كذبة ابريل ( روايات ليبية )

حلقة 8🔥

#ﻛـﺬﺑﺔﺓ_ﺇﺑـﺮﻳﻞْ 🍃
#ﺭﻭﺍٓﻳﺎﺕ_ﺃﻧﺜﻰ_ﺷﺮﻗﻴﺔﻩ 💚
<< ﺍﻟﺒﺎﺭﺕ ﺍﻟﺜﺎﻣﻦ //
ﺭﻛﺒﺖ ﺁﻻﺀ ﻭ ﺭﻧﺖ ﺍﻟﺠﺮﺱ ﻭ ﻓﺘﺤﻠﻬﺎ ﺧﺎﻟﻬﺎ
ﻣﺼﻄﻔﻰ << ﺃﻫﻲ ﺟﺖ ﺍﻟﻌﺮﻭﺱ
ﺁﻻﺀ << ﺧﻴﺮ ﻱ ﺧﺎﻟﻮ
ﻧﺠﻮﻯ << ﻡ ﺗﺤﺮﺟﻬﺶ ﻋﺎﺩ
ﺁﻻﺀ << ﻋﻠﻴﻚ ﺟﻮ ﺍﻧﺖِ ﻭ ﺧﻮﻙ ﺩﺍﻳﺮﻳﻨﻪ !
ﻣﺼﻄﻔﻰ << ﺗﺤﺸﻤﻲ ﻳﺎ ﻓﺮﺧﻪ ﻋﻠﻴﻚ ﺟﻴﻞ ﻣﺎ ﺗﻠﻘﻲ ﺍﻻ ﺍﻟﻠﻲ ﻟﺴﺎﻧﻬﺎ ﺃﻃﻮﻝ ﻣﻨﻬﺎ
ﻧﺠﻮﻯ << ﺧﺸﻲ ﻏﻴﺮﻱ ﺍﺩﺑﺸﻚ ﻭ ﺗﻌﺎﻟﻲ ﻋﺸﺎﻥ ﻧﺤﻜﻮ
ﺁﻻﺀ << ﻓﻲ ﺷﻦ ﺑﻨﺤﻜﻮ ؟ ﻣﺎﻣﺎ ﻓﻜﻴﻨﺎ ﻛﺬﺍ
ﻣﺼﻄﻔﻰ << ﺍﻣﻚ ﺗﺒﻲ ﻣﺼﻠﺤﺘﻚ
ﺁﻻﺀ << ﻣﻌﺮﻭﻓﻪ ﻣﺼﻠﺤﺘﻲ ﻣﻊ ﻣﻦ
ﻣﺼﻄﻔﻰ << ﻣﻊ ﻭﻟﺪ ﻧﺎﺟﻲ ؟ ! ﺍﻟﻠﻲ ﻛﻞ ﻳﻮﻣﻴﻦ ﺩﺍﻳﺮ ﻣﺸﻜﻠﻪ ! ﺍﻧﺖِ ﺻﺪﻗﺘﻲ ﻗﺼﺔ ﺍﻧﻪ ﻛﺎﻥ ﻣﺴﺎﻓﺮ ؟
ﺁﻻﺀ << ﻛﻴﻒ ؟؟ ﺷﻦ ﻗﺼﺪﻙ ؟؟
ﻧﺠﻮﻯ << ﻣﺼﻄﻔﻰ
ﺁﻻﺀ << ﻣﺎﻣﺎ ؟؟ ﺷﻦ ﻓﻲ ؟ ﻳﻌﻨﻲ ﺍﻳﻤﻦ ﻭﻳﻦ ﻛﺎﻥ ﻣﺜﻼ ؟
ﻣﺼﻄﻔﻰ << ﻛﺎﻥ ﻣﺤﺒﻮﺱ ﻭ ﻟﻮ ﺗﻌﺮﻓﻲ ﻋﻠﻴﺶ ﻣﺤﺒﻮﺱ ﺑﺲ
ﻧﺠﻮﻯ << ﻣﺼﻄﻔﻰ ﺧﻼﺹ
ﻗﻌﺪﺕ ﺁﻻﺀ ﻣﺼﺪﻭﻣﻪ ﻭ ﺗﺒﻲ ﺗﺴﺘﻮﻋﺐ ﺍﻟﻠﻲ ﺗﺴﻤﻊ ﻓﻴﻪ
ﻣﺼﻄﻔﻰ << ﻣﺶ ﻛﺎﻥ ﻛﻨﺖ ﺳﺎﻛﺖ ﻣﻌﻨﺎﻫﺎ ﻋﺎﺟﺒﻨﻲ ﺍﻟﻮﺿﻊ ؟ ﻫﺬﺍ ﻣﺶ ﻗﺎﺩﺭ ﻳﺤﺎﻓﻆ ﻉ ﺭﻭﺣﻪ ﻛﻴﻒ ﻳﺒﻲ ﻳﺤﺎﻓﻆ ﻋﻠﻴﻚ ؟ ﺑﻌﺪﻳﻦ ﺣﺘﻰ ﺷﻐﻠﻪ ﻣﻠﺰﻭﺯ ﻣﻨﻪ ﻛﺎﻥ ﻣﺶ ﻋﺎﺭﻓﻪ
ﻧﺠﻮﻯ << ﻣﺼﻄﻔﻰ ﻗﺘﻠﻚ ﺗﻮ ﻧﺤﻜﻲ ﻣﻌﺎﻫﺎ ﺍﻧﺎ ﻟﻴﺶ ﻫﻜﻲ
ﻣﺼﻄﻔﻰ << ﻋﺎﺭﻓﻬﺎ ﻩ ﺗﻀﺤﻚ ﻋﻠﻴﻚ ﺑﻜﻠﻤﺘﻴﻦ ﻛﻴﻒ ﻣﺎﻫﻮ ﺿﺎﺣﻚ ﻋﻠﻴﻬﺎ ، ﺑﻌﺪﻳﻦ ﺍﻟﺮﺍﺟﻞ ﻋﻄﻴﺘﻪ ﻛﻠﻤﻪ ﻭ ﺑﻜﺮﺍ ﻳﺠﻲ ﻳﺪﻳﺮ ﻣﻘﺎﺑﻠﻪ
ﺁﻻﺀ << ﺭﺍﺟﻞ ﺷﻦ ؟ ! ﻛﻨﻜﻢ ﺗﺤﻜﻮ ﺑﺎﻷﻟﻐﺎﺯ ؟ ! ﺑﻌﺪﻳﻦ ﻛﻴﻒ ﻣﻠﺰﻭﺯ ﻭ ﻫُﻮَ ﻛﻞ ﻳﻮﻡ ﻳﻤﺸﻲ ﻟﻠﻌﻤﻞ
ﻣﺼﻄﻔﻰ << ﻳﻜﺬﺏ ﻋﻠﻴﻚ ! ﻭ ﺍﻟﺮﺍﺟﻞ ﺍﻟﻠﻲ ﺟﺎﻱ ﺻﺎﺣﺒﻲ ﻭ ﻧﻌﺮﻓﻪ ﻣﻦ ﺯﻣﺎﻥ ﻭ ﺷﺎﻳﻔﻚ ﺍﻛﺜﺮ ﻣﻦ ﻣﺮﻩ ﻭ ﺟﺎﻱ ﻣﻦ ﺍﻟﺒﺎﺏ ﻟﻴﺶ ﻧﺮﻓﻀﻮ ؟
ﺁﻻﺀ << ﻣﺎﻣﺎ . ! ﺍﺣﻜﻲ ﺍﻱ ﺣﺎﺟﻪ ؟؟ ﻛﻨﻚ ﺳﺎﻛﺘﻪ ؟ ﻣﻮﺍﻓﻘﻪ ﻉ ﺍﻟﻜﻼﻡ ﻫﺬﺍ ﺍﻧﺖِ ؟ . ﻭ ﺍﻳﻤﻦ ﻳﺎ ﻣﺎﻣﺎ ؟؟
ﻣﺼﻄﻔﻰ << ﺍﻧﺎ ﺍﻟﻠﻲ ﺗﻮﺍ ﻗﺎﻋﺪ ﻧﺤﻜﻲ ، ﻭ ﻛﺎﻥ ﺑﺎﺗﻚ ﻋﺎﻳﺶ ﺭﺍ ﻛﺎﻥ ﻣﻌﺎﻳﺎ ﻑ ﻛﻞ ﻛﻠﻤﻪ ﻗﻠﺘﻬﺎ ، ﺑﻌﺪﻳﻦ ﻣﺶ ﻣﺘﺤﺸﻤﻪ ﺗﻘﻮﻟﻲ ﻓﻲ ﺍﺳﻤﻪ ﻗﺪﺍﻣﻲ ؟
ﻗﻌﺪﺕ ﺁﻻﺀ ﺳﺎﻛﺘﻪ ﻭ ﺗﺒﺤﺖ ﻓﻲ ﺃﻣﻬﺎ
ﻣﺼﻄﻔﻰ << ﻉ ﺍﻟﻌﺼﺮ ﺑﻜﺮﺍ ﺗﻜﻮﻧﻲ ﻭﺍﺗﻴﻪ ! ﺗﺴﻤﻌﻲ ﻓﻴﺎ !
