كذبة ابريل ( روايات ليبية )

حلقة 16🔥 النهاية 🔥

#ﻛـﺬﺑﺔﺓ_ﺇﺑـﺮﻳﻞْ 🍃
#ﺭﻭﺍٓﻳﺎﺕ_ﺃﻧﺜﻰ_ﺷﺮﻗﻴﺔﻩ 💚
<< ﺍﻟﺒﺎﺭﺕ ﺍﻟﺴﺎﺩﺱ ﻋﺸﺮ // ﻭ ﺍﻷﺧﻴﺮ
ﺷﻤﻮﻉ << ﺍﻫﻠﻴﻦ ﺍﻟﻬﺎﻡ ﺷﻦ ﺍﺧﺒﺎﺭﻙ
ﺍﻟﻬﺎﻡ << ﻓﺮﻳﺪ ! ﻃﻠﻘﻨﻲ
ﻓﺮﻳﺪ << ﺷﻦ ؟؟ ﺷﻦ ﺗﻘﻮﻟﻲ ؟؟
ﺍﻟﻬﺎﻡ << ﻃﻠﻘﻨﻲ !
ﺷﻤﻮﻉ <<😳
ﻓﺮﻳﺪ << ﻛﻨﻚ ﻻﺑﺄﺱ ؟ ﻣﺮﻳﻀﻪ ؟ ﺷﻦ ﺻﺎﻳﺮﻟﻚ ؟
ﺍﻟﻬﺎﻡ << ﺑﺪﻭﻥ ﻡ ﺗﻜﺜﺮ ﻛﻼﻡ ، ﺧﻼﺹ ﻛﻞ ﺷﻲ ﻭﺍﺿﺢ ﺗﻘﺮﻳﺒﺎ
ﻓﺮﻳﺪ << ﺷﻦ ﻫُﻮَ ﺍﻟﻠﻲ ﻭﺍﺿﺢ ؟؟ ﻓﻬﻤﻴﻨﻲ
ﺷﻤﻮﻉ << ﺍﻟﻬﺎﻡ ﻭﺳﻌﻲ ﺑﺎﻟﻚ ﻭ ﻛﻞ ﺷﻲ ﺑﺎﻟﺘﻔﺎﻫﻢ ﻳﻨﺤﻞ
ﺍﻟﻬﺎﻡ << ﺍﻧﺖِ ﺑﺬﺍﺕ ﺳﻜﺮﻱ ﻓﻤﻚ !
ﻓﺮﻳﺪ << ﺍﻟﻬﺎﻡ ؟؟
ﺷﻤﻮﻉ << " ﺯﻋﻤﻚ ﻧﺴﺮﻳﻦ ﺣﻜﺘﻠﻬﺎ ﺷﻲ ؟ "
ﻓﺮﻳﺪ << ﻛﻨﻚ ﺷﻦ ﺻﺎﻳﺮﻟﻚ ؟
ﺷﻤﻮﻉ << ﺍﺳﻤﻌﻴﻨﻲ ؟ ﻟﻮ ﻧﺴﺮﻳﻦ ﺣﻜﺘﻠﻚ ﺍﻱ ﺷﻲ ﺻﺪﻗﻴﻨﻲ ﻓﺎﻫﻤﻪ ﻏﻠﻂ ﺭﺍﻩ
ﺍﻟﻬﺎﻡ << ﺳﻤﻌﺖ ﺑﺮﻭﺣﻲ ﻣﺎ ﺣﺪ ﻗﺎﻟﻲ
ﻓﺮﻳﺪ << ﺷﻦ ﻫُﻮَ ﺍﻟﻠﻲ ﺳﻤﻌﺘﻴﻪ ؟؟
ﺍﻟﻬﺎﻡ << ﻋﺎﺭﻑ ﺑﺪﻭﻥ ﻡ ﻧﻘﻮﻝ
ﻓﺮﻳﺪ (( ﺍﻟﻬﺎﻡ ﻡ ﺗﻨﺮﻓﺰﻧﻴﺶ ؟؟ ﺷﻦ ﺳﺎﻣﻌﻪ ؟؟
ﺷﻤﻮﻉ << ﺍﻧﺎ ﻧﻘﻮﻟﻚ ، ﻟﻤﺎ ﻭﺻﻠﺘﻨﻲ ﻑ ﺍﻟﺼﺒﺢ ﻧﺴﺮﻳﻦ ﺷﺎﻓﺘﻨﺎ ﻭ ﺗﺤﺴﺎﺏ ﺍﻧﻪ ﻑ ﺷﻲ ﺑﻴﻨﺎﺗﻨﺎ
ﺍﻟﻬﺎﻡ << ﺗﺤﺴﺎﺏ ؟ ﻫﻬﻬﻬﻬﻪ ﻭ ﺍﻧﺖِ ﺷﻦ ﺭﺩﻳﺘﻲ ؟؟ ﺍﺣﻜﻲ ﻋﺎﺩﻱ ﺍﻟﻠﻲ ﻫﻨﺎﻙ ﺻﺎﺭ ﺧﻼﺹ
ﺷﻤﻮﻉ << " ﻗﻌﺪﺕ ﺳﺎﻛﺘﻪ "
ﻓﺮﻳﺪ << ﺷﻤﻮﻉ ؟؟ ﺍﺣﻜﻲ ؟؟ ﻣﺶ ﻧﺎﻗﺺ ﺣﺮﻕ ﺩﻡ
ﻗﻌﺪﺕ ﺷﻤﻮﻉ ﺗﺒﺤﺖ ﻓﻴﻬﻢ ﻭ ﻣﻌﺶ ﻋﺮﻓﺖ ﺷﻦ ﺗﺤﻜﻲ
ﻓﺮﻳﺪ << ﺗﺒﻦ ﺗﺤﻜﻦ ﻭ ﻻ ﺷﻦ ؟؟
ﺍﻟﻬﺎﻡ << ﻛﻞ ﺍﻟﻠﻲ ﺑﻴﻨﻚ ﻭ ﺑﻴﻨﻬﺎ ﻗﻌﺪ ﺑﺎﻳﻦ ﻡ ﻓﺶ ﺩﺍﻋﻲ ﻟﺠﻮ ﺍﻻﺳﺘﻌﺒﺎﻁ
ﺣﻜﺖ ﺷﻤﻮﻉ ﻛﻞ ﺍﻟﻠﻲ ﺻﺎﺭ ﻝ ﻓﺮﻳﺪ ﻭ ﻫﻮَ ﻣﻦ ﺍﻟﺼﺪﻣﻪ ﺧﺶ ﻟﺸﻘﺘﻪ ﻭ ﺳﻜﺮ ﺍﻟﺒﺎﺏ ﻓﻲ ﻭﺟﻬﺎ
