#شمس الصعيد من ٣٨&٤٣
الحلقه ٣٨
(ربي اغفر لي وارحمني )
الايام بتعدي والجو هادي في البيت
الولاد قدمو علي الجامعه عن طريق النت ومع بدايه الدراسه هيسافرو .
في يوم عز كان زهقان خد الحصان بتاعه وفضل يلف شويه في البلد وفجاه في بنت ظهرت قدامه ووقعت . نزل بسرعه من علي الحصان وفضل يفوق فيها
عز بخضه : انتي .. يا انسه . فوقي .. وبيخبط علي خدها لحد اما البنت ابتدت تفوق وفتحت عينيها وتنحت شويه وبصه في عين عز
عز : انتي كويسه اتكلمي
البنت : اه الحمد لله . ايه اللي حصل
عز : كنت راكب علي الحضان ولقيتك مره واحده . وقعتي في الطريق . بس والله مجتش جنبك
البنت : ها .. اصل انا كنت تعبانه وحسيت بدوخه . وتقريبا. اغمي عليا
عز كان رافع راسها ومقربها عليه علشان يفوقها .
عز : طيب قومي معايا . علشان شكلنا كده مش كويس . لو حد شفنا هيقول ايه
البنت بتحاول تقف . عز وقف وشدها من ايديها واقفها . وهي بتظبط هدومها
عز : طيب انتي ساكنه فين وانا هوصلك
البنت : انا مش من البلد انا جايه هنا لاهلي .
عز : يعني عارفه العنوان وله لا
البنت : طيب ممكن اقعد شويه هنا تحت الشجره استريح . لان انا حاسه بدوخه
عز : طيب اقعدي استريحي . وانا هجبلك عصير
البنت : وشكولاته معاك
عز : نعم
البنت : معلش اصلي دايخه . وهديك حقهم متخفش
عز : لا مش عايز فلوس . ثواني وارجع
عز ربط الحصان في الشجره . ودور علي سوبر ماركت واشتري عصير وشكولاته وشيبسي ورجع للبنت
عز : اتفضلي
البنت خدت الشنطه : ايه كل ده .. كتير اووي . شكرا. ليك
عز : العفو . انتي لسه تعبانه
البنت : يعني .. ممكن تقعد معايا شويه
عز : اوكي
عز قعد بعيد عنها شويه
البنت : انت اسمك ايه
عز : عز الهاشمي .
البنت : وانا صافي يوسف
عز : تشرفنا
صافي : شكلك جينتل مان
عز : اها . اشمعنا
(تاليف: ياسمين علاءالدين )
صافي : يعني انت متعرفنيش وساعدتني . وكمان قاعد معايا
عز : عادي يعني شوفتك تعبانه وبساعدك
صافي : وكمان متواضع
عز ضحك : انتي بتحللي شخصيتي . انا لسه عارفك من عشر دقايق
صافي : تكفيني اني اعرف عنك حاجات . بس قولي انت عندك كام سنه
عز : هو انتي هطلعيلي بطاقه .
صافي : بجد قول
عز : ١٨
صافي : امممم حلو . انا ١٧
عز : اظن كده انتي بقيتي كويسه . تعالي اوصلك بقي
صافي : تعرف اني بشوفك كل يوم
عز : انا ... فين
(تاليف: ياسمين علاءالدين)
صافي : اوقات بشوفك علي الحصان واوقات بشوفك مع ولدين وبتدخل الجامع . اصل انا بيت جدي جنب الجامع
عز : اها . انتي بترقبيني بقي
صافي ضحكت : تقدر تقول معجبه بيك
عز : انتي جريئه اووي
صافي : علشان قولت الصراحه
عز : في فرق بين الصراحه والوقاحه
صافي : كده . يعني انا وقحه
عز : متزعليش مني انا صريح . بس مينفعش بنت تقول لشاب انها معجبه بيه . هيفهم غلط
صافي : بس انت مش اي شاب . وبعدين شكلك مش نوع الشباب اللي بتتسلي بواحده
عز : وانتي تعرفي انواع الشباب
صافي : لا . بس بسمع من صحابتي . واكيد بعرف افرق
. علي العموم اتمني اني مكنش ازعجتك . عن اذنك وقامت وقفت ومشيت
عز بصلها شويه وحس انه زودها في الكلام . بس مرديش يعتذر منها وله ينادي عليها . وسابها تمشي
ركب علي حصانه ورجع الاسطبل ربط الحصان وطلع علي اوضه بتاعته
اما زين فهو راح الشركه مع ابوه و عمه صقر