ﻧﺠﻮﻯ << ﺧﻼﺹ ﻩ ﺗﻜﻮﻥ ﻭﺍﺗﻴﻪ
ﺧﺸﺖ ﺁﻻﺀ ﻟﺪﺍﺭﻫﺎ ﻭ ﻗﻌﺪﺕ ﺗﺒﻜﻲ ، ﺧﺬﺕ ﻧﻘﺎﻟﻬﺎ ﻭ ﺍﺗﺼﻠﺖ ﺏ ﺷﻤﻮﻉ
ﺷﻤﻮﻉ << ﺍﻟﻮ
ﺁﻻﺀ << ﺷﻤﻌﻪ
ﺷﻤﻮﻉ << ﺷﻦ ﻓﻲ ؟؟ ﻛﻨﻚ ﺗﺒﻜﻲ ؟ !
ﺁﻻﺀ << ﺗﻌﺎﻟﻲ ﺗﻮﺍ ﺑﺴﺮﻋﻪ
ﺷﻤﻮﻉ << ﺟﺎﻳﻪ ﻫﻲ ، ﻋﻤﺘﻲ ﻓﻴﻬﺎ ﺣﺎﺟﻪ ؟ !!
ﺁﻻﺀ << ﻻﻻ ﺑﺲ ﺗﻌﺎﻟﻲ
ﺷﻤﻮﻉ << ﻫﻴﺎ ﻫﻲ
ﺳﻜﺮﺕ ﺷﻤﻮﻉ ﻭ ﺭﻛﺒﺖ ﺗﺠﺮﻱ ﻭ ﻓﺘﺤﺘﻠﻬﺎ ﻧﺠﻮﻯ
ﺷﻤﻮﻉ << ﻭﻳﻨﻬﺎ ؟؟ ﻭﻳﻦ ﺁﻻﺀ ! ؟
ﻧﺠﻮﻯ << ﻓﻲ ﺩﺍﺭﻫﺎ ، ﻛﻨﻚ ؟
ﺷﻤﻮﻉ << ﻻ ﺷﻲ ﻧﺒﻲ ﻧﺴﺄﻟﻬﺎ ﻉ ﺍﻟﻮﺍﺟﺐ
ﻧﺠﻮﻯ << ﺧﺸﻲ ﺑﺎﻩ ﻛﻨﻚ ﻣﺼﺒﻴﻪ ﻫﻨﺎ
ﺧﺸﺖ ﺷﻤﻮﻉ ﺷﻮﺭ ﺩﺍﺭ ﺁﻻﺀ ﻭ ﺍﻭﻝ ﻡ ﻭﺻﻠﺖ ﻓﻴﻬﺎ ﺍﺿﺒﻄﺘﻬﺎ
ﺷﻤﻮﻉ << ﻗﺴﻤﺎ ﺑﺎﻟﻠﻪ ﻭﻗﻔﺘﻲ ﻗﻠﺒﻲ ، ﺗﻲ ﺷﻦ ﺻﺎﻳﺮ ؟ ﻭ ﻟﻴﺶ ﺍﻟﺪﻣﻮﻉ ﻫﺬﻳﻦ ؟
ﺁﻻﺀ << ﻣﻦ ﻭﻳﻦ ﻧﺒﺪﺃ ﺑﺲ
ﺷﻤﻮﻉ << ﺁﻻﺀ ! ﻭ ﺭﺑﻲ ﻳﺠﻴﻚ ﻛﻒ ! ﺑﻄﻠﻲ ﺑﻜﺎﺀ ﻛﻨﻚ ﻫﻜﻲ ﺗﻘﻬﺮﻱ ﻓﻴﺎ !! ﻗﻌﻤﺰﻱ ﺑﺲ ﻭ ﺍﺣﻜﻲ ﻣﻦ ﺍﻻﻭﻝ ، ﺩﻭﺑﻚ ﻛﻴﻒ ﻭﺻﻠﺘﻲ ﺷﻦ ﺻﺎﺭ ﻋﺸﺎﻥ ﻫﺬﺍ ﻛﻠﻪ
ﺁﻻﺀ << ﺍﻭﻝ ﻡ ﺧﺸﻴﺖ ﻗﺎﺑﻠﻨﻲ ﺧﺎﻟﻮ ﻭ ﻳﻘﻮﻝ ﻋﺮﻭﺱ ﻡ ﻋﺮﻭﺱ
ﺷﻤﻮﻉ << ﻭ ﺑﻌﺪﻫﺎ ! ؟
ﺁﻻﺀ << ﺍﻟﻌﺮﻳﺲ ﺻﺎﺣﺒﻪ ، ﻭ ﻳﺒﻲ ﻳﺠﻴﺒﻪ ﺑﻜﺮﺍ ﻫﻨﺎ
ﺷﻤﻮﻉ << ﻭ ﺍﻳﻤﻦ ؟؟
ﺁﻻﺀ << ﺍﻳﻤﻦ ﻃﻠﻌﺶ ﻣﺴﺎﻓﺮ ﻣﺤﺒﻮﺱ ﻗﺎﻝ
ﺷﻤﻮﻉ << ﻳﻌﻨﻲ ﻛﺎﻥ ﻣﻌﺎﻳﺎ ﺣﻖ ﻟﻤﺎ ﻗﻠﺖ ﺷﻜﻠﻪ ﻃﺎﻟﻊ ﻣﻦ ﺍﻟﺤﺒﺲ ﻳﻮﻣﻬﺎ ! ؟
ﺁﻻﺀ << ﻭ ﻣﻔﺼﻮﻝ ﻣﻦ ﺍﻟﻌﻤﻞ ﺍﺧﺮﻩ
ﺷﻤﻮﻉ << ﻭ ﺍﻧﺖِ ﺷﻦ ﻗﻠﺘﻲ ؟
ﺁﻻﺀ << ﻣﺶ ﻋﺎﻃﻴﻨﻲ ﻓﺮﺻﻪ ﻭ ﻡ ﻳﺒﻴﺶ ﻳﻔﻬﻤﻨﻲ
ﺷﻤﻮﻉ << ﺑﺲ ﺍﻧﺖِ ﻭ ﺍﻳﻤﻦ ﻳﻌﻨﻲ ﻣﺶ ﻩ ﺗﺴﻴﺒﻮ ﺑﻌﻀﻜﻢ ؟
ﺁﻻﺀ << ﺗﻲ ﻧﺤﺒﻪ ﺍﻧﺎ
ﺷﻤﻮﻉ << ﺗﻮ ﺍﻧﺠﻲ
ﺁﻻﺀ << ﻭﻳﻦ ﻣﺎﺷﻴﻪ ! ﺧﻠﻴﻚ ﻣﻌﺎﻳﺎ
ﺷﻤﻮﻉ << ﻣﺶ ﻩ ﺍﻧﻄﻮﻝ ، ﻭ ﺍﻧﺠﻲ ﻧﻠﻘﺎﻙ ﺗﺒﻜﻲ ﺑﺘﺎﺧﺬﻱ ﻃﺮﻳﺤﻪ
ﻃﻠﻌﺖ ﺷﻤﻮﻉ ، ﻭ ﻣﺸﺖ ﺁﻻﺀ ﻟﻠﺤﻤﺎﻡ ﺗﻐﺴﻞ ﻓﻲ ﻭﺟﻬﺎ
ﻧﺠﻮﻯ << ﺧﻠﻴﻚ ﺗﻮ ﺗﺘﻐﺪﻱ ﻣﻌﺎﻧﺎ
ﺷﻤﻮﻉ << ﺷﻮﻳﻪ ﻭ ﺟﺎﻳﻪ
ﻧﺠﻮﻯ << ﺑﺎﻩ
/
/
/
ﻃﻠﻌﺖ ﺷﻤﻮﻉ ﻭ ﺩﻗﺖ ﻉ ﺍﻳﻤﻦ ﺑﺲ ﺍﻟﻠﻲ ﻓﺘﺤﺘﻠﻬﺎ ﺻﺎﻟﺤﻪ
ﺻﺎﻟﺤﻪ << ﺧﻴﺮ ، ﻫﺬﺍ ﻭﻳﻦ ﻛﻤﻠﺖ ﻣﻌﺎﻧﺎ ؟ ﺍﻳﺶ ﺗﺒﻲ ؟
ﺷﻤﻮﻉ << ﺧﻴﺮ ﻳﺎ ﻋﻤﺘﻲ ﻭﻳﻦ ﺍﻳﻤﻦ ؟؟
ﺻﺎﻟﺤﻪ << ﻓﻲ ﺍﻟﻌﻤﻞ ، ﺷﻦ ﺗﺒﻲ ﻓﻴﻪ ؟
ﺷﻤﻮﻉ << ﻋﻤﻞ ﺻﺎﺭ ؟ ﻛﺎﻥ ﻫُﻮَ ﻗﺎﻋﺪ ﺧﻠﻴﻪ ﻳﻄّﻠﻊ