ﻗﻌﺪ ﻳﺸﺮﺡ ﻝ ﺍﻟﻬﺎﻡ ﺍﻟﻠﻲ ﺻﺎﺭ ﻭ ﺍﻧﻪ ﻡ ﻓﻲ ﺷﻲ ﺑﻴﻨﻪ ﻭ ﺑﻴﻨﻬﺎ ﺑﺲ ﻛﺎﻧﺖ ﻣﺴﻜﺮﻩ ﺭﺃﺳﻬﺎ ﺍﻧﻪ ﻓﻲ ﺣﺎﺟﻪ ﺑﻴﻨﺎﺗﻬﻢ
//
//
//
ﻣﺸﻰ ﺍﻟﻮﻗﺖ ﻭ ﻗﻌﺪﺕ ﺳﻤﺮ ﺗﻮﺗﻲ ﻑ ﺭﻭﺣﻬﺎ ﻟﻠﻌﺮﺱ ﻭ ﺍﻟﺒﻨﺎﺕ ﻛﻞ ﻭﺣﺪﻩ ﻉ ﻭﺿﻌﻬﺎ
ﻃﻠﻌﻮ ﺍﻟﻌﺮﺱ ﻭ ﻛﺎﻥ ﻋﺎﺩﻱ ﻳﻌﻨﻲ ﻣﺎ ﻓﺶ ﺣﺎﺟﻪ ﺯﺍﻳﺪﻩ ﻭ ﺍﻟﺒﻨﺎﺕ ﻣﻌﺶ ﻗﻌﺪﻥ ﻛﻴﻒ ﻗﺒﻞ / ﻛﻞ ﻭﺣﺪﻩ ﻗﻌﺪﺕ ﻻﻫﻴﻪ ﻓﻲ ﺭﻭﺣﻬﺎ
ﺑﻌﺪ ﺍﻟﻌﺮﺱ ﺑﺸﻬﺮ ﺭﻭﺡ ﺍﻳﻤﻦ ﻭ ﻛﺎﻥ ﻣﺘﻐﻴﺮ ﺑﻜﻞ / ﺣﺎﻭﻝ ﻳﺸﻮﻑ ﺁﻻﺀ ﺍﻛﺜﺮ ﻣﻦ ﻣﺮﻩ ﺑﺲ ﻡ ﻗﺪﺭﺵ
ﻑ ﺍﻟﻮﻗﺖ ﻫﺬﺍ ﺁﻻﺀ ﻛﺎﻧﺖ ﺣﺎﺳﻪ ﺭﻭﺣﻬﺎ ﺑﺪﺕ ﺗﺤﺐ ﻋﺒﺪﺍﻟﻤﻬﻤﻴﻦ ﺑﺲ ﻓﻲ ﺑﺎﻟﻬﺎ ﺍﻳﻤﻦ ﻭ ﺍﻧﻪ ﺍﻟﻤﻔﺮﻭﺽ ﺗﺤﻜﻴﻠﻪ ﻋﻠﻴﻪ
ﺁﻻﺀ << ﻣﺎﻣﺎ ، ﺑﻌﺪﻳﻦ ﺟﺎﻱ ﻣﻬﻤﻴﻦ ﺭﺍﻩ
ﻧﺠﻮﻯ << ﻋﻠﻴﺶ ؟ ﻳﺒﻲ ﺣﺎﺟﻪ ﻳﻌﻨﻲ ؟
ﺁﻻﺀ << ﻗﺎﻝ ﻳﺒﻲ ﻳﺤﻜﻲ ﻣﻌﺎﻳﺎ ﻑ ﻣﻮﺿﻮﻉ
ﻧﺠﻮﻯ << ﻣﻮﺿﻮﻉ ﺷﻨﻮ ؟
ﺁﻻﺀ << ﺷﻦ ﻋﺮﻓﻨﻲ ﺑﻴﻪ ﻋﺎﺩ
ﻧﺠﻮﻯ << ﻧﻘﻮﻝ ﻟﺨﺎﻟﻚ ﺯﻋﻤﺎ ؟
ﺁﻻﺀ << ﺑﺮﺍﺣﺘﻚ
/
/
ﻓﺎﻟﻌﺸﻴﻪ ﺟﺎ ﻋﺒﺪﺍﻟﻤﻬﻤﻴﻦ ﻭ ﺣﺎﻭﻝ ﻳﺪﻳﺮ ﻣﻘﺪﻣﺎﺕ ﻟﻠﻤﻮﺿﻮﻉ ﺍﻟﻠﻲ ﻳﺒﻲ ﻳﻘﻮﻟﻪ
ﺁﻻﺀ << ﻣﻬﻤﻴﻦ ﺍﺣﻜﻲ ﺍﻟﻠﻲ ﻋﻨﺪﻙ ﻭﺗﺮﺗﻨﻲ ﺭﺍﻩ ؟
ﻋﺒﺪﺍﻟﻤﻬﻤﻴﻦ << ﺍﻟﻠﻲ ﻧﺒﻲ ﻧﻘﻮﻟﻪ ﻟﻚ ﻣﺮﺍﺕ ﻳﺨﻠﻴﻚ ﺗﻐﻴﺮﻱ ﺭﺃﻳﻚ ﻓﻴﺎ ؟
ﺁﻻﺀ << ﻟﻮ ﺣﺎﺟﻪ ﻣﺶ ﺳﻤﺤﻪ ﻡ ﻓﺶ ﺩﺍﻋﻲ ﺗﻘﻮﻝ ﺷﻲ
ﻋﺒﺪﺍﻟﻤﻬﻤﻴﻦ << ﺑﺲ ﺍﻧﺖِ ﻻﺯﻡ ﺗﻌﺮﻓﻲ !
ﺁﻻﺀ << ﺍﺣﻜﻲ ﺑﺎﻩ !!
ﻋﺒﺪﺍﻟﻤﻬﻤﻴﻦ << ﺑﺲ ﻗﺒﻞ ، ﻧﺒﻴﻚ ﺗﻌﺮﻓﻲ ﺍﻧﻲ ﺣﺒﻴﺘﻚ ﻭ ﺏِ ﻛﻞ ﺻﺪﻕ ﻧﺒﻲ ﻧﺘﺰﻭﺟﻚ
ﺁﻻﺀ << ﻗﻮﻝ ﻫﻴﺎ
ﻋﺒﺪﺍﻟﻤﻬﻤﻴﻦ << ﺍﻧﺎ ، " ﻭ ﺳﻜﺖ "
ﺁﻻﺀ << ﻱ ﺭﺏ ﺍﻟﺼﺒﺮ
ﻋﺒﺪﺍﻟﻤﻬﻤﻴﻦ << ﻛﻨﺖ ﻣﺘﺰﻭﺝ ﻣﻦ ﻗﺒﻞ
ﺁﻻﺀ << ﻣﺘﺰﻭﻭﻭﻭﺝ ! ؟
ﻋﺒﺪﺍﻟﻤﻬﻤﻴﻦ << ﻗﺘﻠﻚ ﻛﻨﺖ ! ﻛﻨﺖ ﻳﻌﻨﻲ ﻣﻌﺶ ﻓﻲ ﺷﻲ ﺗﻮﺍ !
