⛵ سلسلة اركب معنا ⛵
🔅الحلقة الأولي🔅
يلا بينا نبدأ في إصلاح بعض الأخطاء اللي معظمنا بيقع فيها وللاسف اشياء عظيمة ومش حاسين بعظمتها.. يلا نبينها واحده واحده وتصلح قلوبنا..
👌 حلقتنا الأولي مع سوء الظن واللي كتيييييييير بيخسروا بعض بسببه وطبعا من أكبر أبواب الشيطان عشان يفرق بين الناس ..يلا نبدأ بالأسباب..
_ فلانة كلمتها ومردتش عليها #قليلة الآصل ده أنا كل ما بتكلمنى برد عليها على طول ومبتأخرش عنها..
_ فلان بعتله رسالة شافها ومردش عليا #بينفضلي ابن التيييييت..
_ كان فرحى ومعبرتنيش و #مقدرتنيش ومجتش كل ده عشان الهدية يعنى مكنتش عاوزة منها حاجه..
_ كنت تعبان ومجاش سأل فيا بس أنا متعود منه على كده ملوش غالي..
_ أصل أنا وأنا مروحة قالتلى مع السسسسسلامة اتكت على #السين..
_ يا عم ده بيصلي نفاق ،، البت دى بتتكلم ف #الدين ومش بتنفذه..
الخ الخ الخ من سوء الظن بالناس مبنفكرش أن ممكن يكون عندهمـ ظروف صعبة بيمروا بيها ومش لازمـ يكتبوا #تقرير للناس عن حالتهمـ الاجتماعيه ممكن يكونوا بيمروا بفترات #ضيق وخنقة ومش طايقين يتكلموا مع حد ولا قادرين يسألوا على حد " عادى بتحصل " وممكن يكونوا هما اللى تعابنين ومحتاجين اللى يسأل عليهمـ مش هما اللى يسألوا ..... ياااااااه شوف قد إيه إحنا وحشين بقي
*✅شوفوا كلامـ سيدنا النبي صلي الله عليه وسلمـ "إياكم والظن؛ فإن الظن #أكذب الحديث، ولا تحسسوا،ولا تجسسوا، ولا تنافسوا، ولا تحاسدوا، ولا تباغضوا، ولا تدابروا، وكونوا عباد الله إخوانًا...".*
👌طيب بايدك تتغير وتساعد نفسك على حسن الظن
أيوة أعمل ايه يعنى انجز ؟!
*الدعاء الرسول عليه الصلاة والسلامـ كان بيسأل #ربنا أنه يرزقه قلباََ #سليماََ،*
*حط نفسك مكان غيرك ساعتها هتقدر موقفه وهتحس بيه وهتراعي ظرروفه شوف كلامـ ربنا بيقول إيه : "لولا إذ #سمعتموه ظن المؤمنون والمؤمنات بأنفسهمـ خيراََ ".*
*خليك مدرك أن الكلامـ ممكن يحمل أكتر من معنى يعنى السين اللى هى اتكت عليها يا #ابتسامـ ممكن تكون من كتر حبها فيكي مش أكتر.. !*
*سيدنا عمر بن الخطاب كان دايماََ يقول : "لا تظن بكلمة خرجت من أخيك المؤمن #شرًّا، وأنت تجد لها في #الخير محملاً"،*
▫الامامـ #الشافعى كان مريض فراحله بعض الناس عشان يسألوا عليه فاقله واحد : قوى لله ضعفك فقاله الشافعى لو قوى ضعفى لقتلنى فقاله الراجل والله ما أردت إلا #خيراََ فالآمامـ قاله : أعلم أنك لو #سببتني ما أردت إلا الخير يعنى حتى لو شتمتنى فأنت مش قصدك إلا خير برده،
*إلتمس لغيرك العذر الصالحين كانوا بيقولوا التمس لآخيك #سبعين عذراََ احنا طبعاََ ماشاء الله هو عذر واحد ولو وصلنا للتانى بنبقي حاسين نفسنا ملايكة بجناحات بترفرف ... قال #ابن_سيرين رحمه الله : إذا بلغك عن أخيك شيء فالتمس له عذرًا ، فإن لم تجد فقل: لعل له عذرًا #لا_أعرفه.*
*أخر حاجه بقي وهى متزكيش نفسك على حد ومتحكمش على نوايا حد عشان ربك هو اللى يعلمـ بـ #النوايا.*
👈وخد بالك ربنا سبحانه وتعالى قالنا ايه :
*" فلا تزكوا أنفسكمـ هو أعلمـ بمن اتقي"*
وقال كمان :
*"ألمـ تر إلى الذين يزكون أنفسهمـ بل الله يزكى من يشاء ولا يظلمون فتيلاََ "*
*يعنى مـ الآخر متحكمش حد هو كويس ولا وحش ومتشوفش نفسك أحسن من حد عشان ممكن يبقي أحسن منك عند #ربنـــا..*
*ولسه مكملين معكم في حلقات واصلاحات قبل شهر الرحنات .. فكونوا من المستغفرين وكونوا معنا..*
➖➖➖➖➖
#اركب_معنا
#روائع_السلاسل_الإسلامية