ﺻﺎﻟﺤﻪ << ﻣﺶ ﻗﺎﻋﺪ ﻗﻠﻨﺎ
ﺷﻤﻮﻉ << ﺗﻲ ﻗﺒﻞ ﺷﻮﻱ ﻛﺎﻥ ﻟﻮﻃﺎ
ﺻﺎﻟﺤﻪ << ﻣﻌﻨﺎﻫﺎ ﻣﺎﺯﺍﻝ ﻟﻮﻃﺎ " ﻭ ﺭﻛﺐ ﺍﻳﻤﻦ ﻉ ﺻﻮﺗﻬﻦ "
ﺷﻤﻮﻉ << ﺍﻫﻮ ﺟﺎ / ﺍﻳﻤﻦ ﻧﺒﻴﻚ ﻑ ﻛﻠﻤﻪ ، 5 ﺩﻗﺎﻳﻖ
ﺻﺎﻟﺤﻪ << ﺧﺶ ﻧﺮﺍﺟﻮ ﻓﻴﻚ ﺑﺎﻟﻐﺪﺍﺀ
ﺍﻳﻤﻦ << ﺧﺸﻲ ﻭ ﺗﻮ ﺍﻧﺠﻲ
ﺻﺎﻟﺤﻪ << ﺍﻛﻴﺪﻩ ﻫﺬﻙ ﺩﺍﺯﺗﻬﺎ ، ﺧﺶ ﻗﺘﻠﻚ
ﺍﻳﻤﻦ << ﻗﻠﻨﺎ ﺗﻮ ﺍﻧﺠﻲ
ﺧﺸﺖ ﺻﺎﻟﺤﻪ ، ﻭ ﻛﺮ ﺍﻳﻤﻦ ﺍﻟﺒﺎﺏ ﻭ ﺳﻜﺮﻩ
ﺍﻳﻤﻦ << ﺷﻦ ﻓﻲ ؟
ﺷﻤﻮﻉ << ﻋﺎﺭﻓﺘﻚ ﻡ ﺗﺤﺒﺶ ﺗﺤﻜﻲ ﻣﻌﺎﻳﺎ ﻭ ﻻ ﺍﻧﺎ ﺭﺍﻩ ! ﺑﺲ ﺍﻟﻤﺮﻩ ﻫﺬﻩ ﻻﺯﻡ ﻧﺤﻜﻮ
ﺍﻳﻤﻦ << ﻧﺴﻤﻊ ﻓﻴﻚ ﺗﻔﻀﻠﻲ !
ﺷﻤﻮﻉ << ﺁﻻﺀ ﺟﺎﻳﻬﺎ ﻋﺮﻳﺲ
ﺍﻳﻤﻦ << ﻗﺎﻟﺘﻬﺎ ﻟﻴﺎ ﻭ ﺭﺑﻲ ﻳﻮﻓﻘﻬﺎ
ﺷﻤﻮﻉ << ﻟﻤﺎ ﺩﺯﺗﻠﻚ ﺍﻟﻤﺴﺞ ﻫﺬﻩ ﻛﺎﻧﺖ ﻛﺬﺑﻪ ﻣﻨﺎ ﻋﺸﺎﻥ ﺗﺘﺼﺎﻟﺤﻮ ﺑﺲ ﺍﻧﺖَ ﺧﺬﻳﺖ ﺍﻟﻤﻮﺿﻮﻉ ﺏ ﺑﺮﻭﺩ
ﺍﻳﻤﻦ << ﻛﺬﺑﻪ ؟؟ . ﻫِﻲَ ﺍﺻﻼ ﻃﺎﻟﻤﺎ ﺍﺗﺒﻊ ﻓﻴﻚ ﻩ ﺗﻘﻌﺪ ﺣﻴﺎﺗﻬﺎ ﻛﻠﻬﺎ ﻛﺬﺏ ﻛﻴﻔﻚ
ﺷﻤﻮﻉ << ﺍﻧﺖَ ﺍﺧﺮ ﻭﺍﺣﺪ ﻳﺤﻜﻲ ﻉ ﺍﻟﻜﺬﺏ ! ؟ ﻋﺮﻓﻨﺎ ﻛﻞ ﺷﻲ ، ﺑﻌﺪﻳﻦ ﻛﻴﻒ ﺃﺩﺱ ﺣﺎﺟﻪ ﻛﻴﻒ ﻫﻜﻲ ! ﻣﺤﺒﻮﺱ ﻭ ﺑﻼ ﻋﻤﻞ ؟ ﻭ ﺍﺗﻤﺸﻲ ﻑ ﺍﻟﺒﻨﺖ ! ؟
ﺍﻳﻤﻦ << " ﺗﻨﺢ ﺍﻳﻤﻦ ﻭ ﻗﻌﺪ ﻳﺒﺤﺖ ﻓﻴﻬﺎ " ﺁﻻﺀ !! ﺁﻻﺀ ﻋﺮﻓﺖ ﺏ ﺍﻟﻘﺼﻪ ! ؟
ﺷﻤﻮﻉ << ﺍﻫﺎ ، ﺧﺎﻟﻬﺎ ﻫُﻮَ ﺍﻟﻠﻲ ﺣﻜﺎﻟﻬﺎ ﻭ ﻫُﻮَ ﺍﻟﻠﻲ ﺟﺎﻳﺒﻠﻬﺎ ﻋﺮﻳﺲ
ﺍﻳﻤﻦ << ﻭ ﺁﻻﺀ ؟ ﻣﻮﺍﻓﻘﻪ ! ؟
ﺷﻤﻮﻉ << ﺗﻮ ﻛﺎﻥ ﻣﻮﺍﻓﻘﻪ ﻧﺒﻲ ﻧﺠﻲ ﻧﺤﻜﻲ ﻣﻌﺎﻙ ؟
ﺃﻳﻤﻦ << ﻳﻌﻨﻲ ﻣﺎﺯﺍﻟﺖ ﺗﺤﺒّﻨﻲ ! ؟
ﺷﻤﻮﻉ ?< ﺷﻦ ﺭﺃﻳﻚ ﺍﻧﺖ ! ؟
ﺍﻳﻤﻦ << ﺷﻦ ﻧﺪﻳﺮ ﺗﻮﺍ ﺑﺎﻩ ؟؟
ﺷﻤﻮﻉ << ﺍﺣﻜﻲ ﻣﻊ ﻋﻤﺘﻲ ﻧﺠﻮﻯ ! ﺣﺘﻰ ﻫﻲ ﻭﺍﺧﺬﻩ ﻣﻨﻚ ﻣﻮﻗﻒ ﻣﺶ ﻋﺎﺭﻓﻪ ﺑﺲ ﺷﻦ ﺍﻟﺴﺒﺐ
ﺍﻳﻤﻦ << ﺍﻟﻘﺼﻪ ﻑ ﺧﺎﻟﻬﺎ ﺗﻲ ﺍﻧﺎ ﻭﻳﺎﻩ ﻣﺶ ﻃﺎﻳﻘﻴﻦ ﺑَﻌﻀُﻨَﺎ ﺍﺳﺎﺳﺎ ﻱ ﺑﺎﻝ ﻋﺮﻑ ﺍﻟﻠﻲ ﺻﺎﻳﺮ ﻣﻌﺎﻳﺎ
ﺷﻤﻮﻉ << ﺑﺎﻫﻲ ﻟﻴﺶ ﻛﻨﺖ ﻣﺤﺒﻮﺱ ! ؟ ﺷﻦ ﺩﺍﻳﺮ
ﺍﻳﻤﻦ << ﻡ ﺩﺧﻠﻜﺶ
ﺷﻤﻮﻉ << ﺍﻟﻤﻬﻢ ﺍﻧﺎ ﻻﻧﻲ ﻡ ﻧﺘﺤﻤﻠﺶ ﻧﺸﻮﻑ ﺁﻻﺀ ﻫﻜﻲ ﺟﻴﺖ ﺣﻜﻴﺖ ﻣﻌﺎﻙ ، ﻭ ﻱ ﺭﻳﺖ ﺃﺩﻳﺮ ﺷﻲ ﻟﻘﻄﻪ ﻭ ﻡ ﺗﻘﻬﺮﻫﺶ
ﺍﻳﻤﻦ << ﺻﺤﻴﺘﻲ
ﺑﻌﺪ ﺷﻮﻳﻪ ، ﺭﺩﺕ ﺷﻤﻮﻉ ﻋﻨﺪ ﺁﻻﺀ ﻭ ﻏﻴﺮﺗﻠﻬﺎ ﺟﻮﻫﺎ // ﻓﻲ ﺍﻟﻌﺸﻴﻪ ﺩﻕ ﺍﻳﻤﻦ ﺍﻟﺒﺎﺏ ﻭ ﻓﺘﺤﺖ ﺷﻤﻮﻉ ﻭ ﺧﻼﺗﻪ ﻳﺨﺶ
ﻧﺠﻮﻯ << ﻣﻦ ﺍﻟﻠﻲ ﻳﺮﻥ !