ﺁﻻﺀ << ﻣﻄﻠﻘﻴﻦ ﻟﻜﻢ ﻛﻢ ؟
ﻋﺒﺪﺍﻟﻤﻬﻤﻴﻦ << ﻣﺶ ﻣﻄﻠﻘﻴﻦ
ﺁﻻﺀ << ﻟﻌﺒﻪ ﻫﺬﻩ ﻭ ﻻ ﺷﻦ ؟
ﻋﺒﺪﺍﻟﻤﻬﻤﻴﻦ << ﻣﺎﺗﺖ ﻣﻦ ﺳﻨﺘﻴﻦ
ﺁﻻﺀ << ﻣﺎﺗﺖ
ﻋﺒﺪﺍﻟﻤﻬﻤﻴﻦ << ﻭ ﻛﺎﻧﺖ ﺣﺎﻣﻞ ﻭﻗﺘﻬﺎ " ﻭ ﻋﻴﻮﻧﻪ ﺩﻣﻌﻦ "
ﺁﻻﺀ << ﺭﺑﻲ ﻳﺮﺣﻤﻬﺎ
ﻋﺒﺪﺍﻟﻤﻬﻤﻴﻦ << ﻛﺎﻧﺖ ﺗﺸﺒﻬﻠﻚ ! ﻭ ﻫﺬﺍ ﺍﻟﺴﺒﺐ ﺍﻟﺮﺋﻴﺴﻲ ﺍﻟﻠﻲ ﺧﻼﻧﻲ ﻧﻔﻜﺮ ﺍﻧﻲ ﻧﺮﺩ ﻧﺘﺰﻭﺝ ﻟﻤﺎ ﻧﺸﻮﻓﻚ ﻧﺤﺲ ﺍﻧﻬﺎ ﻣﺎﺯﺍﻟﺖ ﻋﺎﻳﺸﻪ ﻭ ﻣﺎﺯﺍﻟﺖ ﻣﻌﺎﻳﺎ
ﺁﻻﺀ << " ﻣﻼﻣﺢ ﺍﻟﺼﺪﻣﻪ ﻉ ﻭﺟﻬﺎ "
ﻋﺒﺪﺍﻟﻤﻬﻤﻴﻦ << ﺍﻭﻝ ﺑﻨﺖ ﺗﺠﻴﻨﺎ ﻩ ﻧﺴﻤﻮﻫﺎ ﻭﺻﺎﻝ ﻉ ﺍﺳﻤﻬﺎ
ﺁﻻﺀ << " ﻛﺎﻧﺖ ﺍﻟﺼﺪﻣﻪ ﺍﻛﺒﺮ ﻣﻦ ﺍﻧﻬﺎ ﺗﺨﻠﻴﻬﺎ ﺗﺤﻜﻲ ﺍﻱ ﺷﻲ "
ﻋﺒﺪﺍﻟﻤﻬﻤﻴﻦ << ﻧﺒﻴﻚ ﺗﺄﺧﺬﻱ ﻭﻗﺘﻚ ﻭ ﺗﻔﻜﺮﻱ ﻗﺒﻞ ﻡ ﺗﺮﺩﻱ ﻋﻠﻴﺎ " ﻭ ﺻﺒﻰ ﻃﻠﻊ "
ﺧﺸﺖ ﺁﻻﺀ ﻭ ﺍﺗﺼﻠﺖ ﺏ ﺷﻤﻮﻉ ﺍﻟﻠﻲ ﻡ ﺭﺩﺗﺶ ﻋﻠﻴﻬﺎ ﺍﺳﺎﺳﺎً
ﻗﻌﻤﺰﺕ ﻑ ﺍﻟﺼﺎﻟﻪ ﻭ ﺟﺖ ﺃﻣﻬﺎ ﺟﻨﺒﻬﺎ
ﻧﺠﻮﻯ << ﺷﻦ ﻛﺎﻥ ﻳﺒﻲ ؟ ﻭ ﻛﻨﻪ ﻣﺸﻰ ﺑﺴﺮﻋﻪ ؟
ﺁﻻﺀ << ﻟﻮ ﺗﻌﺮﻓﻲ ﺷﻦ ﻗﺎﻝ ﺑﺲ
ﻧﺠﻮﻯ << ﺍﺣﻜﻲ ﻭﻗﻔﺘﻲ ﻗﻠﺒﻲ
ﻗﻌﺪﺕ ﺁﻻﺀ ﺗﺤﻜﻴﻠﻬﺎ ﻑ ﺍﻟﻠﻲ ﻗﺎﻟﻪ ﻟﻬﺎ ﻋﺒﺪﺍﻟﻤﻬﻤﻴﻦ ﻭ ﻫﻲ ﻣﺶ ﻗﺎﺩﺭﻩ ﺗﺼﺪﻕ ﻛﻴﻒ ﺍﻟﻔﺘﺮﻩ ﻫﺬﻩ ﻛﻠﻬﺎ ﻗﺪﺭ ﻳﺪﺱ ﺣﺎﺟﻪ ﻛﻴﻒ ﻫﺬﻩ !
ﻛﻤﻠﺖ ﺁﻻﺀ ﻛﻼﻣﻬﺎ ﻣﻦ ﻫﻨﺎ ﻭ ﺍﺗﺼﻠﺖ ﻧﺠﻮﻯ ﻃﻮﻝ ﺑﺨﻮﻫﺎ ﻭ ﺣﻜﺘﻠﻪ
//
//
//
ﺑﻌﺪ ﻳﻮﻣﻴﻦ ﺍﺗﺼﻞ ﻣﺼﻄﻔﻰ ﺏ ﻋﺒﺪﺍﻟﻤﻬﻤﻴﻦ ﻭ ﻗﺎﻟﻪ ﻡ ﻓﺶ ﻧﺼﻴﺐ ، ﺣﺎﻭﻝ ﻣﺮﻩ ﻭ ﺍﺛﻨﻴﻦ ﺍﻧﻪ ﻳﺸﺮﺡ ﻣﻮﻗﻔﻪ ﻭ ﺍﻧﻪ ﻳﺒﻲ ﺁﻻﺀ ﺑﺲ ﺁﻻﺀ ﻫﻲ ﺍﻟﻠﻲ ﻛﺎﻧﺖ ﻣﻌﺶ ﺗﺒﻴﻪ .
-
-
-
ﺷﻤﻮﻉ << ﻳﻌﻨﻲ ﺧﻼﺹ ﻣﻌﺶ ﺗﺒﻲ ﺗﻜﻤﻠﻲ ﻣﻌﺎﻩ ؟
ﺁﻻﺀ << ﺧﻼﺹ ﻛﻞ ﺷﻲ ﺍﻧﺘﻬﻰ
ﺷﻤﻮﻉ << ﻣﻌﻘﻮﻟﻪ ؟
ﺁﻻﺀ << ﺷﻦ ﻫُﻮَ ﺍﻟﻠﻲ ﻣﻌﻘﻮﻟﻪ ؟ ﻳﻌﻨﻲ ﺍﻳﻤﻦ ﺍﻟﻠﻲ ﻛﺎﻥ ﺑﻴﻨﺎﺗﻨﺎ ﺣﺐ ﺳﻨﻴﻦ ﻭ ﺍﻧﺘﻬﻰ ﻑ ﻟﺤﻈﻪ ﺟﺖ ﻉ ﻋﺒﺪﺍﻟﻤﻬﻤﻴﻦ
ﺷﻤﻮﻉ << ﻣﻦ ﺟﺪﻙ ؟ ﺑﺎﻟﺴﻬﻮﻟﻪ ﻫﺬﻩ ﺗﺒﻲ ﺗﻨﺴﻲ ؟
ﺁﻻﺀ << ﻣﻌﺶ ﻋﻨﺪﻱ ﺟﻬﺪ ﻟﺸﻲ
ﺷﻤﻮﻉ << ﺑﺲ ﺍﻧﺖِ ﺗﺤﺒﻴﻪ ؟
ﺁﻻﺀ << ﻭ ﺑﺮﺿﻮ ﻛﻨﺖ ﻧﺤﺐ ﺍﻳﻤﻦ ؟ ﻭ ﺳﻴﺒﺘﻪ ﻻﻧﻪ ﺧﺎﻟﻮ ﻭ ﻣﺎﻣﺎ ﻳﺒﻮ ﻫﻜﻲ ؟ ﻭ ﺣﺘﻰ ﺗﻮﺍ ﻫﻤﺎ ﻳﺒﻮ ﻫﻜﻲ
ﺷﻤﻮﻉ << ﻭ ﺍﻧﺖِ ﺷﻦ ﺗﺒﻲ ؟
ﺁﻻﺀ << ﻣﻌﺶ ﻧﺒﻲ ﺷﻲ
ﺍﺿﺒﻄﺘﻬﺎ ﺷﻤﻮﻉ ﻭ ﻗﻌﺪﺕ ﺗﺒﻜﻲ
ﺁﻻﺀ << ﺍﻧﺎ ﺍﻟﻠﻲ ﻣﻔﺮﻭﺽ ﻧﺒﻜﻲ ﻣﺶ ﺍﻧﺖِ ؟
ﺷﻤﻮﻉ << ﻛﻞ ﺷﻲ ﻗﺎﻋﺪ ﻳﻤﺸﻲ ﺑﺎﻟﻤﻘﻠﻮﺏ
ﺁﻻﺀ << ﻛﻴﻒ ؟
ﺷﻤﻮﻉ << ﻛﻠﻤﺘﻨﻲ ﺳﻤﺮ ﻭ ﻗﺎﻟﺖ ﺍﻧﻪ ﻩ ﺗﻄﻠﻖ ﻫﻲ ﻭ ﻭﺳﺎﻡ
ﺁﻻﺀ << ﻛﻴﻒ ؟ ﻭ ﻟﻴﺶ ؟ ﺷﻦ ﺻﺎﻳﺮ ؟
ﺷﻤﻮﻉ << ﻡ ﺗﺮﻳﺤﺘﺶ ﺑﻜﻞ ﻣﻦ ﻫﻠﻪ ﻭ ﺿﺎﻏﻄﻴﻦ ﻋﻠﻴﻪ ﺑﺸﻜﻞ ﻣﺶ ﻃﺒﻴﻌﻲ ﻑَ ﻳﺒﻮ ﻳﻨﻔﺼﻠﻮ
ﺁﻻﺀ << ﻭ ﻫُﻮَ ﻣﻮﺍﻓﻖ !
