البارت 5
كانت تقف امام المرآة تطلع الى هيئتها بأبتسامة رائعة فهى كانت جذابة بحق بفستانها الفيروزى الذى يظهر لون اعينها بوضوح ، كان الفستان يضيق من عند الصدر ثم يتسع بشدة حتى نصف الفخذ و بدون اكمام و يظهر ظهرها بأكمله و ارتدت حذاء فيروزى لامع ذو كعب عالى و وضعت احمر شفاه نارى و eyeliner ، صففت شعرها و فردته بحرية فتعدى خصرها ، التقطت سلمى بعض الصور لنفسها ثم خرجت من الغرفة و اتجهت الى الصالون و فتحت الباب و دخلت فنظرت والدتها لها بتوتر و ضيق اما ملك و دنيا كانت ابتسامتهم كبيرة للغاية ، رفعت سلمى بصرها بثقة ولكن جحظت اعينها وهى تراه يجلس بجانب شابين
سلمى بصدمة جلية:زياد !!
زياد بصدمة هو الاخر:سلمى!!
والدة زياد "ألفت" بأبتسامة جميلة:مين القمر دى يا سميرة ، وانت يا زيزو تعرفها منين ؟
سميرة بتوتر:دى الخدا....
سلمى مقاطعة بتحدى:انا سلمى ، اخت دنيا
ألفت بعدم فهم: اخت دنيا ازاى ؟ ، هو مش انتى قولتى عندك بنت واحدة يا سميرة !
سميرة بتوتر جلى:اصل آآ يعنى آآ مم
سلمى مقاطعة بسخرية:اصل يا طنط هى بتخاف من الحسد عشان كدة مخبيانى عن الناس
ألفت بعدم اقتناع:اه طيب ، تعرفها ازاى يا زياد ؟
زياد:دى مهندسة الديكور بتاعت الفرع الجديد يا ماما
ألفت بسعادة:بجد!!
جلست سلمى بجانب زياد على المقعد الخشبى الذى يكون موضعه بجانب الاريكة التى يجلس عليها فمال عليها زياد هامساً
زياد بهمس:انتى بتعملى ايه هنا
سلمى بهمس:انت اللى بتعمل ايه هنا ، ده بيتى
زياد بإستغراب:بيتك !! ، اه يبقا انتى اخت آنسة دنيا
سلمى بسخرية: امال انا قولت ايه من شوية لمامتك
زياد بلامبالاة: مركزتش
سلمى بإقتضاب:طيب
ظلوا يتحدثون سوياً و اكتشفت سلمى فيه اشياء جميلة و هو ايضاً ، اما عند مازن كان يجلس على اريكة وحده و يمسك هاتفه فهو منذ ان دخل لم يرفع اعينه من على الهاتف فأقتربت منه ملك و جلست بجانبه
ملك بأبتسامة:اسمك ايه !
رفع مازن رأسه و وجد حورية تنظر له ببراءة و عفوية فتأملها بهيئتها تلك فأعجبته كثيراً و اضطربت انفاسه و دق قلبه بشدة فحمحم و نظر لها بهدوء
مازن بهدوء:انا مازن ابقا ابن عم مالك
ملك بعفوية:وانا ملك صاحبت دنيا ، بس تعرف قريبك مالك ده جدع كدة و راجل ده مرة كنت فى الجامعة و فى شاب عاكسنى و آآ
أنت تقرأ
معذبتى بقلم /لوكى مصطفى ❤️
Romanceرواية رومانسية مرحة تمس الواقع و بالطبع يوجد بها بعض الخيال😁😍😂