ﺷﻤﻮﻉ << ﻫﺬﺍ
ﻧﺠﻮﻯ << ﻟﻴﺶ ﺟﺎﻱ ! ؟ ﺷﻦ ﺗﺒﻲ ؟
ﺍﻳﻤﻦ << ﻋﻤﺘﻲ ، ﻣﻌﻘﻮﻟﻪ ﺗﺒﻮ ﺗﻌﻄﻮ ﺁﻻﺀ ؟ ﻣﺶ ﻋﺎﺭﻓﺘﻴﻨﻲ ﻧﺒﻲ ﻧﺨﻄﺒﻬﺎ !
ﻧﺠﻮﻯ << ﻭ ﻗﺘﻠﻲ ﺍﻧﻪ ﺍﻣﻚ ﻣﺶ ﻣﻮﺍﻓﻘﻪ ﻭ ﺗﺒﻲ ﺗﻘﻨﻌﻬﺎ ؟ ﺑﺲ ﺍﻣﻚ ﺷﻦ ﺩﺍﺭﺕ ! ﺟﺖ ﻭ ﺳﻤﻌﺘﻨﻲ ﻛﻼﻡ ﻡ ﻳﻨﻘﺎﻟﺶ ! ﻭ ﺷﻦ ﺗﻘﻮﻝ ﺍﺧﺮﻩ ! ﻟﻮ ﺁﻻﺀ ﺍﺧﺮ ﺑﻨﺖ ﻣﺶ ﻩ ﺗﺄﺧﺬﻫﺎ ﻟﻚ ، ﻗﻮﻟﻠﻬﺎ ﻩ ﻳﺎﺧﺬﻫﺎ ﺍﻟﻠﻲ ﻩ ﻳﺼﻮﻧﻬﺎ ﻭ ﺍﻧﺖ ﻳﺎ ﺍﻳﻤﻦ ﻟﻮ ﺑﺘﻤﻮﺕ ﻉ ﺑﻨﺘﻲ ﻣﺶ ﻩ ﺗﺄﺧﺬﻫﺎ
ﻛﺎﻧﺖ ﺁﻻﺀ ﺍﻣﺼﺒﻴﻪ ﻭ ﺗﺴﻤﻊ ﻓﻲ ﺍﻟﻜﻼﻡ ﻭ ﺩﻣﻮﻋﻬﺎ ﻳﻨﺰﻟﻦ
ﺍﻳﻤﻦ << ﺑﺲ ﺍﻧﺎ ﺷﻦ ﺩﺧﻠﻨﻲ ! ﺍﻧﺎ ﻧﺒﻴﻬﺎ ﻭ ﺷﺎﺭﻳﻬﺎ ؟
ﻧﺠﻮﻯ << ﺍﻳﻤﻦ ، ﻃﻮﻝ ﻋﻤﺮﻱ ﻛﻨﺘﻲ ﻧﻌﺰﻙ ﻭ ﻧﻌﺎﻣﻞ ﻓﻴﻚ ﺗﻘﻮﻝ ﺍﻭﻟﺪﻱ ﻭ ﺩﻳﻤﺎ ﺟﺎﻳﻪ ﻑ ﺻﻔﻚ ﺿﺪ ﺁﻻﺀ ﺑﺲ ﺧﻼﺹ ، ﻭ ﺁﻻﺀ ﻋﻨﺪ ﺗﻮﺍ ﻡ ﺗﻌﺮﻓﺶ ﻟﻴﺶ ﻛﻨﺖ ﻣﺤﺒﻮﺱ ﺧﻠﻴﻬﺎ ﻭﺍﺧﺬﻩ ﺻﻮﺭﻩ ﻛﻮﻳﺴﻪ ﻋﻨﻚ
ﺍﻳﻤﻦ << ﺍﻟﻨﺎﺱ ﻛﻠﻬﺎ ﺗﻐﻠﻂ ، ﻭ ﻫﻲ ﻋﺎﺭﻓﻪ ﺍﻧﻲ ﻡ ﻧﺸﻮﻓﺶ ﻑ ﺣﺪ ﻏﻴﺮﻫﺎ
ﻧﺠﻮﻯ << ﺍﻧﺖَ ﻣﺶ ﻗﺎﺩﺭ ﺗﺼﺮﻑ ﻉ ﺭﻭﺣﻚ ، ﺑﺘﺼﺮﻑ ﻋﻠﻴﻬﺎ ﻛﻴﻒ ؟ !
ﺍﻳﻤﻦ ﻗﻌﺪ ﺳﺎﻛﺖ ﻭ ﻳﺒﺤﺖ ﻑ ﺁﻻﺀ
ﻧﺠﻮﻯ << ﺍﻟﻠﻲ ﻋﻨﺪﻱ ﻗﻠﺘﻪ ، ﺗﻘﺪﺭ ﺗﻄﻠﻊ ﺗﻮﺍ
ﻃﻠﻊ ﺍﻳﻤﻦ ﻭ ﺷﻤﻮﻉ ﻣﺸﺖ ﺷﻮﺭ ﺁﻻﺀ
ﺷﻤﻮﻉ << ﻡ ﺗﻘﻬﺮﻳﺶ ﺭﻭﺣﻚ ﻛﻞ ﺷﻲ ﺗﻮ ﻳﻘﻌﺪ ﻛﻮﻳﺲ ﻡ ﺗﺨﺎﻓﻴﺶ
ﺁﻻﺀ << ﻣﺎﺍﺍﻣﺎﺍﺍ " ﻭ ﻣﺸﺖ ﺷﻮﺭ ﺃﻣﻬﺎ "
ﻧﺠﻮﻯ << ﻛﻞ ﺍﻟﻠﻲ ﻧﺪﻳﺮ ﻋﺸﺎﻥ ﻣﺼﻠﺤﺘﻚ ﺻﺪﻗﻴﻨﻲ
ﺁﻻﺀ << ﻋﻤﺘﻲ ﺻﺎﻟﺤﻪ ﺷﻦ ﻗﺎﻳﻠﻪ ﻋﻠﻴﺎ ؟
ﻧﺠﻮﻯ << ﻣﺶ ﻵﺯﻡ ﺗﻌﺮﻓﻲ
ﺁﻻﺀ << ﻧﺒﻲ ﻧﻌﺮﻑ ، ﻛﻴﻒ ﻣﺶ ﻻﺯﻡ ؟ !
ﻧﺠﻮﻯ << ﺗﻌﺰﻕ ﻑ ﺍﻟﻜﻼﻡ ﺍﻧﻚ ﺗﻘﻌﺪﻱ ﻣﻌﺎﻩ ﻓﻲ ﺩﺍﺭﻩ ﺑﺮﻭﺣﻜﻢ
ﻗﻌﺪﺕ ﻧﺠﻮﻯ ﺗﺤﻜﻴﻠﻬﺎ ﻑ ﻛﻞ ﺍﻟﻠﻲ ﻗﺎﻻﺗﻪ ﻭ ﺁﻻﺀ ﻓﺎﺗﺤﻪ ﻓﻤﻬﺎ ﻭ ﻣﺶ ﻣﺴﺘﻮﻋﺒﻪ
//
//
//
ﻛﻤﻞ ﺍﻟﻴﻮﻡ ﻭ ﻫﻲ ﻓﻲ ﺩﺍﺭﻫﺎ ، ﻭ ﺗﺎﻧﻲ ﻳﻮﻡ ﻏﺎﺑﺖ ﻉ ﺍﻟﻤﺪﺭﺳﻪ
ﺷﻤﻮﻉ << ﻗﺘﻠﻚ ﻛﻮﻳﺴﻪ ، ﻏﻴﺮ ﺟﺎﻳﻬﺎ ﻋﺮﻳﺲ ﻭ ﻏﺎﺑﺖ ﺑﺲ
ﻋﺜﻤﺎﻥ << ﺍﻳﻤﻦ ! ؟
ﺷﻤﻮﻉ << ﻻﻻ
ﻋﺜﻤﺎﻥ << ﻛﻴﻒ ﺻﺎﺭ ؟
ﺷﻤﻮﻉ << ﻡ ﻧﻌﺮﻓﺶ ﺑﻌﺪ ﺍﺗﺠﻲ ﺑﻜﺮﺍ ﺍﺳﺄﻟﻬﺎ
ﻭ ﺧﺶ ﻣﺴﺘﺮ ﻓﺮﺝ ، ﻋﻄﻰ ﺍﻟﺤﺼﻪ ﻭ ﺑﻌﺪ ﻛﻤﻞ ﻛﻠﻢ ﺷﻤﻮﻉ ﺑﺮﺍ
ﺷﻤﻮﻉ << ﻧﻌﻢ
ﻓﺮﺝ << ﺑﻌﺪ ﺗﻜﻤﻠﻲ ﺍﻟﻤﺪﺭﺳﻪ ﻩ ﺗﻤﺸﻲ ﻣﻌﺎﻳﺎ
ﺷﻤﻮﻉ << ﻧﻤﺸﻲ ﻣﻌﺎﻙ ﻭﻳﻦ ؟ ﻟﺤﻮﺷﻚ !