ﺷﻤﻮﻉ << ﻡ ﻓﻲ ﻳﺪﻩ ﺷﻲ
ﺁﻻﺀ << ﺧﻠﻴﻨﻲ ﻧﺘﺼﻞ ﻧﻔﻬﻢ ﻣﻨﻬﺎ
ﺷﻤﻮﻉ << ﻭ ﺍﻟﻜﺎﺭﺛﻪ ﺍﻷﻛﺒﺮ ﺍﻧﻪ ﺍﻟﻬﺎﻡ ﻣﻌﺶ ﺗﺒﻲ ﻓﺮﻳﺪ ﺑﺴﺒﺒﻲ ﺍﻧﺎ ﺧﻼﺹ ﻣُﺼﺮﻩ ﺍﻧﻬﺎ ﺗﺴﻴﺒﻪ
ﺁﻻﺀ << ﻣﺶ ﻣﺴﺘﻮﻋﺒﻪ ﺍﻟﻠﻲ ﻗﺎﻋﺪ ﻳﺼﻴﺮ ﻣﻌﺎﻧﺎ
ﺷﻤﻮﻉ << ﻗﺘﻠﻚ ﻛﻞ ﺷﻲ ﻳﻤﺸﻲ ﻏﻠﻂ ﻣﻦ ﻫﺬﻙ ﺍﻟﻴﻮﻡ
ﺁﻻﺀ << ﻧﻨﺰﻟﻮ ﻝ ﻧﺴﺮﻳﻦ ﺑﺎﻩ ؟
ﺷﻤﻮﻉ << ﻫﺬﻩ ﺑﺬﺍﺕ ﺍﻧﺎ ﻣﻌﺶ ﻧﺒﻲ ﻧﺤﻜﻲ ﻣﻌﺎﻫﺎ
ﺁﻻﺀ << ﺷﻤﻌﻪ ! ﺧﻼﺹ ﻋﺎﺩ
ﺷﻤﻮﻉ << ﻻﺯﻡ ﺇﻟﻬﺎﻡ ﺗﻔﻬﻢ ﻣﻨﻲ ﻭ ﻓﺮﻳﺪ ﻡ ﻳﺴﻤﻌﺶ ﻛﻼﻣﻬﺎ ﻭ ﻳﻄﻠﻘﻬﺎ
ﺁﻻﺀ << ﻭ ﺍﻧﺖِ ﺷﻦ ﻓﻲ ﻳﺪﻙ ﻳﻌﻨﻲ ؟
ﺷﻤﻮﻉ << ﻣﺶ ﻋﺎﺭﻓﻪ ﺑﺲ ﻻﺯﻡ ﻧﺪﻳﺮ ﺷﻲ
//
//
//
ﺑﻌﺪ ﻛﻢ ﻳﻮﻡ ﻣﺸﺖ ﺷﻤﻮﻉ ﻝ ﻓﺮﻳﺪ ﻑ ﺍﻟﻤﺴﺘﺸﻔﻰ ﻭ ﻗﻌﺪﺕ ﺗﺮﺍﺟﻲ ﻓﻴﻪ ﻋﻨﺪ ﻡ ﻳﻜﻤﻞ ﻭ ﻟﻤﺎ ﻃﻠﻊ ﺭﻛﺒﺖ ﻣﻌﺎﻩ ﻑ ﺍﻟﺴﻴﺎﺭﻩ
ﻓﺮﻳﺪ << ﺷﻤﻮﻉ
ﺷﻤﻮﻉ << ﻗﺒﻞ ﻡ ﺗﺤﻜﻲ ﺍﻱ ﺷﻲ ! ﻓﺮﺝ ﻳﺒﻲ ﻳﺘﺰﻭﺟﻨﻲ ﻭ ﻳﺒﻴﻨﻲ ﻧﻜﻮﻥ ﻣﺮﺍﺗﻪ ﻭ ﺣﻼﻟﻪ ﻗﺪﺍﻡ ﺍﻟﻨﺎﺱ ﻛﻠﻬﺎ !
