#شمس الصعيد. ١٩&٢٠&٢١
الحلقه١٩
👑(استغفر الله العظيم)👑
فزاع كان نائم و شمس في حضنه
فتحت عينها و هي وتنظر حولها حتي تطرد النعاس شعرت ليدين حول جسدها.. لسه صاحيه ومش مستوعبه في ايه
. اتنفضت من علي السرير وزقت ايده وقامت واقفت وهي بتنهج وحاطه ايديها علي قلبها
استيقظ فزاع بفزع ونظرلها لتبادله النظره ولكن بعتاب وحزن واطمئنت انه فزاع .
هبطت دموعها و ركضت الي الحمام واغلقت الباب بالمفتاح .. جلست علي طرف حوض الاستحمام تبكي .وهو يقف في الخارج يسمع صوت بكائها
دق علي الباب
فزاع : ممكن تخرجي وتسمعيني . غلط تبكي في الحمام . اطلعي نتكلم وانا هعملك اللي انتي عايزه
شمس: عرفت مكاني منين .
فزاع : دورت عليكي في كل مكان . وصقر قالي انك قولتي لضحي انك لو تعبتي عم ابراهيم معاكي . وامي قالتلي اشوفك هنا
شمس : انا همشي من هنا
كل ده وهي بتتكلم في الحمام وفزاع بيكلم وهو يقف خارج علي الباب
فزاع : طيب افتحي الباب واخرجي نتكلم .
شمس : لا انا مخصماك ومش عايزه اتكلم معاك. وده اخر كلام
فزاع : طيب اخرجي ومتكلمنيش
شمس قامت غسلت وشها وفتحت الباب وخرجت وهي عينيها في الارض وفزاع جذبها لحضنه
فزاع بعتاب : انتي ازاي تمشي من البيت. ده انا كنت هتجنن من الخوف عليكي . حرام والله اللي عملتيه فيا
شمس دفعته : ابعد عني . انت قولتلي اخرجي من الحمام ومت..
قطعها فزاع : قولتلك متكلمنيش . لكن انا هكلمك .
شمس زقته ووقفت بعيد عنه وبعدين نزلت وهو وراها من غير اما يتكلم دخلت علي المطبخ وفتحت التلاجه طلعت لبن وشربت منه وهو يقف امامها وبيرقبها
شمس : هتفضل واقف قدامي كده كتير
فزاع : انا لحد دلوقت مش مستوعب اللي انتي عملتيه . انتي خرجتي من البيت من غير اما تقولي لحد وكمان مروحتيش علي بيت ابوكي . وايه اللي جابك علي هنا لوحدك
شمس: انا خرجت علشان انت ضربتني وايدك واجعتني جامد بص وشي معلم ازاي من ايدك . ارجع ازاي عند بابا وماما بشكلي ده . ها ( عيطت )
فزاع قرب منها وحضنها ومسح دموعها ..
فزاع : يا الله . بطلي عياط . قطع ايدي اللي اتمدت عليكي
شمس : بعد الشر عنك .
فزاع ابتسم : خايفه عليه
شمس استوعبت هي قالت ايه : ها . لا مش خايفه . بس متدعيش علي نفسك . وبعدين قولتلك ابعد انا مش بكلمك .
فزاع : طفله والله
شمس : انا مش طفله
فزاع : اما تتصرفي بتهور تبقي طفله . تقدري تقولي انتي جيتي هنا ازاي
