رواية #ظلم الحياة
( خيال ممزوج بلواقع )
للكاتبة : #لجين_الحاسي 🦋
الرواية بلهجة الليبية
حلقة 6🔥
.
إسراء: فقت دوشت وفطرت لبسة بلوزه سوده عليها سروال وجاكه كروهات دمي بالأسود وكاويش أبيض❤مشيت للمستشفى أصبحت😂علي معايا في الشغل وقعدت نشتغل في شغلي وفيراس مكانش مبين قعمزت ع كرسي قدام الأستقبال خش أيهم للمستشفى وكان بروحه
أيهم: منتبهليش كان في يده أوراق ويسأل ع ريسيبشن التفت وطاحت عينه علي عيني يلي كلها تجمعت دموع
ايهم: قعد واقف يشوفلي
إسراء: رغم يلي داره فيا بس كنت حابه نحضن خوي يلي من دمي رايفت عليه قربت عليه
ايهم: مسكني من يدي وضربني كف قوي لحد م المستشفى والناس قعدت تشوف بصدمه
ايهم: شن جابك هنا حولي عن وجهي
إسراء: بحتت فيه بدموعي وبديت نبكي خذيت شنطتي وطلعت والناس كلها مستغربه(للدرجه هذي ايهم قلبه م حن عليآ حتى شويه💔)مش عارف كيف صار وكيف ضربني صارت بسرعه
____________________________
نور: لبست بلوزه بيضه مصكره قصيره فيها بطم وعليها جاكه مشماشيه وفيها وبر من الطربوش وعليها سروال جينز ووشاح أبيض وفيه ورد كبير لونه ازرق ماشيه مع بعضها وكاسره اللون❤مع ميك اب بسيط وشويه عطر
ايهاب: طلع لابس ومتأنق وريحة عطره يلي معبيه الدار🤤 .. شافلي امسحي الروج
نور: بس خفيف
ايهاب: هذا خفيف معناها كان قوي شن شكله؟ امسحي
نور: في عقلها(باااارد) مسحاته وحطت زبدة كاكاو
ايهاب: هيا
نور: هي .. طلعنا وطول الطريق م حد دواا مع الأخر لحد م وصلت لحديقة كبيره وفيها كافيين ومطاعم بس كان منظرها هدوء❤وجميله كلها عشب خضر❤ وشجر كيف المزرعه بس فيها كافي ومطاعم ومفيهش ناس واجد
ايهاب: شافلي .. عجبك
نور: يهبلل منظره هدوء
ايهاب: شوي وجاي
نور: حسيت بهدوء وراحه جديات رغم انه المكان هادئ❤شوي وجا قعمز ايهاب وجاب من الكافي بدا ياكل
ايهاب: شافلي .. كنك م تاكلي؟
نور: معنديش نيه
ايهاب: فنص فيا لين خفتت .. كوولي
نور: ااءه هي وبديت ناكل
وبعد كملت وكمل
ايهاب: شوي وجاي مش مطول
نور: وين ماشي
ايهاب: متسأليش قولي وانت بفم مصكر
نور: عقدها ليا بصراحه اضايقة .. به عدي
للكاتبه:لجين الحاسي✍🏻🦋
اسراء: روحت مش شايفه شي نبكي وخلاص والدموع علي خدي لعند م حسيت بيد لمسة كتفي رعشت وتخضيت مره وحده
وسام: اهدي
اسراء: شفتله بدموع مش عارفه كنت بس خاطري نبكي ونحضنه لعند م نرتاح وتزيل الغمه يلي عليآ
وسام: احكيلي شن صاير من مضايقك وانا نوعدك نأخذ فوق حقك
اسراء: قعدت نبكي ونلكلك
وسام: متحملش منظر دموعي وحظني لاه
بكيت بكيت بكيت لين خلاص بعدها فطنت ل وسام كيف حاضني انحرجت ووخرت منه
وسام: احكيلي من مضايقك
إسراء : ه ه هلي
وسام: ضحك ع جنب .. هلك!
إسراء: اهآ
وسام: تبكي نحسابه إلا حد مات عادي مشاكل عائليه ديما يصيرن
إسراء:ه هلي تخلو عني وانا عايشه وحدي
وسام: كيف؟
____________________________
ساره: لامه رجليها و حاطه راسها فيهن وتبكي
محمد: فتح باب الحوش مصدوم من بكي ساره .. س سسااره
ساره: تبكي😭😭
محمد: مسكها من يدها .. كنه حبيبي من مزعله؟
ساره: دفاته بالقوه .. بعدد مش تبي تاخذ سهى
محمد: من قاله لك الكلام هضا؟
ساره: اختك وكلهم يتمتمو ب اسمك انت وياها!
محمد: حطي في بالك اني مستحيل نسيبك ومش حنجوز نهى
ساره: اوعدني يا محمد
محمد: وعد
أنت تقرأ
ظلم الحياة 😢 ( روايات ليبية )
Romanceللكاتبة : لجين الحاسي 🦋 تدور الاحدات حول معاناة المراة في المجتمع الذكوري و ظلمها من قبل الأسرة . فهل من الممكن ان تجد منقد ؟