ﻓﺮﻳﺪ << ﺑﺎﻫﻲ ﺗﻤﺎﻡ " ﻭ ﻭﻟﻊ ﺍﻟﺴﻴﺎﺭﻩ "
ﺷﻤﻮﻉ << ﻋﺎﺭﻓﻪ ﺍﻧﻜﻢ ﻣﺘﺰﺍﻋﻠﻴﻦ ﺍﻧﺖَ ﻭ ﺍﻟﻬﺎﻡ ﻭ ﻩ ﻧﺤﻜﻲ ﻣﻌﺎﻫﺎ ﺍﻧﺎ ﻭ ﻣﺶ ﻩ ﺗﺴﻴﺒﻮ ﺑﻌﻀﻜﻢ
ﻓﺮﻳﺪ << ﻫﻲ ﻓﺎﻫﻤﻪ ﻭ ﻋﺎﺭﻓﻪ ﺑﺲ ﻣﺴﻜﺮﻩ ﺭﺃﺳﻬﺎ ﺑﺲ ﻣﺴﺘﺤﻴﻞ ﻧﺴﻴﺒﻬﺎ ، ﺗﺤﻠﻢ ﻟﻮ ﻓﻜﺮﺕ ﺍﻧﻲ ﻩ ﻧﺨﻠﻴﻬﺎ ﺑﺮﻭﺣﻬﺎ
//
//
//
ﻧﺴﺮﻳﻦ << ﺁﻻﺀ ؟ ﺳﻤﻌﺘﻲ ﺳﻤﺮ ﻣﺮﻭﺣﻪ ﺍﻟﻴﻮﻡ
ﺁﻻﺀ << ﺍﻫﺎ ﻛﻠﻤﺘﻨﻲ ﺑﺪﺭﻱ
ﻧﺴﺮﻳﻦ << ﻣﺶ ﻋﺎﺭﻓﻪ ﻛﻨﻜﻦ ﺃﻧﺘﻦ ﺍﻻﺛﻨﻴﻦ
ﺁﻻﺀ << ﻡ ﺗﺮﻛﺰﻳﺶ ، ﺍﻟﻤﻬﻢ ﺍﻧﺖِ ﺷﻦ ﺟﻮﻙ ﻣﻊ ﺍﺩﻫﻢ ؟
ﻧﺴﺮﻳﻦ << ﺍﻫﻮ ﻧﻤﺸﻲ ﻑ ﺟﻮﻱ ﻣﻌﺎﻩ ﻭ ﺧﻼﺹ
ﺁﻻﺀ << ﺍﻟﻬﺎﻡ ﻑ ﺷﻘﺘﻬﺎ ؟
ﻧﺴﺮﻳﻦ << ﺍﻫﺎ ﺗﻘﺮﻳﺒﺎ
ﺁﻻﺀ << ﺑﻨﻤﺸﻲ ﻧﻬﺪﺭﺯ ﻣﻌﺎﻫﺎ ﺷﻮﻳﻪ ، ﺍﺗﺠﻲ ﻣﻌﺎﻳﺎ؟
ﻧﺴﺮﻳﻦ << ﻻﻻ ﻡ ﻋﻨﺪﻳﺶ ﻭﺟﻪ ﺍﻟﺤﻖ ﻧﻘﺎﺑﻠﻬﺎ ﺑﻴﻪ ﺑﻌﺪ ﺍﻟﻠﻲ ﺩﺭﺍﺗﻪ ﺷﻤﻮﻉ
ﺁﻻﺀ << ﻋﻠﻴﻚ ﺩﺭﺍﻣﺎ
ﻣﺸﺖ ﺁﻻﺀ ﻭ ﻗﻌﺪﺕ ﺗﻬﺪﺭﺯ ﻣﻊ ﺍﻟﻬﺎﻡ
ﺍﻟﻬﺎﻡ << ﻛﻨﺖ ﻭﺍﺛﻘﻪ ﻓﻴﻪ ﺑﺲ ﺧﻼﺹ
ﺁﻻﺀ << ﺻﺪﻗﻴﻨﻲ ﻓﺮﻳﺪ ﻡ ﻳﺤﺒﺶ ﻏﻴﺮﻙ ﻭ ﺷﻤﻌﻪ ﻣﺠﺮﺩ ﺻﺪﻳﻘﻪ ﻟﻪ ﻭ ﻻﻧﻪ ﻫُﻮَ ﺧﺎﻳﻒ ﻋﻠﻴﻬﺎ ﺗﻐﻠﻂ ﻫﺬﺍ ﻟﻴﺶ ﻳﻮﻣﻬﺎ ﻣﺸﻰ ﻭﺭﺍﻫﺎ ﻭ ﻫﻲ ﺧﻼﺹ ﺗﺤﺐ ﻭﺍﺣﺪ ﻭ ﻳﺒﻲ ﻳﺘﺰﻭﺟﻬﺎ
ﺇﻟﻬﺎﻡ << ﻧﻔﺴﻪ ﻓﺮﺝ ؟
ﺁﻻﺀ << ﺍﻫﺎ ﻫُﻮَ ﻓﺮﺝ ، ﻡ ﺗﺨﻠﻴﺶ ﻓﺮﻳﺪ ﻳﻀﻴﻊ ﻣﻨﻚ ﻋﺸﺎﻥ ﺷﻮﻳﺔ ﺷﻜﻮﻙ !
ﺍﻟﻬﺎﻡ << ﻟﻤﺎ ﻳﺮﻭﺡ ﺗﻮ ﻧﺤﻜﻲ ﺍﻧﺎ ﻭﻳﺎﻩ
ﺁﻻﺀ << ﻟﻴﺶ ﻡ ﺗﺘﺼﻠﻲ ﺑﻴﻪ ﺗﻮﺍ ؟
ﺍﻟﻬﺎﻡ << ﻓﻜﺮﻩ ﻭ ﺍﻟﻠﻪ
ﻗﻌﺪﺕ ﺍﻟﻬﺎﻡ ﺗﺘﺼﻞ ﺑﻴﻪ ﺑﺲ ﻡ ﻳﺮﺩﺵ ! ﺟﺮﺑﺖ ﻣﺮﻩ ﺍﺧﺮﻩ ﺑﺲ ﺭﺩ ﻋﻠﻴﻬﺎ ﺣﺪ ﺍﺧﺮ
ﺍﻟﻬﺎﻡ << ﻣﻦ ﻣﻌﺎﻳﺎ ؟
<< ﺷﻦ ﻳﻘﺮﺑﻠﻚ ﺻﺎﺣﺐ ﺍﻟﻨﻘﺎﻝ ،
ﺍﻟﻬﺎﻡ << ﺭﺍﺟﻠﻲ ! ﻓﻲ ﺣﺎﺟﻪ ﻭ ﻻ ﺷﻦ ؟ ﻭﻳﻨﻪ ﻟﻴﺶ ﻡ ﺭﺩﺵ ﻫُﻮَ ؟
<< ﻗﺎﻋﺪ ﻑ ﺍﻟﻤﺴﺘﺸﻔﻰ ﻭ ﻻﺯﻡ ﺣﺪ ﻣﻦ ﻫﻠﻪ ﺍﻳﺠﻲ !
ﺍﻟﻬﺎﻡ << ﻣﺴﺘﺸﻔﻰ ؟ ﻛﻴﻒ ؟ ﺷﻦ ﻓﻴﻪ ؟؟
//
//
//
ﺑﻌﺪ ﺣﺎﺟﺔ ﻧﺺ ﺳﺎﻋﻪ ﻫﻜﻲ ، ﻃﻠﻌﺖ ﺁﻻﺀ ﻣﻊ ﺍﻟﻬﺎﻡ ﺑﻌﺪ ﻡ ﺁﻻﺀ ﺭﻧﺖ ﻉ ﺍﻟﺴﻮﺍﻕ ﻭ ﻣﺸﻮ ﻟﻠﻤﺴﺘﺸﻔﻰ !
