هو الحب

يامن_تيمه✨

_تعرف انا حاليا ممكن اقتلك في الجزيره الهو دي .. بترمينا ف جزيره جديده يا يامن !؟؟
صرخت تيمه في وش يامن بغيظ شديد ضحك عليها واتكلم : يا حبيبتي .. انا كنت قاصد الجزيره اللي اتقابلنا فيها بس الحظ اللي وقعنا هنا !
صرخت في وشه : حظظظ .. ولا انت بقيت تحب المغامرات اوي يابن فوزيه !!
بصلها ببرود : بس انا امي مسمهاش فوزيه !؟
بصتله بصدمه من بروده وهتفت بعصبيه : لا كتير فعلا كتير علي اعصابي !
مشيت من قدامه بسرعه وهو ضحك عليها واتكلم : حاسس اني لو روحت وراها هتبوخ نار في وشي وتخلص مني!
صرخت بصوت عالي ؛ لا وانت الصادق .. هاكلك صاحي حته حته يابن فوزيه !
بص ليها بدهشه لأنه اتكلم بهمس وهي بعيده عنده .. جري وراها بسرعه واتكلم : تيمو حبيبتي .. انا فعلا معرفش اي جابنا الجزيره دي !
تيمه بغيظ : لأني فقر .. لأن موعوده اتوه في جزر
يامن بألش سخيف : جزر القُمر ههه
نطت عليه فجأه وهو وقع علي الارض وفضلت تضرب فيه : وكماااان بتألش .. كمان بتألش يا بن فوووووزيه !
يامن وهو بيحاول يتكام بصعوبه : امي مسمهااااش فوزيه!
صرخت بغل وهي بتعضه جامد صرخ هو في المقابل وقلبها الناحيه الثانيه وبقي هو فوقها وبعدها عنه وصرخ : ايه غريزتك المتوحشه ظهرت !
تميه بصراخ ؛ انت مستفززززر يا يامن مستفزززززززززززز
ضحك باستفزاز واتكلم : اكيد اتعديت منك!
تيمه : ده انا هتشل منك
ضحك عليها جامد وبعدين قرب منها وهمس : ممكن تهدي بقي يا تيمو !
بصتله جامد وبدأت تهدي واترسمت علي وشها ابتسامه هاديه .. بعد عنها بهدوء وهو بيقعد جنبها .. اتعدلت هي كمان وقعدت جنبه وبصت للشنط اللي بعيد وهمست بسخريه : وجايبه احسن لبس عندي .. يلا حلال علي المايه المالحه!
كتم ضحكته بصعوبه .. بصتله بضيق واتكلمت بابتسامه صفرا : الا انت عقلك كان فين يا يامن وانت بترميني في جزيره ؟؟
حرك كتفه ببساطه شديده واتكلم : كان ف راسي عادي !
لاحظ غضبها فاتكلم بسرعه ؛ كنت عايز اخلي عيد جوازنا ده ذكري حلوه .. ملقتش احسن من المكان اللي اتقابلنا فيه بس واضح اننا هنعيد الحكايه من تاني بس مع اختلاف احداث بسيطه انك مراتي!
قالها بغمزه فضحكت بتلقائيه واتكلمت ؛ والله انت جميل يا يامن !
رفع جزء من شفته بسخريه ؛ انتي كده بتمدحيني يعني؟!
كتمت هي ضحكتها ووقفت وهي بتنفض هدومها ومدت ايدها : قوم عشان ندور ع جوز هند لأن نفسي فيه .. تفتكر ممكن يكون ف الحزيره دي جوز هند !!
مسك ايدها وقبا ما يقوم ألش : لو ملقناش جوز هند ممكن نلاقي هند نفسها !
سابت ايده فوقع علي الارض بصدمه وهو بيبصلها ووشها بقي كله محمر واتكلمت : انا همشي ولو انت محافظ علي حياتك وباقي عليها اوعي تيجي ورايا يا باااارد .. اقولك طلقني في الجزيره دي!
صرخت في وشه ومشيت وهو بيبص عليها واتكلم باستغراب : انا رخمت عليها اوي؟!
وقف بسرعه وهو بيلاحظ انها بدأت تجري واختفت من انظاره واتكلم بصوت عالي : استني يا تيمه ليطلعك سبع ولا حاجه .. سبع ولا ضبع ههههه
سمع صراخها العالي من وراه : سخيييييييييييييييييف!
انتفض في مكانه وهو بيبص عليها ماشيه في وسط المايه فاتكلم : رايحه فين؟
تيمه : رايحه اتفسح في الجنينه .. رايحه لأي سمكه قرش تاكلني افضل منك يا سخييف يابن فوزيه!
يامن بضيق : قولت امي مسمهاش فوزيه!
صرخت بغيظ شديد منه وهي بتتكلم بسرعه : هيموتني .. هيشلني .. بارد .. منك لله يا يامن .. منك لله مرارتي .. حسبي الله ونعم الوكيل!
اتكلم من وراها بهمس : بتحسبني علي جوزك حبيبك ؟
انتفضت مكانها بس قبل ما تعمل اي رده فعل شالها بسرعه ودخل في المايه اكتر وحدفها جامد صرخت بفزع وهو ضحك جامد وبعدين حس بحد بيشد رجله ووقع هو كمان في المايه وكان دورها في الضحك وسبحت بعيد وهتفت : تستاهل يابن فوزيه .. قسما بالله لو قولت امي مسمهاش فوزيه مش عارفه هعمل فيك اي ؟
بصلها بغضب من فعلتها وهو متابعها بتعوم وهتف في نفسه بسخريه : متجوز سمكه بلطي ؟؟ تعالي يا سمكه !
قالها وهو بيعوم وراها وسط ضحكهم هما الاثنين وبدأوا يهزروا مع بعض ونسوا انهم من شويه كانوا هيقتلوا بعض !
وقفت عن الضحك وهي بتتعلق في رقبته واتكلمت بهمس : تعرف اني حبيت الجزيره دي!
همس بصوت وصلها : ما لازم تحبيها لأننا هنعيش هنا للأبد!
بصتله بصدمه وهتفت : نعم؟
بلع ريقه بتوتر واتكلم : ماانا هفهمك .. المفروض اننا منكنش هنا وبما ان مفيش حد يعرف احنا فين حتي احنا .. فاحنا ممكن نستقر هنا لأخر العمر.. احنا ولو خلفنا ان شاء الله !
بصتله بصدمه وصرخت ؛ خلفنااا .. اخلف ابني في جزيره .. في وسط البحر .. اخلفه مملح؟؟ منك لله يا يامن !
حرك كتفه ببراءه شديده وهو بيراقب عصبيتها اللي ظهرت كتير اوي النهارده .. قرب منها جامد وهو بيحضنها وكأنها مش متعصبه وهو مقلش نصيبه وهمسلها : بحبك يا تيمه!
حس بهدوءها في حضنه .. رفعت وشها واتكلمت بنبره حنونه ؛ انا مستعده افضل معاك في جزيره لأخر العمر يا يامن !
ابتسملها بحب وهو بيبوسها علي جبينها .. عارف انه بيعصبها كتير بس هو بيحبها متعصبه لأنها بتحلو اكتر لما تحمر .. ودي الحاجه اللي استحاله يقولها ليها عشان لو عرفت عمرها ما هتتعصب منه وده اكيد مش عايزه !

#يامن_تيمه
#Nemo