⛵ سلسلة اركب معنا ⛵
🔅الحلقة الرابعة 🔅
الآباجورة دى حرامـ التليفزيون ده حرامـ
هتخشوا #النار يا كفرة .. يا واااااد يا مؤمن .. يا بت يا مؤمنة
وده بقي موضوع حلقتنا النهاردة ==>> #النصيحة..
في 3 حالات للنصح 2 غلط وطريقة واحده هى اللى صح
تعالوا نشـــــــــوف ...
1) كائن بيوإحباطى كل هدفه فى الحياة أنه يقلل من شأن اللى حواليه تحت مسمى #بنصحهمـ وطبعاََ ده مش بس أسلوبه هو اللى وحش لآ و #نيته كمان أوحش .. ربنا يعافينا منهمـ..
👈_ النوعية دى لما بتيجي تعدل من غلط حد وتنصحه بتكره اللى بيتنصح في نفسه وفيه وبتخليه #يعند ويزداد سوء ..
2) انسان نيته خير وعاوز فعلاََ يغير من اللى قدامه ويساعده بس للأسف أسلوبه وحش معندوش #ملكة التعامل مع الناس ونصحهمـ ..
👈_ النوعية دى مبتأثرش في اللى حواليها بيبقي كلامهمـ ملوش أى تلاتين لزمة بس نيته #بتشفعله عند اللى قدامه وبتخليه يتقبله لحد ما
3) انسان بيفهمـ الشخص اللى قدامه كويس وبيتعامل معاه بطريقته وبأسلوبه بيوصله #النصيحه بشكل مهذب جميل يساعده على التغيير مبيقللش منه لآنه عارف أن كل بنى آدمـ خطاء .. فاهمـ أن مش كل الكلامـ ينفع مع كل الناس بتفرق من حد للتانى سنه وطريقة تفكيره واعتقاداته وده أكتر انسان بيكسب اللى حواليه وبيحقق هدف #النصيحه على أكمل وجه..
🔅 #الخلاصة ...
*لو عاوز تنصح حد افهمـ الآول أنت بتتعامل مع مين علشان تقدر تحدد طريقه النصيحه تبقي إزاى يعنى #مثلاََ مينفعش نروح لواحدة بتلبس من غير هدومـ ونكلمها عن الطرحة الكبيرة أو #الخمار لازمـ نبدأ معاها من مستواها علشان تعلى واحده واحده .. مينفعش تروح لحد #مبيركعهاش أصلاََ وتقوله صلي قيام الليل طيب مش لما يصلي الفرض الآول ,, مينفعش تروح لناس عايشه حياتها كلها علاقات في علاقات حرام وتقولهم الحب الحلال طيب يا عم خليه يركز ف واحده بس الاول*
*_ وخلى أسلوبك مهذب يحبب اللى بتكلمه في اللى أنت بتقوله عليه وتحببه فيك كمان ويسمحلك أنك تساعده .. ربنا سبحانه وتعالى بيقول " فبما رحمة من الله لنت لهمـ ولو كنت #فظاََ غليظ القلب لانفضوا من حولك فاعف عنهمـ و #استغفر لهمـ " آل عمران*
*هتقولى أنا مش #متشدد هما اللى متساهلين أوفر وأنت مين علشان أنت اللى تحكمـ متساهلين أو لآ ومين أنت علشان تحاسبهمـ عندك كلمة طيبة قولها معندكش الزمـ #الصمت لآن كل كلمة هتتقال بطريقه غلط هتأثر عليهمـ بالسلب*
🌅 #حدوتة..
سيدنا ابراهيم عليه السلام لما جه ينصح أبوه اللى كان #كافر واخدين بالكم هه كاااااااافر قاله ايه ؟ " سلام عليك سأستغفر لك ربي "
يعنى مشتمش ولعن فيه بقي ماهو كافر وكلامه بطريقه وحشه لآلآ كان مدرك أنه بيتعامل مع أبوه يعنى لازم يحترمه مهما كان أبوه مذنب وكان بيطلب من ربنا أنه يهديه و #يغفرله..
🌻هو ده أدب النصيحة .. ده الشكل اللى يرضي ربنا سبحانه وتعالى.. مبتعرفش تنصح اكتفي بالدعاء وخليك فاكر " إنك لا تهتدى من أحببت ولكن الله يهدي من يشاء "
طلب :) محتاجة تقييمـ منكمـ للسلسه وطريقه السرد ونقاط القوة والضعف علشان نحسن من اللى جاى ان شاء الله ^_^
➖➖➖➖
#اركب_معنا
#روائع_السلاسل_الإسلامية*
