كامت استأذنت تروح لغرفتها شوي...وراحت لغرفتها خذت التلفون واتصلت بغزوان وكلبها يدك حيييل ببلعومها صعد...اول رنة رد عليها...
غزوان:الو هلا بنبض كلبي اشتاقيتلج حبيبي
نيران:غزوان منو يمك
غزوان:بس كاظم ليش
نيران:غزوان احجيلي الصدك هاي البنية تحبك مو
غزوان:يا بنية وشقصدج
نيران:هاي الشكرا على كولت فهد..احجيلي الصدك هي تحبك
غزوان:شدراني بيها وشهل الحجي..فهد مفصم يمج مو
نيران سكتت...
غزوان عصب:ماتحجين
نيران فزعت من صياحه:فهد ماعليه كلي الحقيقة هي تحاول تقرب منك
غزوان بعصبية:تظنين بيني وبينها علاقة مو...ولج بنت الكلب انعل ابوج ولا ابو ابوج..عبالي داكه مشتاقتلي داكه بحجيج هذا وكلج شك..شهر بيت ابوج ماخذتي الدرس تردين تولدين عند ابوج
نيران ضاجت:والله ماقصدي شك افهمني ا....
كاطعها بعصبية:شوفي راح امررها الج هل المرة بس المرة ثالثة يم ابوج ترجعين..وسداه بوجها..
انقهرت من نفسها...
نيران:امداني الا اغثه يالله ارتاح..استغفر الله هسة زاد قهري اهئ اهئ ياربي شسوي اموت ولا يباوع على ذيج..الله يلعن لسانك فهد لو ساكت شيصير 😭😭...
كامت نزلت يمهم وكعدت بدون كلام...
اسماء:نيران عمري شبيج
نيران:مابيه شي عمري
ام يحيى:شفتي زوجج واخباره
نيران:اي اتصلت هو بخير
ام يحيى:شوكت يجي
نيران احتارت شتكول مو حلو الجذب وهي حتى ماسألته شوكت تجي...
نيران: هو الصبح كال العصر يجي...
وبعدهم مستمرين بالسوالف...
ساعة واجه غزوان...
غزوان دخل البيت:سلام عليكم
الكل:وعليكم السلام
غزوان:ويت فهد هالتعبان
يحيى:شبيه شمسوي
غزوان:اريده
نيران خافت تصير سالفة وغزوان يضرب فهد...
نيران:غزوان شتريد منه
غزوان مارد عليها:ملاك صبيلي كهوة..فهد وين
ملاك:بالديوان
غزوان عافهم وطلع راح للديوان...
غزوان لكه فهد نايم:فهد ومرض كوم شوكت تظل ارعن وطايح حظك
أنت تقرأ
نيران العشق
Romansaنيران العشق تدرين الشروكي لو عشك شيصير.... يحطها بعين ويغطيها بعين... لا تكليلي نار ويحرك..اي اي عصبي وماينجرع... ولا تكليلي مايقبل بكلشي ولا يقتنع... اي معقد لأن يريد حلاله اله وماينفقد... لا تكليلي صعب وماينعاش وياه ولا ينبلع... اليقبل عليه تشوف خ...