ﻓﺮﺝ << ﺣﻮﺷﻲ ﺭﻳﺤﻲ ﺭﻭﺣﻚ ﻳﺎ ﺑﻨﺖ ، ﻩ ﻧﻤﺸﻮ ﻟﻠﻤﺴﺘﺸﻔﻰ
ﺷﻤﻮﻉ << ﺍﻟﻤﺴﺘﺸﻔﻰ ؟ ﻛﻨﻚ ﻣﺮﻳﺾ ؟ ﺷﻦ ﻓﻴﻚ " ﻭ ﻗﺮﺑﺖ ﻣﻨﻪ "
ﻓﺮﺝ << ﺍﻧﺖِ ﺍﻟﻠﻲ ﻣﺮﻳﻀﻪ !
ﺷﻤﻮﻉ << ﺍﺍﺍﻫﺎﺍ ﺻﺎﺡ ، ﺑﺲ ﻛﻮﻳﺴﻪ ﺍﻧﺎ ﺗﻮﺍ ؟
ﻓﺮﺝ << ﻻﻻ ﻻﺯﻡ ﻧﻄﻤﻦ ﻋﻠﻴﻚ ﻋﺸﺎﻥ ﻧﺘﺮﻳﺢ
ﺷﻤﻮﻉ << ﺗﻄﻤﻦ ﻋﻠﻴﺎ
ﻓﺮﺝ << ﺑﻌﺪ ﺗﻜﻤﻠﻲ ﺍﺧﺮ ﺣﺼﻪ ﺗﻠﻘﻴﻨﻲ ﻧﺮﺍﺟﻲ ﻓﻴﻚ ﺑﺮﺍ
ﺷﻤﻮﻉ << ﺑﺲ ﻣﺎﻫﻮ
ﻓﺮﺝ << ﻻ ﺑﺲ ﻻ ﻏﻴﺮﻩ ، ﻣﺶ ﻗﻠﺘﻲ ﻋﺎﻳﺸﻪ ﻣﻊ ﺣﻨﻚ ﺑﺮﻭﺣﻚ ؟ ﻛﻴﻒ ﺑﺘﻤﺸﻲ ؟
ﺷﻤﻮﻉ <<
ﻓﺮﺝ << ﺧﻼﺹ ﺧﺸﻲ ﻟﻠﻔﺼﻞ ﻭ ﻧﺸﻮﻓﻚ ﺑﻌﺪﻳﻦ " ﻭ ﻣﺸﻰ "
ﺷﻤﻮﻉ << ﺷﻦ ﻩ ﻧﺪﻳﺮ ﺗﻮﺍ . ﻩ ﺍﻟﺨﻮﻑ ﺍﻟﻠﻲ ﻧﺰﻝ ﻋﻠﻴﻪ ﻓﺠﺎﻩ ! ؟ ﺑﺪﺍﻝ ﻡ ﻳﻘﻮﻟﻲ ﻧﺄﺧﺬﻙ ﻧﺪﻫﻮﺭﻙ ﻭ ﻻ ﻧﻤﺸﻮ ﻟﻠﺤﻮﺵ ﺩﻳﻤﺎ ﺑﺨﺘﻲ ﻫﻜﻲ ﺍﻧﺎ ! ؟
//
//
//
ﺧﺸﺖ ﻟﻠﻔﺼﻞ ﻭ ﻃﻮﻝ ﺍﻟﺤﺼﻪ ﻭ ﻫﻲ ﺗﻔﻜﺮ ﻛﻴﻒ ﻩ ﺗﻄﻠﻊ ﻣﻦ ﺍﻟﻘﺼﻪ ﻫﺬﻩ !
ﻛﻤﻠﺖ ﻭ ﻃﻠﻌﺖ ﻭ ﺑﺎﻟﻔﻌﻞ ﻟﻘﺎﺗﻪ ﻳﺮﺍﺟﻲ ﻓﻴﻬﺎ // ﺳﻘﻤﺖ ﺭﻭﺣﻬﺎ ﻉ ﺍﻟﻤﺮﺍﻳﺎ ﺍﻟﻠﻲ ﻃﻠﻌﺘﻬﺎ ﻣﻦ ﺷﻨﻄﺘﻬﺎ
ﻓﺮﺝ << " ﻓﺘﺢ ﺍﻟﺮﻭﺷﻦ " ﻣﺎﺯﻟﺘﻲ ﻣﻄﻮﻟﻪ ؟ !
ﺷﻤﻮﻉ << ﻗﺼﺪﻙ ﻩ ﻧﺮﻛﺐ ﻑ ﺍﻟﺴﻴﺎﺭﻩ !
ﻓﺮﺝ << ﺷﻦ ﺭﺃﻳﻚ ! ﻧﻨﺰﻝ ﻭ ﻧﺎﺧﺬﻭ ﺗﺎﻛﺴﻲ ﻣﺜﻼ ! ﻭ ﻻ ﺧﺎﻳﻔﻪ ﻣﻨﻲ !
ﺷﻤﻮﻉ << ﻧﺨﺎﻑ ﻣﻦ ﻋﺪﻭﻙ ﻱ ﺭﻭﺣﻲ ﺍﻧﺖَ " ﻭ ﻓﺘﺤﺖ ﺍﻟﺒﺎﺏ ﻭ ﺭﻛﺒﺖ "
ﻭﻟﻊ ﻓﺮﺝ ﺍﻟﺴﻴﺎﺭﻩ ﻭ ﺑﺪﺍ ﻳﺴﻮﻕ ﻭ ﺷﻤﻮﻉ ﺗﺒﺤﺖ ﻓﻴﻪ ﻭ ﺳﺎﻛﺘﻪ
ﻓﺮﺝ << ﻏﺮﻳﺒﻪ ﺍﻭﻝ ﻣﺮﻩ ﺗﻜﻮﻧﻲ ﺳﺎﻛﺘﻪ ﻭ ﻫﺎﺩﻳﻪ ﻫﻜﻲ
ﺷﻤﻮﻉ << ﻓﺮﺝ ! ﻡ ﻧﺒﻴﺶ ﻧﻤﺸﻲ ﻟﻠﻤﺴﺘﺸﻔﻰ ﺑﻠﻴﺰ
ﻓﺮﺝ << ﻡ ﺗﺨﺎﻓﻴﺶ ﺍﻧﺎ ﻣﻌﺎﻙ ﻭ ﻛﻞ ﺷﻲ ﻩ ﻳﻜﻮﻥ ﺗﻤﺎﻡ
ﺷﻤﻮﻉ << ﻣﺶ ﺧﺎﻳﻔﻪ ﺑﺲ ﻡ ﻧﺒﻴﺶ ﻧﻤﺸﻲ
ﻓﺮﺝ << ﻟﻴﺶ ﺑﺎﻩ !
ﺷﻤﻮﻉ << ﻣﺮﻩ ﺍﺧﺮﻩ ﺗﻮ ﻧﻤﺸﻲ
ﻓﺮﺝ << ﺍﺣﻜﻴﻠﻲ ﻋﻠﻴﺶ ؟ ﻭ ﻛﺎﻥ ﺍﻗﺘﻨﻌﺖ ﺣﺎﺿﺮ
ﺷﻤﻮﻉ << ﺍﻭﻙ ، ﻩ ﻧﺤﻜﻲ ﺑﺲ ﻡ ﺗﺮﻛﺰﺵ ﻭﺍﺟﺪ ﻑ ﻛﻼﻣﻲ
ﻓﺮﺝ (( ﻫﺒﻠﻪ
ﺷﻤﻮﻉ << ﻉ ﻗﺪ ﻣﺎ ﺍﻧﺎ ﻣﺘﻮﺗﺮﻩ ﻉ ﻗﺪ ﻡ ﺍﻧﺎ ﻓﺮﺣﺎﻧﻪ ﺍﻧﻲ ﻗﺎﻋﺪﻩ ﻣﻌﺎﻙ
ﻓﺮﺝ << ﺑﺎﻩ ﺷﻦ ﺩﺧﻞ ﻫﺬﻩ ﻑ ﺍﻧﻚ ﻡ ﺗﺒﻴﺶ ﺗﻤﺸﻲ ﻟﻠﻤﺴﺘﺸﻔﻰ !