ﺍﻟﻐﺮﻳﺐ ﺍﻧﻪ ﺁﻻﺀ ﻟﻘﺖ ﻏﺎﺩﻱ ﻧﺴﺮﻳﻦ ﻭ ﺳﻤﺮ ﻗﺒﻠﻬﺎ ، ﻛﺎﻥ ﻭﺳﺎﻡ ﻭ ﻣُﻌﺘﺼﻢ ﻭ ﻓﺮﺝ ﻭ ﺍﻻﻏﺮﺏ ﺍﻧﻪ ﺣﺘﻰ ﻋﺒﺪﺍﻟﻤﻬﻤﻴﻦ ﻛﺎﻥ ﻏﺎﺩﻱ
ﺍﻟﻬﺎﻡ << ﻭﻳﻦ ﻓﺮﻳﺪ ؟ ﺷﻦ ﺻﺎﺭﻟﻪ ؟؟؟ " ﻭ ﺗﺒﻜﻲ "
ﺁﻻﺀ << ﺷﻦ ﻓﻲ ؟ ﻛﻨﻜﻢ ﻛﻠﻜﻢ ﻫﻨﺎ ؟
ﻗﺮﺑﺖ ﺳﻤﺮ ﻣﻦ ﺁﻻﺀ ﻭ ﺍﺿﺒﻄﺘﻬﺎ ﻭ ﻗﻌﺪﺕ ﺗﺒﻜﻲ ﻭ ﺗﻘﻮﻟﻠﻬﺎ " ﺳﻴﺒﺘﻨﺎ ﻭ ﻣﺸﺖ "
ﺁﻻﺀ << ﻣﻦ ؟ ﺳﻤﺮ ﺑﻄﻠﻲ ﻭ ﺍﺣﻜﻲ ؟ ﻟﻴﺶ ﺗﺒﻜﻲ ؟؟؟ ﻛﻨﻚ ؟ ﻭﻳﻦ ﻓﺮﻳﺪ ﺑﺎﻩ ؟؟
ﻓﺮﺝ ﻛﺎﻥ ﺍﻣﺼﺒﻲ ﻋﻨﺪ ﺍﻟﺒﺎﺏ ﻭ ﻳﺒﻜﻲ ﺑﺮﻭﺣﻪ ﻭ ﻓﻲ ﻧﻔﺲ ﺍﻟﻮﻗﺖ ﺧﺸﺖ ﺍﺧﺖ ﻓﺮﻳﺪ ﻭ ﺗﻌﻴﻂ ﻭ ﺑﺎﺗﻪ ﻭ ﺍﻟﺪﻧﻴﺎ ﺧﺸﺖ ﻑ ﺑﻌﻀﻬﺎ
ﺁﻻﺀ << ﻓﺮﻳﺪ ﻣﺎﺕ ﻗﺼﺪﻛﻢ ؟؟؟؟ ﺣﺮﺍﻡ ﻋﻠﻴﻜﻢ ﻃﻤﻨﻮ ﺍﻟﻬﺎﻡ ؟؟؟
ﺳﻤﺮ << ﻣﺶ ﻓﺮﻳﺪ ﺑﺲ " ﻭ ﺗﺒﻜﻲ ﻣﻦ ﺟﺪﻫﺎ "
ﺁﻻﺀ << ﻓﺮﺝ ﻳﺒﻜﻲ ؟؟ ﻓﺮﺭﺭﺭﺭﺝ ؟ ﺷﻤﻌﻪ ﻭﻳﻦ ؟؟، ﺷﻤﻌﻪ ﻣﺶ ﻛﻨﺖ ﺗﺒﻲ ﺗﺘﻼﻗﻰ ﻣﻌﺎﻫﺎ ؟؟؟ ﻓﺮﺭﺝ ﺭﺩ ﻋﻠﻴﺎ ؟؟ ﺗﻲ ﺣﺪ ﻳﺮﺩ ﺷﻤﻮﻉ ﻭﻳﻦ ؟؟؟
ﺟﺎ ﺷﻮﺭﻫﺎ ﻋﺒﺪﺍﻟﻤﻬﻤﻴﻦ ﻭ ﻗﺎﻟﻠﻬﺎ
ﻋﺒﺪﺍﻟﻤﻬﻤﻴﻦ << ﻋﻄﺎﺗﻚ ﻋﻤﺮﻫﺎ
ﻑ ﺍﺧﺮ ﻟﺤﻈﻪ ﻣﺴﻜﻬﺎ ﻗﺒﻞ ﻡ ﺍﻃﻴﺢ ﻭ ﻫﻲ ﺗﻌﻴﻂ ﻭ ﺗﺒﻜﻲ
ﺁﻻﺀ << ﺷﻤﻌﻪ ﻭﻳﻦ ﻭ ﺑﻄﻞ ﻛﺬﺏ ! ﻑ ﺍﻟﺼﺒﺢ ﺣﻜﺖ ﻣﻌﺎﻳﺎ !
ﻧﺴﺮﻳﻦ << ﻛﺎﻧﺖ ﻑ ﺍﻟﺴﻴﺎﺭﻩ ﻣﻊ ﻓﺮﻳﺪ ﻟﻤﺎ ﺩﺍﺭﻭ ﺣﺎﺩﺙ
ﺍﻟﺪﻧﻴﺎ ﻭﻗﻔﺖ ﻗﺪﺍﻡ ﺁﻻﺀ ﻭ ﻣﻌﺶ ﻗﻌﺪﺕ ﺗﺸﻮﻑ ﻗﺪﺍﻣﻬﺎ ﻭ ﻛﻞ ﺍﻟﻠﻲ ﻑ ﺑﺎﻟﻬﺎ ﺷﻤﻮﻉ ﻭ ﻛﻼﻣﻬﺎ ﻭ ﺿﺤﻜﺘﻬﺎ ﻭ ﺣﺮﻛﺎﺗﻬﺎ
/
/
/
ﻣﺸﻦ ﺍﻳﺎﻡ ﺍﻟﻌﺰﺍﺀ ﻭ ﻡ ﺣﺪ ﻣﺴﺘﻮﻋﺐ ﺷﻦ ﺍﻟﻠﻲ ﺻﺎﺭ ﻑ ﻟﺤﻈﻪ !
ﻛﻞ ﺷﻲ ﺍﻧﺘﻬﻰ ﻑ ﻟﺤﻈﻪ ! ﺍﻟﻬﺎﻡ ﻭ ﻓﺮﻳﺪ ﻛﺎﻧﺖ ﻧﻬﺎﻳﺘﻬﻢ ﺑﺪﺃﺕ ﺗﺮﺗﺴﻢ ﻣﻦ ﺍﻟﻴﻮﻡ ﺍﻟﻠﻲ ﺗﻼﻗﻮ ﻓﻴﻪ ﻣﻊ ﻧﺴﺮﻳﻦ ﻭ ﺳﻤﺮ ﻑ ﺍﻟﺠﺎﻣﻌﻪ !
ﺣﻴﺎﺓ ﺷﻤﻮﻉ ﺍﻧﺘﻬﺖ ﻣﻦ ﺍﻭﻝ ﻡ ﺗﻌﺮﻓﺖ ﻉ ﻓﺮﺝ !
ﺳﻤﺮ ﺭﺩﺕ ﻟﻬﻠﻬﺎ ﻻﻧﻪ ﻋﻼﻗﺘﻬﻢ ﻡ ﻛﺎﻧﺘﺶ ﻣﺒﻨﻴﻪ ﻉ ﺷﻲ !
ﺑﻌﺪ ﻓﺘﺮﻩ ﻧﺴﺮﻳﻦ ﺳﺎﻓﺮﺕ ﻣﻊ ﻫﻠﻬﺎ ﻭ ﺗﺰﻭﺟﺖ ﺑﺮﺍ ﻭ ﻗﺒﻞ ﻡ ﺗﺴﺎﻓﺮ ﺣﻜﺎﻟﻬﺎ ﺍﺩﻫﻢ ﻉ ﻛﻞ ﺷﻲ ﺑﺲ ﻛﺎﻥ ﻭﻗﺘﻬﺎ ﻫُﻮَ ﻣﺘﻌﻠﻖ ﺑﻴﻬﺎ ﺟﺪﻳﺎﺕ ! ﺑﺲ ﻡ ﻗﺪﺭﺗﺶ ﺗﻜﻤﻞ ﻣﻌﺎﻩ ﺑﻌﺪ ﻋﺮﻓﺖ ﺍﻧﻪ ﻛﺎﻥ ﻣﺘﻔﻖ ﻣﻊ ﺍﻟﺒﻨﺎﺕ ﻭ ﺍﻧﻪ ﻋﻼﻗﺘﻬﻢ ﻛﻠﻬﺎ ﻛﺎﻧﺖ ﻛﺬﺑﻪ !!
