لقيطه ولكن
ب قلم: منى المجبري
المقدمه
نولد ف هذهي الحياه ب حكمه❤
من خالقنا ولا أحد منا له القدره❤
على اختيار مسار حياته ،ف الله❤
يخلقنا ويخلق ل كل منا مسار ❤
مختلف يسلكه والله قادر على ❤
تغيير مسرات البشر للافضل او الاسوء❤
ب قلم :منى المجبري
----------------------------------------------------------------------------------------------------------------------------------------
❤ البارت 1 ❤
في يوم من الايام كان احمد ذاهب الى المسجد ل أداء صلاه العشاء وعند وصوله للمسجد وجد صندوق صغير ومن داخله تصدر اصوات
احمد ب تعجب:بسم الله الرحمن الرحيم هضا شنو😳
وفتح احمد الصندوق وتفاجا من الطفله الجميله التى تسكن هذا الصندوق القديم المهتري
احمد ب حزن:معقوله ف ناس تهون عليهم اعيالهم هكى هما يغلطو الغلطه والعويله الصغار يتحملو نتيجت غلطهم😢💔
حمل احمد الفتاه الصغيره بحزن وضمها إلى صدره يحميها من برد الشتاء القارس وذهب بها الى منزله
وفي مكان آخر وقبل بضع ساعات
فوزيه: ب ينزل ب نموت لحقونى😭
سعاد:شن نديرو فواز مسافر مفش حد يشيلها مستشفي
مريم : بسرعه لحقيني ب ميه ساخنه يا سعاد انا توا نجيبها واخذه دورات ونعرف
ذهبت سعاد ل تحضر الماء الساخن وبعد قليل من الثواني عادت ومعها الماء . وبدات مريم ف توليد فوزيه وبعد لحظات اتي صوت بكاء الطفل❤ولاكن لم يكن طفل واحد بل كانو طفلين
مريم: توائم الله اكبر
فوزيه ب خوف:هما الاثنين عويل صاح
مريم ب ارتباك: بنت وعيل😔
فوزيه:لا ماتقوليهش عليش بنت لا فواز حالف يطلقنى لو جبت بنت اخره😭
سعاد ب دموع:شن ب ديري يا ماما😭
فوزيه:ه يطلقنى ويجوز 😭
مريم:انا عندي فكره بس لو حد عرف ه ينخربن ابيوتنا
سعاد ب رهبه:احكى يا اعميمه شن الفكره
مريم:ناخذ البنت ونحطها قدام جامع وولدك قاعد عندك ومحد يعلم انك جبتي توائم ومحد يعلم ب البنت الموضوع صار بينا ونحنا دفناه محد يعلم غيرنا
سعاد:حرام صغيره😭
مريم ب قلب قاسي:ربك ماينسي
فوزيه من ورا قلبها : ديري الى تلقيه مناسب😢
اقتربت فوزيه من طفلتها وتاملت ملامحها التى كانت تشبهها كثيرا🔥💔 و فتحت الحقيبه التي ب جانبها واخذت منه قلاده والبستها للفتاه 💔كان ف داخل القلاده صوره ل فوزيه وهي صغيره واخذت قلم وورقه وكتبت اسم(فراق) اطلقت على فتاتها الصغيره التى تخلت عنها🔥💔اسم فراق
خرجت مريم وف يدها الصندوق الذي يحمل فراق وضعته أمام المسجد وفرت هاربه للمنزل تاركه الصغيره تبكي خلفها 🔥
دخلت مريم ووجدت فوزيه غارقه ف دموعها ب سبب فراق صغيرتها🔥فراق
مريم:خلاص يا وليه توا يشكو ان في حاجه افرحي جبتى ولد وانسي كل حاجه كانه مصار شى
فوزيه : شن ب ينسيني شن ب يبرد ع قلبي كيف ب نرقد الليل ياريت ماسمعت كلامك اكيد تبكي ولا كلوها الكلاب😭💔
أنت تقرأ
لقيطة و لكن ( روايات ليبية )
Romanceللكاتبة : مني المجبري رغم قصر حلقاتها الا انها تحمل عبرة و حكمة جميلة جدا و احدات مشوقة و جرعة حب
