نة كلش
ام يحيى:ههههه تكبر يمه وتصير احلى واحلى
غزوان:وامها شلونها يمه احجيلي الصدك هي بخير
ام يحيى:والله يمه هي بخير وغلاتك..بس نجرحت وجاي يخيطوها
غزوان اقشعر جسمه:شنو تعورت يعني
ام يحيى:اي شوي بس ماعليها شي تطيب..الاغلبية هيج يصير وياهم ويطيبون لا تخاف
غزوان:اكدر اشوفها
ام يحيى:لا ماتكدر لمن يطلعوها
غزوان:اريد احاجيها بالتلفون اريد اسمع صوتها حتى يطمن كلبي بس
ام يحيى:خوش يمه صار هسة يحطوها بالغرفة الثانية واتصل عليك وتحاجيك
غزوان:انتظرج اخذيها يمه لا تبرد ديري بالج فدوة يمه..
باسها ونطاها لأمه... اخذتها ودخلت داخل... نيران وهي يخيطوها هم تصرخ بالخياط رغم المخدر...
وكل شوي تكلهم عوفوني فدوة كافي..ويكوللها صبري شوي...
وبس تسال عن بتها وينها يكلولها عد جدتها محد يبوكها ويضحكن...ويكولون حقج تعبتي بيها...
وشوي خلصو خياط وبدلت ملابسها الممرضة وطلعوها وحطوها بغرفة ثانية...وهي الم ماخذها...
ام يحيى: الحمدلله على سلامتج يمه..بيج حيل تحاجين رجلج خايف عليج
نيران بتعب: الله يسلمج عمتي..اي وينه اتصلي عليه
ام يحيى اتصلت ونطته لنيران... من سمعت صوته الا شوي تبجي وتحجي على كيف مابيها تحجي...وهو كاعد وحده بره لذلك خذه راحته...
غزوان:يعمري الحمدلله على سلامتج..مبروك علينا بتنه تجنن كمر
نيران بتعب:الله يسلمك عمري..اي شفتها تشبهك كلش
غزوان:انا اشوفها انتي
نيران:فديتك..خفت عليه مو
غزوان:انرعبت بطلت ماريد جهال بعد رعبتيني وصرعتيني بصريخج انكلبت المستشفى بس مرت غزوان تصرخ
نيران ضحكت على كيف:هو بس انا هنا بنية وحدة وجايبة ورايحة بس طلعت من من غرفة الولادة
غزوان:الحمدلله الله كومج..شنو تحبين تسمينها انتي تعبتي بيها وانتي سميها
نيران رغم المها وتعبها:انته سميها بس مو على حبيبتك الاولى اموتك
غزوان ضحك:ولج يا اولى وانتي الاولى والثانية والثالثة والرابعة همين
نيران:فدوة لكلبج حبي..لعد راح اسميها جميلة على اسم امي
غزوان:هاذ هو جميلة جميلة فديتها وفديت امها..جميلتي الصغيرونه..اكول تره انا عشكتها..شلون بكلبي عافج بعد وهي استوطنت كلبي من اول نظرة
أنت تقرأ
نيران العشق
Romanceنيران العشق تدرين الشروكي لو عشك شيصير.... يحطها بعين ويغطيها بعين... لا تكليلي نار ويحرك..اي اي عصبي وماينجرع... ولا تكليلي مايقبل بكلشي ولا يقتنع... اي معقد لأن يريد حلاله اله وماينفقد... لا تكليلي صعب وماينعاش وياه ولا ينبلع... اليقبل عليه تشوف خ...