//
//
//
ﺑﻌﺪ 5 ﺷﻬﻮﺭ
ﻧﺠﻮﻯ << ﺁﻻﺀ ﻭﻳﻨﻚ ؟
ﺁﻻﺀ << ﻧﻌﻢ ﻱ ﻣﺎﻣﺎ ، ﻑ ﺍﻟﺪﺍﺭ ﻗﺎﻋﺪﻩ
ﻧﺠﻮﻯ << ﺗﻌﺎﻟﻲ ﺑﺴﺮﻋﻪ
ﺁﻻﺀ << ﺷﻮﻳﻪ ﺑﺲ
ﺻﺒﺖ ﺁﻻﺀ ﻣﻦ ﻉ ﺍﻟﻼﺏ ﺗﻮﺏ ﻭ ﻃﻠﻌﺖ ﺗﺸﻮﻑ ﻑ ﺃﻣﻬﺎ
ﺁﻻﺀ << ﺷﻦ ﻓﻲ ؟
ﻧﺠﻮﻯ << ﺗﻌﺎﻟﻲ ﺷﻮﻓﻲ ﻣﻦ ﺟﺎ
ﺁﻻﺀ << ﻣﻦ ؟ " ﻭ ﻣﺸﺖ ﺷﻮﺭ ﺍﻟﺮﻭﺷﻦ "
ﻛﺎﻥ ﺍﻳﻤﻦ ﻧﺎﺯﻝ ﻣﻦ ﺍﻟﺴﻴﺎﺭﻩ ﻭ ﻋﻴﻮﻧﻪ ﻣﺸﻦ ﻉ ﻃﻮﻝ ﻓﻮﻕ ﺷﻮﺭ ﺍﻟﺮﻭﺷﻦ ﻳﺒﺤﺖ
ﺁﻻﺀ << ﺭﻭﺡ ﺍﺧﺮﻩ ﺷﻜﻠﻪ
ﻧﺠﻮﻯ << ﺍﻫﺎ ﻗﺎﻟﻮ ﻛﺎﻥ ﻋﻨﺪ ﺧﺎﻟﻪ ﻟﻪ ﻓﺘﺮﻩ
ﺁﻻﺀ << ﺑﻨﺮﺩ ﻟﺪﺍﺭ
ﻧﺠﻮﻯ << ﻣﺎﺯﻟﺘﻲ ﻣﺴﻜﺮﻩ ﺭﺍﺳﻚ ﺍﻧﻚ ﺗﻜﺘﺒﻲ !
ﺁﻻﺀ << ﺍﻫﺎ ﺑﻨﻜﺘﺐ ﻧﺒﻲ ﺍﻱ ﺷﻲ ﻳﺸﻐﻠﻨﻲ ﻋﺸﺎﻥ ﻡ ﻧﻔﻜﺮﺵ ﻻ ﻑ ﺍﻳﻤﻦ ﻭ ﻻ ﻑ ﺷﻤﻌﻪ ﻭ ﻻ ﻑ ﺣﺪ " ﻭ ﺧﺸﺖ ﻟﺪﺍﺭﻫﺎ "
/
/
/
ﺑﻌﺪ ﺳﺎﻋﻪ ﺭِﻥ ﺍﻟﺠﺮﺱ ﻭ ﻣﺸﺖ ﺁﻻﺀ ﺗﻔﺘﺢ ﻑ ﺍﻟﺒﺎﺏ ﻭ ﻛﺎﻧﺖ ﻣﺘﻮﻗﻌﻪ ﺍﻧﻪ ﺍﻳﻤﻦ ﻭ ﺑﺎﻟﻔﻌﻞ ﻛﺎﻥ ﻫُﻮَ
ﺍﻳﻤﻦ << ﺣﺒﻴﺒﻲ ﺭﺍﻳﻔﺖ ﻋﻠﻴﻚ ﺑﻜﻞ " ﻭ ﻣﺴﻚ ﻳﺪﻫﺎ "
ﺁﻻﺀ << ﻟﻮ ﺗﺸﻮﻓﻚ ﻣﺎﻣﺎ ﻣﺶ ﻩ ﻳﺼﻴﺮ ﺧﻴﺮ ﻭ ﻧﻌﻢ ﺷﻦ ﺗﺒﻲ ؟
ﺍﻳﻤﻦ << ﺍﻣﻚ ﻋﺎﺭﻓﻪ ﺍﻧﻲ ﻧﺒﻲ ﻧﺤﻜﻲ ﻣﻌﺎﻙ ، ﻋﺎﺭﻑ ﺍﻧﻚ ﻛﻨﺘﻲ ﻣﺤﺘﺎﺟﻪ ﻟﺤﺪ ﻳﻜﻮﻥ ﻣﻌﺎﻙ ﺍﻟﻔﺘﺮﻩ ﺍﻟﻠﻲ ﻓﺎﺗﺖ ﻭ ﺍﻟﻤﻔﺮﻭﺽ ﺍﻟﺸﺨﺺ ﻫﺬﺍ ﻛﺎﻥ ﺍﻧﺎ ! ﺳﺎﻣﺤﻴﻨﻲ
ﺁﻻﺀ << ﻧﺴﺎﻣﺤﻚ ﻉ ﺷﻦ ؟
ﺍﻳﻤﻦ << ﻉ ﺍﻧﻲ ﺳﻴﺒﺘﻚ ؟ ﻭ ﻉ ﺍﻧﻲ ﻡ ﺗﻤﺴﻜﺘﺶ ﺑﻴﻚ ! ﻭ ﻉ ﺍﻧﻲ ﻡ ﻛﻨﺘﺶ ﻣﻌﺎﻙ ! ﻭ ﻉ ﺍﻧﻲ ﺧﻠﻴﺖ ﻛﺬﺑﻪ ﺧﺮﺑﺖ ﻋﻠﻴﻨﺎ ﻛﻞ ﺷﻲ ﻛﺎﻥ ﺑﻴﻨﺎﺗﻨﺎ !
ﺁﻻﺀ << ﺍﻳﻤﻦ ! ﻟﻴﺶ ﺭﺩﻳﺖ ؟ ﻡ ﺻﺪﻗﺖ ﺍﻧﻲ ﺑﺪﻳﺖ ﻧﺘﺮﻳﺢ ﺷﻮﻳﻪ ؟ ﺷﻦ ﺗﺒﻲ ؟؟
ﺍﻳﻤﻦ << ﻧﺒﻲ ﻛﻞ ﺷﻲ ﻳﺮﺩ ﻛﻮﻳﺲ ! ﻭ ﺗﺮﺩ ﺻﺤﺘﻚ ﺍﺣﺴﻦ ﻣﻦ ﻗﺒﻞ ﻭ ﻧﻜﻮﻧﻮ ﻟﺒﻌﻀﻨﺎ !! ﻧﺒﻲ ﻓﺮﺻﻪ ﺑﺲ ! ﻓﺮﺻﻪ ﻭﺣﺪﻩ ﻭ ﻣﺶ ﻩ ﺗﻨﺪﻣﻲ ﺻﺪﻗﻴﻨﻲ
ﻧﺠﻮﻯ << ﺍﻳﻤﻦ ﻫﺬﺍ ﺍﻟﻠﻲ ﻉ ﺍﻟﺒﺎﺏ ! ﻛﻨﻪ ﻡ ﺧﺶ
ﺁﻻﺀ << ﺧﺒﺮ / ﺗﻔﻀﻞ ﺧﺶ !
