ماذا أقرأ ؟

كليوباترا

#كليوباترا
#أيمن_أبو_الروس

من سلسلة شخصيات لا ينساها التأريخ (كليوباترا)ملكة مصر الحسناء التي خضع أمامها حكام روما الأقوياء

منو هي كليوباترا؟
هي ملكة مصرية من أصول بطلمية  حكمت مصر تقريباً 20 سنة من (30-51) ق.م
أنولدت سنة69ق.م
لأب بطلمي من حكام مصر  أسمة بطليموس الثاني والي تزوج كومة نسوان ومو  متأكدين المؤرخين من (كليوباترا السابعة) بنت اي زوجة من زوجاته بس اكثر الاخبار تأكد ان هي بنته من أخته والي اسمها ريفينيا الملقبة بكليوباترا الخامسة (أي چان عدهم عادي يتزوجون من خواتهم 🥴) وهالعادة أكتسبوها من الفراعنة ...

نرجع لصاحبتنه الملقبة بكليوباترا السابعة

للعلم ترا اكو 20كليوباترا🌚💔😂
من مات أبوها جان عمرها 19 تزوجت اخوها اي اخوها🙄الأصغر منها ب 9سنوات
وهنا تعرفت ع يوليوس قيصر وعاشت وياه قصة حب وجابت منه طفل سمته قيصرون
وگدرت تكون أمبراطورية مصرية عظيمة هددت روما بكبرها😯
وصارت عشيقة لأكبر حكام روما الي هو يوليوس قيصر  ومن بعدها حاول اخوها الي هو زوجها يتخلص منهه بس ما گدر وامرت يوليوس قيصر يقتله بس گدر يشرد😁وأكو معلومات تگول لكته تالي وكتلته واكو معلومات تگول مات غرق

تالي مات اخوها تزوجت اخوها الثاني الاصغر😂💔وهالحجي هي مكبلة بس هذا اخوها حباب يعني متهمة السلطة مو مثل ذاك چان كاتل نفسه حتى يتخلص منهه
وجانت اختها هم طامعة بالسلطة ورادت تقتل كليوباترا  بس فشلت وكليوباترا هي الي كتلتهه
المهم تالي يوليوس قيصر اعترف بأبنه من كليوباترا بوصيته بعد ما مات ..
هالفترة مرت روما بحالة عصيبة وفقر كلش قوي ما يگدرون بدون دعم كليوباترا الهم وهي چانت تدعمهم طبعاً مقابل يخلوها ملكة مصر ومحد يحتل بلادها (مصالح دول)

هنا طلع القائد والفارس الشجاع أنطونيو
من شاف كليوباترا كلش انعجب بيهه وهي هم لذا عاشو قصة حب كلش حلووه وجابت منه تؤم بنت و ولد ،و ولد واحد

يعني صارو عدها 4أطفال
المهم أختل توازن الأمور وبدت تسوء
جماعة انطونيو گلبو عليه لانه تأثر بجمال مصر وبكليوباترا وصار يقضي معظم وقته بالشرق
فصارو يگولون خاين ومدري شنو الخ...

خاصة ان اوكتافيوس اخو زوجة انطونيو گلب عليه وصار ينافسه حتى ياخذ لقب بطل روما وهمين چان مقهور منه لان عاف اخته وأطفالها وصار يمضي وقته ويه كليوباترا
ومو بس هيج. لا لا  أنطونيو قدم روما بكبرها مهر لكليوباترا 😳😂

تالي يا فرحة ما تمت صارت حرب كلش قوية وانتصر اوكتافيوس على انطونيو وجانت الهزيمة كلش صعبة ع كليوباتراوانطونيو
من  حسو. راح ينتهي كلشي قررو ينتحرون كل واحد وحد
انطونيو انتحر بس كليوباترا اخذها أوكتافيوس رهينة لروما حتى يهينهه
وقتلو أطفالهه كلهم😢🥺💔
اختها واخوها هي قتلتهم
وهي يقال بالنهاية انتحرت بسم الحية🐍
وهنا أنتهى حكم البطالمة الي أستمر 300عام (هذول لزگة اكثر من جماعتنه🌚😂)

وخلصت القصة  أقرو الكتاب كلش يخبل بي هواي معلومات ما ذكرتهن بس ماكو مجال 😂
المهم اني حبيته

انطي5/5⭐️⭐️⭐️⭐️⭐️