ماعد تشوفيني ..بس ح يجي يوم وتقولي نبي ايمن
انا"ببرود اعصاب": لو انت دواء للموت تاكد يا ايمن مش ح نطلبك ..
أنت تقرأ
البنات عار 🔥 ( روايات ليبية )
عاطفيةللكاتبة : لينا المنفي تدور حول معناة 4 بنات و امهم في زمن كانت المراة فيه عار .... رواية تحمل ..حب..تشويق..انتقام...فما مصيرهم ؟