ﺷﻤﻮﻉ << ﻳﻌﻨﻲ ﺍﻭﻝ ﻣﺮﻩ ﻧﻄﻠﻌﻮ ﺑﺮﻭﺣﻨﺎ ﻭ ﻣﻊ ﺑَﻌﻀُﻨَﺎ ﺗﺒﻴﻨﺎ ﻧﻤﺸﻮ ﻟﻠﻤﺴﺘﺸﻔﻰ ﺣﺘﻰ ﺗﻘﻌﺪ ﻧﻬﺎﻳﻪ ﻣﺶ ﺣﻠﻮﻩ ﻟﻠﻴﻮﻡ
ﻓﺮﺝ << ﻳﻌﻨﻲ ﺷﻦ ﺗﺒﻲ !
ﺷﻤﻮﻉ << ﺍﻟﻠﻲ ﺗﺒﻴﻪ ﺍﻧﺖَ ﻏﻴﺮ ﻗﺼﺔ ﺍﻟﻤﺴﺘﺸﻔﻰ ! 😂🙄
ﻓﺮﺝ << ﻧﺘﻐﺪﻭ ﻓﻲ ﺷﻲ ﻣﻄﻌﻢ !
ﺷﻤﻮﻉ << ﻣﻮﺍﻓﻘﻪ 😍 ﺑﺲ ﺷﻦ ﺭﺃﻳﻚ ﻧﺎﺧﺬﻭ ﺍﻟﻮﻛﺎﻝ ﻟﺤﻮﺷﻚ ! ﻣﺶ ﻗﻠﺖ ﻳﻮﻣﻬﺎ ﻋﺎﻳﺶ ﺑﺮﻭﺣﻚ ! 😂🙄
ﻓﺮﺝ << ﺷﻤﻮﻉ ! ﻟﻴﺶ ﻣُﺼﺮﻩ ﺍﻧﻪ ﺍﻟﻨﺎﺱ ﺗﺄﺧﺬ ﻋﻨﻚ ﻓﻜﺮﻩ ﻣﺶ ﻛﻮﻳﺴﻪ !
ﺷﻤﻮﻉ << ﻣﺶ ﻓﺎﺭﻗﻪ ﻣﻌﺎﻳﺎ ، ﻳﺎﺧﺬﻭ ﺍﻟﻠﻲ ﻳﺒﻮﻩ ﻉ ﺍﺳﺎﺱ ﻣﻌﺪﻟﻪ ﻉ ﺣﺪ ﺍﻧﺎ 😌
ﻓﺮﺝ << ﺑﺲ ﺍﻧﺎ ﻣﻌﺶ ﻧﺒﻴﻚ ﺗﺤﻜﻲ !
ﺷﻤﻮﻉ << ﻋﻠﻴﺶ ! ؟ 🙄
ﻓﺮﺝ << ﻫﻜﻲ ﻭ ﺧﻼﺹ !
ﺳﻜﺘﺖ ﺷﻤﻮﻉ ﻭ ﺳﺮﺣﺖ ﻓﻴﻪ ﻭ ﻓﻲ ﻛﻼﻣﻪ ، ﻣﺸﻮ ﻟﻠﻤﻄﻌﻢ ﻭ ﺧﺬﺍ ﻭﺟﺒﺘﻴﻦ ﻭ ﺗﻐﺪﻭ ﻑ ﺍﻟﺴﻴﺎﺭﻩ ﻭ ﻫُﻮَ ﻳﺴﻮﻕ
ﺷﻤﻮﻉ << ﻛﺎﻥ ﻫﺬﺍ ﺩﺭﺱ ﻓﻲ ﺷﻲ ﻣﻜﺎﻥ ﻋﺸﺎﻥ ﺗﻘﺪﺭ ﺗﺎﻛﻞ ، ﻗﺒﻞ ﻡ ﻳﺒﺮﺩ
ﻓﺮﺝ << ﻣﺎ ﻧﺒﻴﻜﺶ ﺗﺘﺎﺧﺮﻱ ﺍﻛﺜﺮ ﻣﻦ ﻫﻜﻲ ، ﺃﻛﻴﺪﻩ ﺣﻨﻚ ﻣﺸﻐﻮﻟﻪ ﻋﻠﻴﻚ ﺗﻮﺍ
ﺷﻤﻮﻉ << ﻻ ﺍﺟﺪﻳﺪﻩ ﺧﻄﻴﺮﻩ ﺑﻜﻞ 🙄 ﻧﺮﻭﺡ ﻧﻠﻘﺎﻫﺎ ﻣﺘﻐﺪﻳﻪ ﻭ ﺭﺍﻗﺪﻩ ﺍﺧﺮﻩ ﻭ ﺑﻌﺪ ﺗﻨﻮﺽ ﺗﻘﻮﻟﻲ ﻃﻠﻮﻋﻚ ﻫﺬﺍ ﺑﻼ ﻓﺎﻳﺪﻩ ﻻ ﺟﺒﺘﻲ ﻋﺮﻳﺲ ﻻ ﻏﻴﺮﻩ 😂😌 ﺑﻜﻞ ﻣﺸﻐﻮﻟﻪ 😂
ﻓﺮﺝ << 😂
ﺷﻤﻮﻉ << ﻱ ﺧﻴﺎ ﻋﻠﻴﻚ ﺿﺤﻜﻪ ﺳﻤﺤﻪ 🙊
ﻓﺮﺝ << ﺷﻤﻮﻉ !
ﺷﻤﻮﻉ << ﺗﺤﺒﺶ ﺣﺪ ﻳﻐﺎﺯﻟﻚ ﻳﻌﻨﻲ ! 🙄 ﻭ ﻻ ﺗﺘﺤﺸﻢ ! 🌚
ﻓﺮﺝ << ﻛﻮﻟﻲ ﻭ ﺍﻧﺖِ ﺳﺎﻛﺘﻪ
ﺑﻌﺪ ﻛﻤﻠﻮ ﻭﺻﻠﻬﺎ ﻭ ﻟﻤﺎ ﺟﺖ ﺗﺒﻲ ﺗﻨﺰﻝ ﺑﺤﺘﺖ ﻓﻴﻪ ﻭ ﻗﺎﻟﺖ
ﺷﻤﻮﻉ << ﻛﺎﻥ ﻳﻮﻡ ﺳﻤﺢ ﺑﻜﻞ 💚 ﻛﻴﻒ ﺳﻤﺎﺣﺔ ﺿﺤﻜﺘﻚ 😌
ﻓﺮﺝ << ﺩﻳﺮﻱ ﺑﺎﻟﻚ ﻉ ﺭﻭﺣﻚ " ﻭ ﻋﻴﻮﻧﻪ ﻳﻠﻤﻌﻦ "
/
/
/
ﺧﺸﺖ ﺷﻤﻮﻉ ﺍﻟﻌﻤﺎﺭﻩ ﻭ ﻟﻘﺖ ﺍﻳﻤﻦ ﺍﻣﺼﺒﻲ
ﺍﻳﻤﻦ << ﻣﻦ ﻫﺬﺍ ؟
ﺷﻤﻮﻉ << ﻣﺶ ﺷﻮﺭﻙ ﺗﻘﺮﻳﺒﺎ
ﺍﻳﻤﻦ << ﻫﺬﺍ ﺍﻟﻠﻲ ﻧﺎﻗﺺ ﺍﺻﻼ ﺍﻳﻮﺻﻠﻮ ﻓﻴﻚ ﻋﻨﺪ ﺍﻟﺤﻮﺵ
ﺷﻤﻮﻉ << ﻧﺮﺩ ﻭ ﻧﻘﻮﻟﻚ ﻣﺶ ﺷﻮﺭﻙ ﺑﺮﺿﻮ 😌 " ﻭ ﺧﺸﺖ ﻟﻠﺤﻮﺵ "
//
//
ﻉ ﺍﺫﺍﻥ ﺍﻟﻌﺼﺮ ﻃﻠﻌﺖ ﺷﻤﻮﻉ ﻭ ﻗﺒﻞ ﻡ ﺗﺮﻛﺐ ﻓﻮﻕ ﺗﻼﻗﺖ ﻣﻊ ﻧﺴﺮﻳﻦ ﻗﺪﺍﻡ ﺍﻟﺒﺎﺏ
ﻧﺴﺮﻳﻦ << ﻭﻳﻨﻚ ﻣﺨﺘﻔﻴﻪ ﻣﻦ ﺃﻣﺲ ؟ !
