💜رواية 💜#جار_القلب 💜
♥️الحلقة الحادي عشر ♥️
⚘Hăbošh⚘للكاتبة⚘
💜💜💜💜💜💜💜💜💜💜💜💜
قصي قاعد على نار لما شاف الدكتور خاش امشاله
قصي/ خير يادكتور
دكتور/ الحمد لله تحليلها سليمة و وضعها في تحسن
قصي/ فرحان. الحمد لله و امتا تقدر تطلع
دكتور/ توا عندها ايبرة تاخذها وبعدين تطلع بس لازم كل يوم اتجيبها انركبولها دم
قصي/ و علاش الدم مش قلتلي كويسة
دكتور/ ضروري هاليومين تركب دم لانه نازل وان شاء الله مش ح تستحق هلبا
قصي/ ارتاح..بااهي الحمد لله اهم شي تقعد كويسة
و اني نسمع فيهم مانبيش قصي يعرف اني واعية كنت نتجنب فيه خايفة نضعف
قدامه و نسامحه
جاء قرب من سريري وقعمز على اركابه وماسك في يدي ويبوس فيها
قصي/ سامحيني حبيبي عذبتك معايا
وقعد ايبوس في اكفوف ايديا.
واني ماسكة روحي بالغصب كنت ناوية نحضنه ونقوله انحبك و منقدرش نكرهك ونبعد عنك
بعد ساعة جت ممرضة اعطتني ايبرة و قصي طلع ايدخن برا
و بعدين اعطوني خروج واني رافضة نمشي مع قصي
قصي/ ارجوكي بطلي اجنان وهيا معاي
انا/ لاااا مانبيش نمشي معاك
قصي/ لو مامشيتي برضاك تمشي غصبا عنك
انا/ مافيش ابكيفك اني مانمشيش معك فاهم
قصي/ وين بتمشي
انا/ حطني على اول طيارة نمشي لحوشنا
قصي/ الله ايجيك يا وطولت البال باااهي بس توا هيا معاي
انا/ وشن عرفني ماتكذبش
قصي نفذ صبره وعصب بكل جاء رفعني
قصي/ انتي مايمشيش معك التفاهم
انا/ انصارع فيه باش اينزلني..قصي نزلني
قصي/ قعد يمشي . اسكتي خير مايقولوا عليك مجنونة
انا/ انت المجنون نزلني احسن مانعيط
قصي/ ههههه عيطي
انا/ قصيي مانلعبش اني هيا نزاالني
وهو يمشي ويضحك عليا والناس اتفرج علينا حاولت نضغط عليه بس ماباش استسلمت وقعدت في حضنه وماسكة في رقبته خايفة انطيح😊
مشى بيا للسيارة ونزلني وفتح بابها
قصي/ اركبي يا دبة
انا لويت وجهي وركبت😒
قصي صكر الباب ومشي ركب و مشينا
انا/ نبي انكلم اهلي ونطمن عليهم
أنت تقرأ
جار القلب ❤️ ( روايات ليبية )
Roman d'amourبقلم : هبوشة قصة حب تجمع بين طرفين و لكنهم يوقعوا في صدمات و احدات فما اخر هذا الحب ؟