ﺧﺶ ﺍﻳﻤﻦ ﻭ ﻗﻌﺪ ﻳﺤﻜﻲ ﻣﻊ ﻧﺠﻮﻯ ﻉ ﺍﻧﻪ ﻳﺒﻲ ﻳﺨﻄﺐ ﺁﻻﺀ ﺭﺳﻤﻲ ﻭ ﺍﻧﻪ ﺑﺎﺗﻪ ﻣﻮﺍﻓﻖ ﻭ ﺃﻣﻪ ﻧﺎﺩﻣﻪ ﻉ ﺍﻟﻠﻲ ﺻﺎﺭ
//
//
ﺑﻌﺪ ﺷﻬﺮ ﺧﻄﺒﻬﺎ ﻭ ﺭﺩﺕ ﺗﺘﺤﺴﻦ ﺷﻮﻳﻪ ﺏ ﺷﻮﻳﻪ
ﺍﻳﻤﻦ << ﺁﻻﺀ ﺳﻤﻌﺖ ﻣﻦ ﺍﻣﻚ ﺍﻧﻚ ﺗﻜﺘﺒﻲ ﻑ ﺭﻭﺍﻳﻪ ﻭ ﻓﻴﻬﺎ ﻗﺼﺺ ﺷﻮﺭ ﺍﻟﺒﻨﺎﺕ !
ﺁﻻﺀ << ﺍﻫﺎ ، ﻛﻞ ﺟﺰﺀ ﺑﻄﻠﺘﻪ ﻭﺣﺪﻩ ﻣﻦ ﺍﻟﺒﻨﺎﺕ ، ﻭ ﺍﻟﺠﺰﺀ ﺍﻻﻭﻝ ﻫﻴﻜﻮﻥ ﺑﻠﺴﺎﻥ ﺷﻤﻌﻪ " ﻭ ﻗﻌﺪﺕ ﺗﺒﻜﻲ "
ﺍﻳﻤﻦ << ﺍﻣﺴﺤﻲ ﺩﻣﻮﻋﻚ ، ﻭﺭﻳﻨﻲ ﻛﺬﺍ ﺷﻦ ﻛﺎﺗﺒﻪ ﻋﺸﺎﻥ ﻧﻌﻄﻴﻚ ﺭﺍﺋﻲ
ﺁﻻﺀ << ﻣﺶ ﻣﻌﺘﺮﺽ ﻳﻌﻨﻲ ؟
ﺍﻳﻤﻦ << ﻃﺎﻟﻤﺎ ﺍﻟﺤﺎﺟﻪ ﻫﺬﻩ ﻩ ﺗﺨﻠﻴﻚ ﻣﺒﺴﻮﻃﻪ ﻟﻴﺶ ﻧﻌﺘﺮﺽ ! ﻭ ﺑﻌﺪﻳﻦ ﻡ ﻓﻴﻬﺎ ﺷﻲ ﻭ ﻡ ﺍﺩﻳﺮﻳﺶ ﻑ ﺣﺎﺟﻪ ﻏﻠﻂ ﺍﻧﺖِ
ﺁﻻﺀ << ﻧﺠﻚ ﻟﻴﺎ ﻭ ﺧﻼﺹ ﺷﻮﻳﻪ ﻧﺠﻴﺐ ﺍﻟﻼﺏ ﻭ ﻧﻘﺮﺍﻟﻚ ﺍﻹﻫﺪﺍﺀ
//
//
//
" ﻣﺎﺫﺍ ﻟﻮ ﺍﻧﻄﻔﺌﺖ ﺷﻤﻌﺘﻲ ﻓﻲ ﻭﺳﻂ ﺍﻟﻈﻼﻡ "
ﺍﻳﻤﻦ << ﻛﻤﻴﺔ ﺍﻟﻮﺟﻊ ﻑ ﺍﻭﻝ ﺟﻤﻠﻪ !
ﺁﻻﺀ << ﻩ ﻳﻜﻮﻥ ﺑﺮﺿﻮ ﺍﻹﻫﺪﺍﺀ ﻝ ﺷﻤﻮﻉ ، ﺷﻦ ﺭﺃﻳﻚ !
ﺍﻳﻤﻦ << ﺗﻤﺎﻡ ، ﺷﻦ ﻛﺎﺗﺒﻪ ﺍﺧﺮﻩ !
" ﺃﻇﻦ ﺍﻧﻪ ﻻ ﻳﻮﺟﺪ ﺍﺳﻮﺀ ﻣﻦ ﻛﺬﺑﺔ ﺗﺘﺤﻮﻝ ﻟﺤﻘﻴﻘﻪ ! ﻧﺤﺎﻭﻝ ﻣﺮﺍﺭﺍً ﻭ ﺗﻜﺮﺍﺭﺍً ﻟﻨﺨﺮﺝ ﻣﻤﺎ ﺣﺪﺙ ﺑﺴﺒﺒﻬﺎ؛ ﻭ ﻟﻜﻦ ﻓﻮﺭ ﺗﺼﺪﻳﻘﻨﺎ ﻟﻬﺎ ﺗﺘﺤﻮﻝ ﻷﻛﺒﺮ ﻛﺎﺭﺛﻪ ﻓﻲ ﺣﻴﺎﺗﻨﺎ ! "
ﺍﻳﻤﻦ << ﻣﻦ ﻭﺭﺍﻳﺎ ﺍﻟﻤﻮﻫﺒﻪ ﻫﺬﻩ ؟ ﺍﺣﻜﻴﻠﻲ ﺍﺣﻜﻴﻠﻲ
ﺁﻻﺀ << ﻣﺶ ﻣﻮﻫﺒﻪ ؟ ﺻﺪﻗﻨﻲ ﻛﻠﻪ ﻃﺎﻟﻊ ﻣﻦ ﻗﻠﺒﻲ ! ﺍﻟﺤﺎﺟﻪ ﺍﻟﻠﻲ ﺻﺎﺭﺕ ﻭ ﺍﺗﺠﻲ ﺗﺤﻜﻲ ﻋﻠﻴﻬﺎ ﻡ ﻓﻴﻬﺎﺵ ﺍﻱ ﻣﻮﻫﺒﻪ
ﺍﻳﻤﻦ << ﻛﻴﻒ ؟
ﺁﻻﺀ << ﻩ ﺗﻌﺮﻑ ﻟﻤﺎ ﺗﻘﺮﺍ ﻛﻞ ﺍﻟﻤﻜﺘﻮﺏ .
" ﻣﻌﻈﻢ ﺍﻟﻨﻬﺎﻳﺎﺕ ﻣﺆﻟﻤﺔ ، ﻣﺎﺫﺍ ﻟﻮ ﻛﺎﻧﺖ ﺍﻟﺒﺪﺍﻳﺔ ﻛﺬﺍﻟﻚ "
# ﺍﻟﻨﻬﺎﻳﺔ

#ﻛـﺬﺑﺔﺓ_ﺇﺑـﺮﻳﻞْ 🍃
#ﺭﻭﺍٓﻳﺎﺕ_ﺃﻧﺜﻰ_ﺷﺮﻗﻴﺔﻩ 💚