ﺷﻤﻮﻉ << ﺗﻮ ﺑﻌﺪﻳﻦ ﻧﺤﻜﻴﻠﻚ
ﻧﺴﺮﻳﻦ << ﻭﻳﻦ ﻣﺎﺷﻴﻪ ﺑﺎﻩ ؟
ﺷﻤﻮﻉ << ﺭﺍﻛﺒﻪ ﻓﻮﻕ ﻋﻨﺪ ﺁﻻﺀ ، ﻭ ﺍﻧﺖِ ﻭﻳﻦ ﻃﺎﻟﻌﻪ ! ؟
ﻧﺴﺮﻳﻦ << ﺑﻨﻄﻠﻊ ﻟﺴﻮﻕ ﺍﻧﺎ ﻭ ﺳﻤﺮ ، ﻣُﻌﺘﺼﻢ ﻳﺮﺍﺟﻲ ﻓﻴﻨﺎ ﺑﺮﺍ
ﺷﻤﻮﻉ << ﻟﻴﺶ ؟ ﻭ ﻻ ﻛﺴﺎﺩ ؟ !
ﻧﺴﺮﻳﻦ ?< ﻛﻴﻒ ﺳﻤﺮ ﻡ ﻗﺎﻟﺘﻠﻜﺶ ! ﺍﻻﻳﺎﻡ ﺍﻟﺠﺎﻳﻪ ﻭﺳﺎﻡ ﻳﺒﻲ ﻳﺠﻴﺐ ﻫﻠﻪ
ﺷﻤﻮﻉ << ﺍﻭﻭﻭﻭﻭ ﻣﺎ ﺷﺎﺀ ﺍﻟﻠﻪ
ﻧﺴﺮﻳﻦ << ﺃﻫﻲ ﻧﺰﻟﺖ ﻭ ﺻﻮﺕ ﻣُﻌﺘﺼﻢ ﻳﺒﻴﺐ ﺑﻌﺪ ﻧﺮﻭﺣﻮ ﺗﻮ ﻧﺤﻜﻮ
ﺷﻤﻮﻉ < ﺗﻢ ﺗﻢ
ﻃﻠﻌﻦ ﺍﻟﺒﻨﺎﺕ ﻭ ﺭﻛﺒﺖ ﺷﻤﻮﻉ ﻓﻮﻕ ﻝ ﺁﻻﺀ ﻭ ﻟﻘﺘﻬﺎ ﺭﺍﻗﺪﻩ
ﻧﺠﻮﻯ << ﺧﻠﻴﻬﺎ ﺗﻨﻮﺽ ﺗﻮﺗﻲ ﺭﻭﺣﻬﺎ ﺧﻴﺮ ﻡ ﻳﺠﻲ ﺧﺎﻟﻬﺎ ﻳﺪﻳﺮ ﻗﺼﻪ
ﺷﻤﻮﻉ << ﺗﻮ ﻧﺤﺎﻭﻝ ﻣﻌﺎﻫﺎ
ﻧﺠﻮﻯ << ﻣﺶ ﺗﺤﺎﻭﻟﻲ ، ﺍﻗﻨﻌﻴﻬﺎ
/
/
/
ﺷﻤﻮﻉ << ﺁﻻﺀ ؟ ﻋﺎﺭﻓﺘﻚ ﻭﺍﻋﻴﻪ ﻫﻴﺎ ﺻﺒﻲ
ﺁﻻﺀ << ﻓﻮﺗﻴﻨﻲ ﻡ ﻧﺒﻴﺶ ﺍﻧﻮﺽ
ﺷﻤﻮﻉ << ﻓﻜﻴﻨﺎ ﻣﻦ ﺍﻟﻤﺸﺎﻛﻞ ﺻﺒﻲ ﺑﺲ
ﺁﻻﺀ << ﺗﻲ ﻛﻴﻒ ﻧﺒﻲ ﻧﻄﻠﻊ ﻧﺸﻮﻓﻪ ﻭ ﺍﻧﺎ ﻋﻘﻠﻲ ﻣﻊ ﺍﻳﻤﻦ
ﺷﻤﻮﻉ << ﻡ ﺗﺒﻴﺶ ﺗﺒﻮﺳﻴﻪ ﺍﻧﺖِ 😕 5 ﺩﻗﺎﻳﻖ ﻭ ﺗﺨﺸﻲ
ﺁﻻﺀ << ﻭ ﻻ ﻧﺺ ﺩﻗﻴﻘﻪ 😭
ﺷﻤﻮﻉ << ﺣﻲ ﻉ ﺍﻣﻚ ﺻﻮﺕ ﺍﻟﺠﺮﺱ ﺍﻛﻴﺪﻩ ﺧﺎﻟﻚ 🙄
ﺁﻻﺀ < ﺍﺟﺮﻱ ﺗﺮﺍ ﺷﻮﻓﻴﻪ ﻫُﻮَ ﻭ ﻻ ﻻ . ؟
//
//
//
ﻓﺮﻳﺪ << ﻧﻮﻭﻭﻭﻭﻭﺭ !!
ﺭﻧﺎ << ﻛﻨﻚ ﺗﻌﻴﻂ ﺷﻦ ﻓﻲ
ﻓﺮﻳﺪ << ﻭﻳﻨﻬﺎ ﻫﺬﻩ !!!
ﺭﻧﺎ << ﺭﺍﻗﺪﻩ ﺷﻦ ﺗﺒﻲ ﻓﻴﻬﺎ !!
ﻓﺮﻳﺪ << ﺗﻤﺸﻲ ﺗﻨﻮﺿﻴﻬﺎ ﺧﻴﺮ ﻡ ﻧﺨﺶ ﻧﻘﺘﻠﻬﺎ
ﺭﻧﺎ << ﺷﻜﻠﻬﺎ ﻻﻋﺒﻪ ﻓﻲ ﺭﺃﺳﻚ ﻫﺬﻙ ﺍﻟﺴﻮﺳﻪ 😕
ﻓﺮﻳﺪ << ﺭﻧﺎ ﺧﻠﻴﻨﻲ ﻣﺎﺳﻚ ﻟﺴﺎﻧﻲ ﻭ ﺍﻣﺸﻲ ﻛﻠﻤﻴﻬﺎ
ﻃﻠﻌﺖ ﺍﻟﻬﺎﻡ ﻉ ﺻﻮﺕ ﺍﻟﻬﺮﺟﻪ ﻭ ﺟﺖ ﻧﻮﺭ ﺗﺠﺮﻱ
ﺍﻟﻬﺎﻡ << ﻓﺮﻳﺪ ﻛﻨﻚ ؟ ﺷﻦ ﻓﻲ
ﺭﻧﺎ << ﻭ ﺗﺴﺘﻌﺒﻂ ﺍﺧﺮﻩ
ﻧﻮﺭ << ﻧﻌﻢ ﻛﻨﺖ ﺗﻨﺎﺩﻱ ﻓﻴﺎ !
ﻓﺮﻳﺪ << ﺍﻟﻬﺎﻡ ﺧﺸﻲ ﻟﺪﺍﺭ
ﺍﻟﻬﺎﻡ << ﻟﻴﺶ ؟
ﻓﺮﻳﺪ << ﺍﻟﻬﺎﺍﺍﺍﺍﺍﺍﻡ ﺟﻮﺍﺍﺍﺍﺍ ﻗﻠﺖ
ﺍﻟﻬﺎﻡ << ﺣﺎﺍﺿﺮ 🙄
ﺭﻧﺎ << ﻓﻬﻤﻨﺎ ﻛﻨﻚ ؟
ﻓﺮﻳﺪ << ﻃﻠﻌﺖ ﻧﺘﻴﺠﺔ ﺍﻟﺘﺤﻠﻴﻞ ﻣﺘﺎﻉ ﺍﻟﻬﺎﻡ
ﻧﻮﺭ << ﻭ ﺷﻦ ﺩﺧﻠﻨﻲ ﺍﻧﺎ ؟
ﻓﺮﻳﺪ << ﺗﺴﺘﻌﺒﻄﻲ ؟؟ ﺍﻧﺖِ ﻋﺎﺭﻓﻪ ﺍﻟﺨﺮﺍ ﻫﺬﺍ ﻛﺎﻥ ﻣﻤﻜﻦ ﻳﺴﺒﺒﻠﻬﺎ ﺣﺎﺟﻪ ﺍﺧﻄﺮ ﻣﻦ ﺍﻟﻠﻲ ﻑ ﺑﺎﻟﻚ ؟ ! ﺷﻦ ﺍﻟﺘﺨﻠﻒ ﺍﻟﻠﻲ ﺍﻧﺖِ ﻓﻴﻪ ؟ ﻉ ﺍﺳﺎﺱ ﻟﻮ ﺩﺭﺗﻲ ﺳﺤﺮ ﻭ ﻻ ﺍﻟﻘﻄﺎﻑ ﺍﻟﺰﺍﻳﺪ ﺍﻟﻠﻲ ﻣﻘﺘﻨﻌﻪ ﺑﻴﻪ ، ﻩ ﻧﺴﻴﺒﻬﺎ ؟ ! ﺍﻟﻬﺎﻡ ﺣﺒﻴﺒﺘﻲ ﻭ ﻣﺮﺍﺗﻲ ﻭ ﺍﻡ ﺑﻨﺘﻲ ﻭ ﻣﺴﺘﺤﻴﻠﻪ ﺣﺪ ﻳﺨﻠﻴﻨﻲ ﻧﺴﻴﺒﻬﺎ ! ؟ ﺑﻌﺪﻳﻦ ﻟﻴﺶ ﻛﺎﺭﻫﺘﻴﻬﺎ ؟ ﺷﻦ ﺩﺍﺭﺗﻠﻚ ؟ ! ﻋﻤﺮﻫﺎ ﻡ ﺟﺖ ﺷﻮﺭﻙ ؟ ﺑﺲ ﺍﻟﺤﻘﺪ ﺍﻟﻠﻲ ﻓﻲ ﻗﻠﺒﻚ ﻣﺶ ﻣﺨﻠﻴﻚ ﺗﺤﺒﻲ ﺣﺪ ؛ ﺍﻟﻠﻲ ﺗﻔﻜﺮ ﺍﻧﻬﺎ ﺗﺠﻲ ﺷﻮﺭﻫﺎ ﺍﻟﻬﺎﻡ ﻣﺶ ﻩ ﻳﺼﻴﺮﻟﻬﺎ ﺧﻴﺮ !! " ﻭ ﻣﺸﻰ ﻣﻦ ﺍﻟﺼﺎﻟﻪ ﻭ ﺧﺶ ﻟﺪﺍﺭ "
ﻛﺎﻧﺖ ﺍﻟﻬﺎﻡ ﻭﺍﻗﻔﻪ ﻋﻨﺪ ﺍﻟﺒﺎﺏ ﻭ ﺗﺴﻤﻊ ﻑ ﺍﻟﻜﻼﻡ ، ﻭ ﺍﻭﻝ ﻡ ﺷﺎﻓﺖ ﻓﺮﻳﺪ ﻣﺸﺖ ﺷﻮﺭﻩ ﻭ ﺍﺿﺒﻄﺎﺗﻪ ️❤
ﺍﻟﻬﺎﻡ << ﻱ ﻗﻠﺒﻲ ﻧﻤﻮﺕ ﻓﻴﻚ ﺍﻧﺎ " ﻭ ﺗﺒﻜﻲ "
ﻓﺮﻳﺪ << ﻧﺒﻴﺶ ﻧﺸﻮﻑ ﺩﻣﻮﻋﻚ ، ﻭ ﻣﺶ ﺗﺒﻲ ﻧﺴﻜﻨﻮ ﺑﺮﻭﺣﻨﺎ ؟ ﻗﺎﻋﺪ ﻧﺪﻭﺭ ﻣﻦ ﺍﻟﺼﺒﺢ ﻉ ﺷﻘﻪ ﺗﻜﻮﻥ ﺻﻐﻴﺮﻩ ﻉ ﻗﻴﺴﻨﺎ ﺑﺲ ﻣﺎﺯﻟﺖ ﻡ ﻟﻘﻴﺖ
ﺍﻟﻬﺎﻡ << ﺍﻧﺎ ﻣﺶ ﻋﺎﺭﻓﻪ ﺷﻦ ﺩﺍﻳﺮﻩ ﻓﻲ ﺣﻴﺎﺗﻲ ﻋﺸﺎﻥ ﺭﺑﻲ ﻳﺮﺯﻗﻨﻲ ﺑﻴﻚ 💚
ﻓﺮﻳﺪ << ﻳﻜﻔﻴﻨﻲ ﻧﺸﻮﻑ ﺍﻟﻠﻤﻌﻪ ﺍﻟﻠﻲ ﻓﻲ ﻋﻴﻮﻧﻚ ﻟﻤﺎ ﺗﺒﺤﺘﻲ ﻓﻴﺎ
ﺍﻟﻬﺎﻡ << ﺭﺑﻲ ﻡ ﻳﺤﺮﻣﻨﻲ ﻣﻨﻚ ﻭ ﺧﻼﺹ 🙈
ﻓﺮﻳﺪ << ﻭ ﻻ ﻣﻨﻚ ﻱ ﻋﻮﻳﻨﺎﺗﻲ ️❤
//
//
//
ﺷﻤﻮﻉ << ﺧﺎﻟﻚ ﻗﺎﻝ ﺍﻟﺮﺍﺟﻞ ﻗﺮﻳﺐ ﻳﻮﺻﻞ 🙄
ﺁﻻﺀ << ﻱ ﺭﺏ ﺍﻟﺼﺒﺮ 😪
ﻧﺠﻮﻯ << ﺻﻮﺕ ﺍﻟﺒﺎﺏ ، ﺷﻮﻳﻪ ﻫﻜﻲ ﻭ ﺗﻌﺎﻟﻲ ﺩﻳﺮﻱ ﻗﻬﻮﻩ
ﺁﻻﺀ << 😐
ﻧﺠﻮﻯ << ﻭ ﺍﻓﺮﺩﻱ ﻭﺟﻚ 😄
ﺁﻻﺀ << ﻭ ﻧﻄﻠﻊ ﻧﺮﻗﺼﻠﻜﻢ ! ؟ 🙂
ﺷﻤﻮﻉ << ﻻ ﺑﻌﺪ ﺗﺰﻭﺟﻲ ﺗﻮ ﺗﺮﻗﺼﻲ 😂🙄
ﺁﻻﺀ << ﺧﻠﻴﻨﻲ ﺳﺎﻛﺘﻪ ﺧﻴﺮ ﻡ ﻧﻘﻮﻝ ﻛﻼﻡ ﻡ ﻳﻨﻘﺎﻟﺶ 🌚
//
//
//
ﻗﻌﺪ ﻣﺼﻄﻔﻰ ﻳﻬﺪﺭﺯ ﻣﻊ ﺻﺎﺣﺒﻪ ﻭ ﺷﻮﻳﻪ ﻫﻜﻲ ﻭ ﺧﺶ ﻗﺎﻝ ﻝ ﻧﺠﻮﻯ ﺧﻠﻲ ﺁﻻﺀ ﺇﺗﺠﻲ
ﺩﺍﺭﺕ ﺷﻤﻮﻉ ﺍﻟﻘﻬﻮﻩ ﻭ ﻋﻄﺖ ﺍﻟﺴﻔﺮﻩ ﻝ ﺁﻻﺀ ﻭ ﻣﺸﺖ ﻭﺭﺍﻫﺎ
ﻣﺪﺕ ﺍﻟﺴﻔﺮﻩ ﻗﺪﺍﻡ ﺍﻟﻌﺮﻳﺲ
ﻣﺼﻄﻔﻰ << ﻡ ﺗﺤﺸﻤﺶ ﻱ ﻋﺒﺪﻭ ﺗﻔﻀﻞ
ﻭ ﻣﺪﺕ ﻟﺨﺎﻟﻬﺎ ﻭ ﺟﺖ ﺗﺒﻲ ﺗﻄﻠﻊ
ﻣﺼﻄﻔﻰ << ﻗﻌﻤﺰﻱ ﻡ ﺗﻄﻠﻌﻴﺶ
ﺁﻻﺀ << 🐽򐩄
ﻣﺼﻄﻔﻰ << ﺍﻧﺠﻴﺐ ﺍﻟﻄﻔﺎﻳﻪ ﻭ ﺍﻧﺠﻲ " ﻭ ﻃﻠﻊ "
ﺑﺮﻣﺖ ﻭﺟﻬﺎ ﺗﺒﺤﺖ ﻓﻴﻪ ﻭ ﻫُﻮَ ﻳﺒﺘﺴﻢ
ﺁﻻﺀ << ﻛﻨﻚ ﺗﻮﺯﻉ ﻑ ﺍﺑﺘﺴﺎﻣﺎﺕ ! ؟ ﻣﺶ ﻑ ﻣﺴﺮﺣﻴﻪ ﻧﺤﻦ ﺭﺍﻩ 🌚
<< ﺍﺳﻤﻚ ﺁﻻﺀ !
ﺁﻻﺀ << ﺍﻫﺎ 🌚
<< ﺍﻧﺎ ﻋﺒﺪ ﺍﻟﻤﻬﻤﻴﻦ ...
ﺁﻻﺀ << ......
ﻳﺘﺒﻊ . . .

#ﻛـﺬﺑﺔﺓ_ﺇﺑـﺮﻳﻞْ 🍃
#ﺭﻭﺍٓﻳﺎﺕ_ﺃﻧﺜﻰ_ﺷﺮﻗﻴﺔﻩ 💚